شكرا شباب

قبل فترة صار كلام و لحد الان الناس يحجون بسالفة "دخول بعض الجامعات تصنيف عالمي"
و ان جامعة بابل حصلت اعلى تقييم بالعراق و جامعة بغداد هم دخلت للتقييم
و صارت مقارنة بين الجامعات الاهلية على اساس تصنيف للكليات

بس هالتصنيف الي الكل تخبل عليه خصوصا قبل فترة هو تصنيف للموقع الالكتروني للكلية فقط

يعني مبيه اي اهمية من الناحية العلمية او جودة البحوث او جودة التدريس او المادة الي دتدرسها الكلية

لان التقييم الي ديمشون عليه الناس هو تقييم ال webometrics الي مثل مكلت يعتمد على الموقع مال الجامعة حصرااا


https://en.wikipedia.org/wiki/Webometrics_Ranking_of_World_Universities?wprov=sfla1

اكو انواع تصنيف للجامعات تعتمد على جودة البحوث و حسب جوائز نوبل الي طالعة من الجامعة و عوامل اخرى كومة

احسن تقييم للجامعات هو تقييم شانغهاي
هو اكثر شي معتمد و يقيم الجامعات حسب جودتها بشكل فعلي و يحتوي على 500 جامعة فقط و ولا وحدة من هالجامعات عراقية

واكو بعد انواع للتصنيفات الجامعية موجودة بهلارتكل
https://en.wikipedia.org/wiki/College_and_university_rankings?wprov=sfla1

احب اقدم خالص شكري للقناة المجاورة
@LegendOfONA

و احب اقدم اكبر و اثكل شكر للراعي الرسمي القناة المجاورة
@batnashit0

بمناسبة 200 سبسكرايبر خلال 3 ايام و 5 ساعات

كل عام وانتوا بخير
اتمنى لكم عيد سعيد و وقت لطيف

شايفين بالدعايات مال معجون الاسنان لمن يكولون فلان معجون 9 من اصل 10 أطباء يفضلون معجون اسنان معين مثلا سنسوداين

الواحد لمن يشوف كل الشركات مال معجون الاسنان بالاعلانات يستخدمون نفس الحجاية يحس أن اكو جذب بالموضوع
بس بالواقع فعلا 9 من اصل 10 أطباء يقترحون هلمعجون مال الاسنان

بس شلون يعرفون و شلون تتحدد
الفكرة صارت ان ينطون استبيان لشريحة من اطباء الاسنان حتى يختارون احسن انواع معجون الأسنان الي يفضلوها
ف الطبيب يكدر يختار أكثر من معجون
بالنهاية كل طبيب رح يكون مقترح اكثر من معجون

ف يقسمون عدد اختيار المعجون على عدد الاطباء و تطلع النسبة

يعني اذا سألنا 1000 طبيب اسنان على معجون الاسنان الي يفضلوه و كلواحد أختار 5 أنواع بس مو كلهم اختاروا نفسها
ف بالنهاية ممكن ان 900 منهم يقترحون سنسوداين
و 900 منهم يقترحون كولجيت
و هكذا
ف لمن نقسم 900 على 1000 رح يطلع 9 من أصل 10 اطباء يقترحون أكثر من معجون اسنان


فبالنهاية الإعلانات لاكثر من شركة تكول 9 من اصل 10 اطباء

شنو ممكن يصير لو تضاعف حجم الارض؟

كبداية لمن نضعاف حجم الأرض نعتبر الكثافة بقت نفسها
الي حيصير عدنا كبداية
كتلة الارض حتزيد 8 اضعاف
الي حيخلي الجاذبية تزداد بمقدار الضعف

هلشي رح يخلينا كبشر بصعوبة نتحرك و حنكون حرفيا كانما شايلين نسخة من نفسنا على ظهرنا و الوزن رح يتضاعف
بسبب هلشي بمرور السنين و بسبب التطور رح تثخن العظام حتى تتحمل الوزن المضاعف للجسم البشري

الأشجار بشكل عام رح تسقط و الاشجار الجديدة مراح تنمو لنفس طول الأشجار حاليا
لان حاليا اكو حد لطول اي شجرة هو 120 متر و متكدر الاشجار تعبرة بسبب الجاذبية
ف هلحد رح يقل بسبب الجاذبية المضاعفة
و هلشي يرجع لان صعود الماء من الجذور للاوراق حيكون اصعب و يتطلب طاقة اكثر
(الشجرة تستمر بالنمو مادام مقدار الطاقة الناتجة من البناء الضوئي تكون اكبر من المصروفة على نقل المواد و خصوصا المي داخل الشجرة)


بالنسبة للقمر ف صحيح جاذبية الأرض زادت بس مراح يتدمر القمر بسبب هلشي
لان رح يكون القمر خارج منطقة ال roche limit
(اذا جان القمر داخل هلمنطقة ف رح يتفتت و يصير حول الارض حلقة تشبه حلقة زحل)(القمر يتفتت لان الجاذبية بين الجزء البعيد من القمر و الجزء القريب من القمر تختلف ف تصير كأنما قوتين دتسحب بيه)

و بزيادة حجم و كتلة الارض حتزداد العناصر الغير مستقرة بالطبيعة الي يؤدي الى حرارة اعلى و براكين اكثر

هالتاثير مراح يكون مميت او ينهي البشرية بس رح تصعب الحياة بشكل ملحوظ




المصادر
https://en.wikipedia.org/wiki/Roche_limit?wprov=sfla1

https://www.livescience.com/33294-what-if-earth-twice-size-big.html

https://earthsky.org/earth/what-is-the-source-of-the-heat-in-the-earths-interior

https://www.livescience.com/14667-tall-trees-grow.html

https://io9.gizmodo.com/what-is-a-trees-maximum-possible-height-5813349

شلون ممكن يصير اكبر انفجار غير نووي بالتاريخ
و وين؟

المكان و القنبلة جاهزين من سنة 1944
هالمكان ال"خطر" ببريطانيا تحديدا ب Thames Esturay (ممر مائي صاير بلمكان الي يلتقي بيه نهر التيمز وية بحر الشمال)

هالمكان غرقت بيه سفينة SS Richard Montgomery
غرقت هناك يوم 1944/8/20
جانت دتنقل ذخيرة و صارلها حادث بسبب الجو السيء و التوجيه السيء ادى لغرقها بحيث انقسمت نصين و بقت جوة البحر
السفينة فرغوا قسم من عتادها
بس حاليا بيها 1400 طن من ال TNT

اذا انفجرت لاي سبب كان بسبب الحظ السيء و هلشي محتمل عاجلا ام اجلا
رح يكون اكبر إنفجار غير نووي بالتاريخ

كمقارنة اذا ناخذ تجربة الروس بقنبلة the father of bombs ال (FOAB) الي تحتوي على 44 طن من ال TNT و تتفجر بقطر 300 متر
ف المتفجرات بالسفينة الغارقة نكدر نكول كانما 30 قنبلة FOAB

*ال FOAB اقوى من ال MOAB ب 4 مرات و تاثير قنبلة نووية بدون اشعاع نووي

اذا انفجرت محد يعرف شرح يصير بضبط بس ك شي أولي هواية من المدن المحيطة رح تدمر بس من البلاست ويف (هاي مجرد موجة بدائية مو الموجة الاصلية للانفجار)


محتويات السفينة
286 × 2,000 lb (910 kg) high explosive bombs

4,439 × 1,000 lb (450 kg) bombs of various types

1,925 × 500 lb (230 kg) bombs

2,815 fragmentation bombs and bomb clusters

Various explosive booster charges

Various smoke bombs, including white phosphorus bombs

Various pyrotechnic signals




تركها افضل من محاولة انتشال محتوياتها لان عدا التكلفة الهائلة ف ممكن تتفجر خلال عملية الانتشال
و الحركة هناك مراقبة و اكو تقارير كشف كل فترة عن وضعي السفينة من خلال الكشف بالليزر او الغوص الدوري
*و مراح يتحلل ال TNT لان غير ميتحلل بس ممكن تتحلل الفيوزات بس هم تبقى خطرة جدا



________________________
للي يحب يقرة اكثر عن السفينة
https://en.wikipedia.org/wiki/SS_Richard_Montgomery?wprov=sfla1

للي يحب يقرة اكثر عن ال FOAB
https://en.wikipedia.org/wiki/Father_of_All_Bombs?wprov=sfla1

وضعية السفينة بالبحر حاليا

0//اشياء متشقلبة "قناة جميلة بالمواضيع الدتطرقلها وبالطرح" : @Randomppl

0//معلومات غريبة وحقائق واخبار من حول العالم: @Worlds_Views //@Dantalion66

0//تاريخ الأحداث المهمة وشخصيات العالم وذكرى ما حدث في مثل هذا اليوم 🌏: @World_Warll

0//متع عقلك : @mt33qlk

0//للمهتمين بالفضاء : @SP3CE / @kawakeb

0// لمحبين الاساطير : @seweishere

0//قِصص مُتعدده/معلومات مُثيره:
https://t.me/joinchat/AAAAAEy3s74ODCWtAsjjaA //

@weirdness1

0// لمحبين الافلام والمسلسلات : @BGDMovies /@iqmovi

0// قنوات ثانية تستحق الذكر : @Starswar4 //@xxZe1 // @space_45 // @Just_Read_1994