اذا متهتم لنفسك
اهتم لعائلتك و ابقى بالبيت.

واحد من الأسباب هو حتى نشتم احسن

اولشي اكو شي اسمه Nasal cycle
و إذا اترجمه للعربي حرفيا ف رح يكون اسمة الدورة الأنفية

كتعريف بسيط للسالفة ف هو انه بالانف كل ساعتين تقريبا يتغير مقدار ال airflow بين فتحة و فتحة

زين ليش؟
اكو شعيرات صغيرة داخل الانف (cilia) ف بتقليل الضغط عليهم رح يشتغلون بشكل كفوء اكثر
اذا ميتخفف عنهم الضغط ف رح ييبسون (dry out يعني)
واذا نشفوا ف الدقائق الي بلهوة (مثل التراب) والمخاط يدخلون للرئة
ف لمن نقلل مقدار الهوة الي يطب على هذني الشعيرات بين فترة و فترة ف رح تاخذ هاي الشعيرات راحة حتى متجف


و هاي الدورة الانفية (nasal cycle) تخلي الواحد يشتم احسن
مثل متعرفون الروائح عبارة عن مواد كيميائية بالهواء
و هذني المواد الكيميائية تسوي روابط مؤقتة وية مستشعرات الرائحة بالانف
و هذني المستشعرات توصل اشارة للدماغ علمود يتعرف على الريحة

ف قسم من هذني المواد الي بيها ريحة تلتصق سريع بالمستشعرات ف لذلك تحتاج ان تمشي اسرع بالانف لان رح تسوي روابط بشكل سريع
اذا ممشت بشكل سريع ف رح تلتصق ببداية الانف و مراح يكدر الواحد يشتمها

و اكو روائح تحتاج وقت اطول حتى تكون الروابط و اذا جانت دتمشي سريع ف رح تعبر من المستشعرات بدون منشتمها

——————————————————————-
المصادر:
https://www.mentalfloss.com/article/30363/why-does-your-nose-get-stuffy-one-nostril-time

http://www.abc.net.au/science/articles/2000/11/01/198395.htm?site=science/greatmomentsinscience

https://news.stanford.edu/news/1999/november10/smell-1110.html

http://www.emptynosesyndrome.org/turbinate-tutorial/role-of-turbinates-humidification/

https://www.ncbi.nlm.nih.gov/pubmed/23576311

خوش قرار لغوا الإسلامية من البكلوريا هلسنة
لو يشيلوها للابد بعد احسن
لان مبيها فائدة ليش داقرة قران و امتحن بيه
خوب اذا اريد اقراه اني لنفسي
اتمنى يجي يوم تنشال من المناهج

هسة رح انتظر واحد يجي يكلي كافر
بس من هسة حجاوب لا مو كافر بس مادة الاسلامية لازم تنشال من المناهج

اكو الي يكولون ان الاسلامية هي المادة الوحيدة الي ترفع المعدل و مدري ايش

ترة مادام الكل ضامن بيها درجة ف مراح يفرق وجودها من عدمها
الكل رح يصعد معدلة او ينزل بنفس المقدار ف مراح يفرق
لان خلوا ببالكم المنافسة على منو يكون اعلى من البقية
مو اكو معدل ثابت ولازم توصلولة

شوية لازم الواحد يفكر
+لو الوزارة هسة ترجع الاسلامية هم رح نشوف ناس تلطم

-----------------------------------‐-------------
برايكم على اي اساس نحكم على شي كيوت او مو كيوت

اولشي cute جاية من acute (ذكي/شديد/قوي)
تحولت ال cute لكلمة توصف البنات الحلوات
واخر شي صارت الي عليه حاليا
كيوت يعني كيوت


Konrad Lorenz درس سالفة ال "كيوت"
و صارت عدنا مثل لستة بلاشياء الي يعتبرها البشر كيوت بالاشياء الحية
مثل انه حجم جسم صغير مقارنة بحجم راس جبير بالنسبة للجسم
عيون جبيرة
تفاصيل و ملامح ناعمة
ليش هالتفاصيل بالذات؟

هالتفاصيل كلها موجودة بالاطفال
لذلك الكل يشوف الاطفال كيوت
و من زمان عند البشر لمن يشوفون طفل ف يكون الوضع الدفاعي عدهم اعلى علمود الطفل حتى ميتاذة الطفل ويحموه (فدشي غريزي)
بس هنا اللقطة انه ك بشر اكو اشياء غير الاطفال هم نشوفها كيوت غير الاطفال
مثلا ارنب بومة بزونة صغيرة
و حتى مطرقة ( الجاكوج ممكن يكون كيوت)

زين شلون؟

هسة هنا عدنا جاكوج طبيعي

هنا صار عدنا جاكوج كيوت
الفرق انه غيرنا الصفات مالته سوينة ملامحة أنعم و مدورة اكثر و غيرنا التناسق بين حجم الراس و الجسم
صار عدنا جاكوج كيوت

زين وين نحس الكيوتنس؟ (cuteness)
اكو مكان بالدماغ اسمة Nucleus Accumbens
الي يفرز الدوبامين لمن نشوف شي كيوت و هلشي ياثر حتى على تصرفاتنا

ال Nucleus Accumbens هو نفس المكان الي يستهدفة الكوكايين و الميث
لذلك لمن نشوف شي كيوت ممكن يخلينا ناخذ قرار او نشتري شي مجان سويناه لو مدنشوف شي كيوت كبالنا

لذلك هواية شخصيات مثل ميكي ماوس و بيكاتشو سووها "كيوت" اكثر بمرور الزمن
علمود الناس يحبوها اكثر

لذلك المبدأ مال ال Kawaii هم يعتمد على نفس الاسس الي شافها كونراد لورينز

يعني مثلا اذا نسال اي شخص طبيعي شكم راس نحتاج حتى نمثل طول الجسم مال الإنسان حيكلك فد 7.5 كمعدل

بالانمي لمن الكاركتر يريدوه يكون مثلا بطل او قوي
ف رح يكون نسبة عدد الرؤوس لطول جسمة من 8 ل 8.5

بينما لمن نريد نسوي الشي كيوت نسوي العكس و يسووه بين 5.5 الى 6.5 (مثل كاركترز المانكا)

https://www.psychologytoday.com/intl/blog/under-friendly-spell/200803/cute-the-brain

و هذا موقع تكدرون تجربون بنفسكم تغيرون بابعاد وجه و بزونة وجاكوج من شي عادي الى شي كيوت https://annex.exploratorium.edu/mind/ (يشتغل على الحاسبة)

و هذا ted talk اذا تحبون تشوفوه
https://www.ted.com/talks/dan_dennett_cute_sexy_sweet_funny

هذا ted talk عن الموضوع كلش انصحكم تشوفوه
حتى اذا مقريتوا المكتوب شوفوا الفيديو

*قللت الدقة حتى يحمل يمكم

---------------------------------------------

تدرون هواية اشياء نحكم عليها بسبب النظرة او الجانب الي شفناه اول
يعني ممكن نساند اشياء غلط بس لان تعلمنا عليها او نحب شي و نكره شي بسبب فكرة انكالتلنا اول او انعرضت علينا بفد طريقة حببتنا بيها و مفكرنا بيها فعلا صح او غلط

ك مثال بسيط اكيد اغلبكم شايفين La casa de papel
واضح كلش انه هي عبارة عن عصابة و دتبوك و تاخذ رهائن و دتكسر القانون و ماكو اي شي صح بالموضوع

بس ستل كلنا نحب الجانب الغلط مع العلم هو غلط
لان اتصورلنا انه هاي العصابة هي الناس الزينة و ان الشرطة (الي حرفيا ديسوون شغلهم) همة الناس السيئين
حتى غانديا الكل كرهة
بس حرفيا جان ديسوي الشي الصح و ديسوي شغله
بس لان القصة تحبب "الناس الغلط" النا ف حرفيا كمنا نحب الجانب الغلط و نكره الجانب الصح بسبب فكرة انزرعت بينا (بغض النظر عن تعديهم على حقوق الانسان بس داحجي هنا هسة بشكل عام)


هلشي مينطبق بس على هالمسلسلة ينطبق على هواية أشياء حتى من ضمنها اقتناعنا بان الدين الي انولدنا عليه هو الصح و الباقي كلة غلط
كلة بسبب فكرة انزرعت بينا واحنة صغار و تزينت النا (بغض النظر على انه الدين الي انولد الشخص عليه صح او غلط كل الناس من كل الاديان يتوقعون نفسهم الصح و بس)



و اكو امثلة اخرى بعد
بس المهم ك بشر لازم كلنا نتقبل نسمع الانتقاد و نفكر بيه لان مهما تكون مقتنع بشي ف اكو راي اخر للشي الي انت مقتنع بيه و ممكن يطلع صح و ممكن ميطلع صح و يكدر الواحد يحكم بنفسه بعدين
بس التمسك بالراي او المبدا الي الواحد ممفكر بيه هو شي سلبي جدا و أحيانا ممكن يخلينا الجانب الغلط بدون منحس

لذلك كلنا لازم نتقبل الانتقاد بانواعه و نسمع للاراء خصوصا الاراء الي بعيدة عن ارائنا