سويت بوت احتفالا ب 7 سبسكرايبرز

ليش الابراج خريط
اولشي ميصير نكول علم الأبراج
لان العلم يحتوي على دليل و ممكن مناقشته و ممكن يندحض
بينما "علم الابراج" ميقوم على دليل او برهان و لا احد من المنجمين يكول شلون يسويها

و اكو ظاهرة تفسر اقتناع الناس بتفسير الابراج لشخصيتهم اسمها بارنوم ايفكت أو فورير ايفكت
https://en.m.wikipedia.org/wiki/Barnum_effect
هالظاهرة تفسر اعتقاد الناس ان تحليل اﻷبراج لشخصيتهم صحيح بينما بلواقع هو مجرد كلام عشوائي ممكن يطلع صح أو غلط
غالبا تحليل الابراج للشخصية مجرد كلام عام يحجي عن الحب و مساعدة الناس و اشياء مشابهة
و أحيانا بعض الناس يتاثرون بالمكتوب عن برجهم بحيث يمحورون حياتهم حول هالشي
و هلشي تماما غلط

و اكو فيديوات عاليوتيوب مسوين تجربة لناس ان يسالوهم عن معلومات عامة وراها ينطوهم ورقة بيها تحليل شخصية
و هلورقة انطوها نفسها للكل
و اقتنعوا بيها الناس و كالوا صح!

بلاضافة ان بعض الناس يكولون تأثير الابراج على شخصية الأنسان حسب الجاذبية بين النجوم الي كونت البرج و جسمنا
بس المشكلة ان اغلب النجوم الي كونت الابراج انتهت و انفجرت بالفضاء قبل الاف السنين بس ضوئها لساه ديوصل بسبب بعدها عن الأرض
يعني أصلا النجوم المزعوم ارتباطها بينا بجاذبية عدا كونها قليلة بسبب البعد الجبير فاغلبها غير موجود أساسا!
( صحيح أسرع شي فوتونات الضوء بس بالمسافات الجببرة فالضوء يستغرق وقت حتى ينتقل فالضوء مال الشمس الي نشوفه انبعث من الشمس قبل 8 دقايق من رؤيتنا الة)

المشكلة ان العرب بشكل عام يصرفون حوالي 5 مليار دولار سنويا على التنجيم!
بينما يصرفون 1.7 مليار بس عالبحث العلمي....

تدرون ماكو لون ازرق بالطبيعة
كل اللون الازرق هو مو صبغة و انما illusion بسبب انكسار الضوء بسبب تركيب السطح

اكو فراشة وحدة لحد الان مكتشفيها لونها ازرك اسمها Obrina olivewings
هاي الكائن الوحيد الي تطور حتى تصير عندة صبغة زركة

بقية الكائنات كلهم لونهم الازرك(الي اساسا نادر) بسبب انكسار الضوء من اسطح جسمهم
لذلك لمن تديرون عليها كحول مثلا حيتغير اللون

و حتى الازرك بلون عيون البشر فيك

تدرون شرب البشر للحليب الحيواني يعتبر شي جديد ناتج عن التطور
تقريبا قبل 7500 سنة

بالنسبة للبالغين ف لحد الان 65% من البشر تقريبا يتوقفون عن انتاج انزيم ال lactase الي يهضم الlactose الموجود بالحليب
(نكدر نفرز ال lactase لمن احنا صغار)

و أكثر نسبة بشر يفرزون ال lactase و همة بالغين همة الاوربيين لان همة اول ناس بدوا بشرب الحليب

*الفكرة هي بهضم اللاكتوز
*مدالكة حالة وفاة بسبب شرب الحليب بس الريكومندد ان كلاص حليب كافي و الزيادة مراح تنطي منفعة و ممكن تضرك اذا متهضم اللاكتوز
و كلشي يزيد عن حده ينكلب ضدة

بمناسبة وصلت القناة 100 بيومين
ف احب اشارك اغنيتي المفضلة

هو القناة مو بس معلومات ايشي يجي على بالي
للتوضيح يعني
بس ماكو هواية مواضيع هسة حماسية للتكلم عنها خرب

تدرون مشكلة سن العقل عند البشر هي مشكلة حديثة بسبب التطور
قبل البشر جان يطلع عدهم سن العقل بدون اي مشاكل و جان يعوض النقص الي ممكن يصير بالاسنان و جانوا البشر بشكل عام يحتاجون هالسن بسبب طبيعة اكلهم (لان اكل البشر سابقا جان اصعب من هسة لان اغلبه يعتمد على النباتات الي تحتوي هواية سيليوز و على اللحم النيء)
ف جانت الفكوك عند البشر اكبر بشكل ملحوظ بسبب القوة الي جانوا يحتاجوها للاكل


بس بعد اكتشاف النار و الطبخ و صار الاكل اسهل بالمضغ
ف بمرور الزمن الفك بدة يصغر حجمه لحد موصل للحجم الي نشوفة هسة الي اساسا يختلف بين البشر
و لان جينات حجم الفك تختلف عن جينات عدد الاسنان
ف لمن تطور حجم الفك حتى يصير اصغر ما اتطورت وياه جينات عدد الأسنان
لذلك صارت مشكلة ان مكان سن العقل بمرور الزمن أختفى و مبقى مكان للسن
لذلك هواية من البشر يسببلهم مشاكل و يشيلوه بعملية


مو كل البشر يعانون من مشاكل سن العقل اكو يطلعلهم طبيعي
و قسم يطلعلهم ال 4 أسنان مال عقل و ممكن قسم منهن الهن مكان و القسم اللاخ ما الة مكان
و قسم يضطرون يشيلون ال 4 اسنان لان ماكو مكان لاي سن منهن

و ممكن الشخص يطلعلة اي عدد من اسنان العقل
من صفر الى اربعة (يعني ممكن ميطلع للشخص سن عقل اصلا)

البشر هواية من الاحيان يصدمون بقية البشر بغبائهم
مثل والمارت لمن شالوا كل اعلانات "الالعاب الالكترونية العنيفة" بسبب حوادث القتل الجماعية الي صارت بامريكا
بس بقوا يبيعون اسلحة و ذخيرة
*للعلم والمارت يعتبر من اكبر مكانات تجارة الاسلحة و الذخيرة بالعالم (بشكل "قانوني")

و تجي للعراقين الكل ياخذ طرف واحد من موضوع الشاب الي "نصب على بنية و خلاها تدفع فلوس المطعم" و محد فكر يسمع القصة ككل و يعرف شنو الصح
و ان القصة حسب اقوال الولد "ان القصة غلط و هو دافع الحساب و هي ماخذة منة مليون او تريد تاخذ منة مليون علمود عملية"

و الي صار من تشهير انعرض حتى بقنوات التلفزيون

بس محد فكر يتاكد او يسمع السالفة من الطرفين


ورة الهوسة مالتهم الواحد ميكدر يعرف منو الحق فعلا ف منكدر نحكم

بس الناس من البداية جان لازم يعرفون ان التشهير الي صار ممكن يرفع الولد دعوة عليه و رح تتحاسب البنية و تصير عليها دعوة بالمحكمة بسبب الي سوته (و ممكن الناس الي ساعدوها على نشر الخبر مثل القنوات لان صار تشهير)

متوقعت بهلسرعة القناة توصل 150

شكرا شباب

قبل فترة صار كلام و لحد الان الناس يحجون بسالفة "دخول بعض الجامعات تصنيف عالمي"
و ان جامعة بابل حصلت اعلى تقييم بالعراق و جامعة بغداد هم دخلت للتقييم
و صارت مقارنة بين الجامعات الاهلية على اساس تصنيف للكليات

بس هالتصنيف الي الكل تخبل عليه خصوصا قبل فترة هو تصنيف للموقع الالكتروني للكلية فقط

يعني مبيه اي اهمية من الناحية العلمية او جودة البحوث او جودة التدريس او المادة الي دتدرسها الكلية

لان التقييم الي ديمشون عليه الناس هو تقييم ال webometrics الي مثل مكلت يعتمد على الموقع مال الجامعة حصرااا


https://en.wikipedia.org/wiki/Webometrics_Ranking_of_World_Universities?wprov=sfla1

اكو انواع تصنيف للجامعات تعتمد على جودة البحوث و حسب جوائز نوبل الي طالعة من الجامعة و عوامل اخرى كومة

احسن تقييم للجامعات هو تقييم شانغهاي
هو اكثر شي معتمد و يقيم الجامعات حسب جودتها بشكل فعلي و يحتوي على 500 جامعة فقط و ولا وحدة من هالجامعات عراقية

واكو بعد انواع للتصنيفات الجامعية موجودة بهلارتكل
https://en.wikipedia.org/wiki/College_and_university_rankings?wprov=sfla1