بدال ما الاغلبية يشتكون و يكولون التعليم الالكتروني فاشل
خل يصلحون النقاط "الفاشلة" الي دتصير

العطلة و البقاء بالبيت مهمة بالنسبة للوضع الحالي
خصوصا ان اغلب حالات ال COVID-19 بالعراق مديتبلغ عليها اصلا و لساهم يختلطون بالناس
و جهل الناس الي تتكتم على الموضوع مثل المراة الي توفت بمستشفى كربلاء بسبب انه مكالوا هي جانت بإيران و محجوا معلومات دقيقة
و اخر شي ماتت و طلع بيها ال COVID-19 و كادر كامل مال مستشفى دخل حجر صحي!
و هذا الكادر عالج غير ناس
يعني يجوز انتقل المرض لغير مرضى بالمستشفى!!!!
كله بسبب عدم اعطاء اهل المراة الي مصابة بيه المعلومات الكافية و الصريحة للكادر الطبي


ف البقاء بلبيت هسة مهم
بس شلون نكمل السنة؟
التعليم الالكتروني حل

و ابد ما اعتبر التعليم الالكتروني فاشل
اذا اكو اخطاء ف لازم تتصحح مو نكول التعليم الالكتروني فاشل و هاهية!
رفض المبدا بدون سبب مقنع هو شي غير منطقي

المفروض نستفاد من التعليم الالكتروني لصالحنا
و اكو هواية مواقع تسهل هلشي مثل Google Classroom و Canvas و غيرها من ال educational websites

و ممكن تنزل اللكجرات مصورة و تنزل بيها السلايدات و الملازم PDF و مداشوف اي مشكلة بلموضوع غير عدم المعرفة الكافية لبعض الدكاترة و بعض الطلاب لاستخدام النظام و البرامج


و هي مو معضلة كيفية إستخدام Google Classroom و Canvas بالطريقة الصحيحة
البرامج كلش user friendly و سهلة
و حالها حال مواقع التواصل الاجتماعي الي اغلبية الناس يعرفون يستخدموها
ف ليش نحجي على شي و نعتبره سيء بس بلواقع اكو نقاط تتصلح و ممكن نستفاد منها؟

قبل الشكوى لازم الواحد يفكر من شنو ديشتكي

و كلامي هذا مو شي داحجيه بدون تجربة
اني الومناي برنامج تبادل ثقافي على الانترنت
و كل المواد التعليمية جانت على الانترنت
و مجانت عندي اي مشكلة!
و هلشي رح يسهل على الكل و يعبرنا هاي الفترة الصعبة

و الريدي اكو ناس حتى بالسادس اعتمدوا على الانترنت بالدراسة و جابوا معدلات

و الريدي احنة نستخدم سوشل ميديا و ننزل فايلات و العاب و نتفرج فيديوات
بدال ما الواحد ينزل "PUBG" و غيرها من الألعاب و البرامج
ف الملازم خلال ثواني تنزل لان حجمها هواية أصغر
كذلك ممكن تنزل المحاضرات يوتيوب و الي يستخدم اليوتيوب يعرف كلش زين انه بسهولة يتفرج الفيديوات حتى لو النت ضعيف
ف الريدي دنستخدم الانترنت لأغراض هواية
مراح توكف على الدراية

و الريدي احنة نستخدم سوشل ميديا و ننزل فايلات و العاب و نتفرج فيديوات
بدال ما الواحد ينزل "PUBG" و غيرها من الألعاب و البرامج
ف الملازم خلال ثواني تنزل لان حجمها هواية أصغر
كذلك ممكن تنزل المحاضرات يوتيوب و الي يستخدم اليوتيوب يعرف كلش زين انه بسهولة يتفرج الفيديوات حتى لو النت ضعيف
ف الريدي دنستخدم الانترنت لأغراض هواية
مراح توكف على الدراسة

اعلان ممول

اليوم يصادف ١٥ رجب
اول البارحة جانت تصادف ١٣ رجب الي هية ذكرى ولادة الامام علي بن ابي طالب

سالت روحي قبل شوية سؤال
هواي قاري و سامع و العالم على يقين و ماعدهة شك انو علي انولد بلكعبة
بس بعمري مسامع حديث نبوي لصحيح مسلم و البخاري و المراجع الدينية ذاكر بيهة محمد ولادة علي بلكعبة

دورت ع مصادر ولادة علي بلكعبة
فطلعت للشيخ ابو عبدلله محمد الحاكم النيسابوري بكتابه "المستدرك على الصحيحين"
و هذ افضل مصدر وصل النة لانه اول كتاب حجة على ولادة علي بلكعبة
اما المصادر البقية ف جانت تعديل على كتاب المستدرك على الصحيحين
و الحلو و المبهر بلكتاب انو هذ الي كاتبة "فقد تواترت الأخبار أنَّ فاطمة بنت أسد وَلَدَتْ أميرَ المؤمنين عليَّ بن أبي طالبٍ كَرَّمَ الله وجهه في جَوْفِ الكعبة"

بسسسس. ! يعني اتخيلو ملايين من المسلمين على يقين انو علي انولد بلكعبة بس لان النيسابوري كال هيج

وهوة بنفسةةة كال "تواترت الاخبار" يعني بنفسة سمع من الناس
و مستحيل سمع من الاصوليين لان جان بعيد عنهم نولد بايران و وورة فترة طويلة يلا اجة للعراق
و حتى اكو كتاب انشر لعالم يثبت انو النيسابوري من كال تواترت الاخبار يعني سمع من الناس مو من الاصوليين يعني مو من ال البيت

لو نجي نحسب حساب عرب ف النيسابوري نولد سنة 321 هجري يعني ورة ٣٠٠ سنة تقريبا من هجرة الرسول
و علي انولد قبل ١٠ او ٢٣ سنة من بعثة النبي

فتخيلو كمية السنين الي انتقل بيهة حجي الناس بدون تدوين الى ان دونهة النيسابوري
و هم بنفسة جان ممتاكد

لا و حتى اكو كتب معتبريهة مراجع دينية صحيحة و هية تكول انو فاطمة بنت اسد اجاهة وحي انو تجي يم البيت الحرام و البيت الحرام انشك جدارة و فاتت فاطمة للكعبة و جابت علي حتى بدون مساعدة و فاطمة مدري علي كالوا اشهد ان لا اله الا الله و رجع الشك اتصلح من كيفة ورة مطلعت هية و ابنهة

زينننن هوووب
المراجع الدينية المعتمدة تكول انو جبريل هوة اول وحي ينزل و نزل ع النبي بغار حراء
و علي جان عمرة ١٠ سنين مدري شكد و هوة اول شخص اجة عليه النبي و اسلم

يا اخي اكو كتب تكلك اصلا اكو غير شخص الي هوة حكيم بن خزام انولد بلكعبة و ما سمعوا باحد غيرة نولد بيهة

يا اخوان دا احس حياتي fake من ورة الاسلامية مال ابتدائية

هاي الرسالة كتبها ولد صديقي و استاذنته علمود انزلها لان كلش تستاهل

هذا مو انتقاد للشيعة ولا تمجيد للسنة
لان الطائفتين عدهم هواية خرافات دينية غلط

لازم بكلشي نعرف الصح و الخطأ حتى بالدين
لان هواية ناس تحب تبدع بافكارها الغبية

و اني مو ضد الدين
بس ضد الخرافات الي يدخلوها دائما بالدين و الناس تصدك و تطيع بدون متسفسر انه من وين اجة هلكلام و شنو الدليل!!

لازم بحياتنا نتاكد من كلشي نسمعه قدر الامكان
و ندور على الدليل.

بما انه كاعدين بلبيت و كورونا
ف سمعوا للاشياء اللطيفة بهالقناة

اذا متهتم لنفسك
اهتم لعائلتك و ابقى بالبيت.

واحد من الأسباب هو حتى نشتم احسن

اولشي اكو شي اسمه Nasal cycle
و إذا اترجمه للعربي حرفيا ف رح يكون اسمة الدورة الأنفية

كتعريف بسيط للسالفة ف هو انه بالانف كل ساعتين تقريبا يتغير مقدار ال airflow بين فتحة و فتحة

زين ليش؟
اكو شعيرات صغيرة داخل الانف (cilia) ف بتقليل الضغط عليهم رح يشتغلون بشكل كفوء اكثر
اذا ميتخفف عنهم الضغط ف رح ييبسون (dry out يعني)
واذا نشفوا ف الدقائق الي بلهوة (مثل التراب) والمخاط يدخلون للرئة
ف لمن نقلل مقدار الهوة الي يطب على هذني الشعيرات بين فترة و فترة ف رح تاخذ هاي الشعيرات راحة حتى متجف


و هاي الدورة الانفية (nasal cycle) تخلي الواحد يشتم احسن
مثل متعرفون الروائح عبارة عن مواد كيميائية بالهواء
و هذني المواد الكيميائية تسوي روابط مؤقتة وية مستشعرات الرائحة بالانف
و هذني المستشعرات توصل اشارة للدماغ علمود يتعرف على الريحة

ف قسم من هذني المواد الي بيها ريحة تلتصق سريع بالمستشعرات ف لذلك تحتاج ان تمشي اسرع بالانف لان رح تسوي روابط بشكل سريع
اذا ممشت بشكل سريع ف رح تلتصق ببداية الانف و مراح يكدر الواحد يشتمها

و اكو روائح تحتاج وقت اطول حتى تكون الروابط و اذا جانت دتمشي سريع ف رح تعبر من المستشعرات بدون منشتمها

——————————————————————-
المصادر:
https://www.mentalfloss.com/article/30363/why-does-your-nose-get-stuffy-one-nostril-time

http://www.abc.net.au/science/articles/2000/11/01/198395.htm?site=science/greatmomentsinscience

https://news.stanford.edu/news/1999/november10/smell-1110.html

http://www.emptynosesyndrome.org/turbinate-tutorial/role-of-turbinates-humidification/

https://www.ncbi.nlm.nih.gov/pubmed/23576311

خوش قرار لغوا الإسلامية من البكلوريا هلسنة
لو يشيلوها للابد بعد احسن
لان مبيها فائدة ليش داقرة قران و امتحن بيه
خوب اذا اريد اقراه اني لنفسي
اتمنى يجي يوم تنشال من المناهج

هسة رح انتظر واحد يجي يكلي كافر
بس من هسة حجاوب لا مو كافر بس مادة الاسلامية لازم تنشال من المناهج