فلتر ال AB او ال ABE او ABEK هي الوحيدة المفيدة بحالتنا
لازم الفلتر يكون على الاقل AB (ال A يحمي من الغازات و الابخرة العضوية للمواد
ال B يحمي من الغازات و الابخرة الغير عضوية و من الكلورين و الهيدروجين و السيانيد)
بس لازم يكون فلتر للدقائق كلاس P3

-----------------------------
كملخص الاقنعة المفيدة هي اقنعة بفلاتر AB كحد ادنى
و يحتاج الواحد تغطية للعين أيضا الي يا اما يكون من القناع نفسه (يكون القناع يغطي الوجه كامل)

او ممكن بنظارات سباحة مثلا اذا جان القناع يغطي نصف الوجه فقط

و لازم و مهم جدا يكون عزل جيد لان إذا اكو مجال للهوة الخارجي يطب من غير المكان المطلوب يدخل منة ف ماكو فايدة

الوان موجودة على الفلاتر تبينلكم من شنو يحمي الفلتر

و الفلاتر بيها اكسباير
بلتخزين تصير اكسباير
و بلاستخدام خلال ساعات أيضا تصير اكسباير و تصير غير مفيدة (اقروا التعليمات الخاصة بالفلتر)


ف الي يريد يشتري انصحة يشتري فلاتر اضافية للقناع حتى يبدلهن كل شكم ساعة

هذا الفايل بيه معلومات كاملة عن الفلاتر و شلون تختار الفلتر المناسب للمادة الي تريد تقي نفسك منها كذلك شلون تعرف كلاس الفلتر و من شنو يحمي

هذا القناع انتشر بلسوشل ميديا و هو غير مفيد ابدا
هذا قناع بينت بول او ايرسوفت
مبيه فلتر اصلا!

الي يعرف وين تتباع اقنعة AB ياريت يكول وين

#عاجل

يرجى تعميم الخبر بأسرع وقت
نشروها بصفحاتكم .. بستورياتكم .. بالواتساب .. باي مكان يوصل بيه موظفين.

الموظفين جاي يبلشون لاضراب عام ومفتوح يوم الخميس .. ولازم هالخبر يتعمم بكل المحافظات.

هاي اهم خطوة من بداية المظاهرات لهسة، وبدونها ما تنجح الثورة.

هاي اللحظة المناسبة الي حتقلب الوضع وتنهي المأسي .. فاستغلوا كل دقيقة من وقتكم حته تتاكدون انها وصلت لكل موظف تعرفونه.

#ما_بقى_شي ع حريتنا
خلونا نشل الدوله الخميس
والجمعة كلنا نطلع للشوارع احرار


#الاضراب_العام

، اوكي بعد شكم يوم يصير شهر كامل على المظاهرات ، وحرفيا من اول يوم داريد ارسم شي يخص هالموضوع ، لان احس هذا واجبي عل اقل اذا مكدرت اطلع وياهم واكون وياهم ، استغل موهبتي بشي يدعمهم ، دائما وكل يوم من اجي اريد ارسم تطير كل الافكار من بالي حرفيا ، شرسم؟ المره الي توزع كلينكس؟ الطفل الشايل الراية ومتقدم علموت ؟ الاشخاص الماتوا لان اجتي قنبلة مسيلة للدموع باحد اعضاءه؟ لو ارسم صورة كل شهيد راح؟ لو ارسم امه وشكد تاذت عليه؟ لو ارسم الطلاب الي ضحوا بكلشي وطلعوا بس لانهم يردون وطن يليق بيهم؟ حرفيا حرت او ضعت ب شنو رسم؟ ومين ابدي ! بس بالاخير هذا كله نختصره باسم وطن ، كل الديصير وكل الحيصير وكل الصار صار على ارض هالوطن ، ملكيت شي يناسب اكثر من انه ارسم نصب انقاذ العراق ( اعتقد اسمه هيج ) وهو دينقذ العراق فعلياً ، مع اني اعرف هذا قليل ، وميوافي الشهداء الدتموت كل يوم والشباب الطالعة بالساحات ، بس عل اقل كلت أرسم ، لهل وعسى يتحول رسمي حقيقه شي يوم ..

ابداع الصديقة تقى
اذا تحبون تشوفون رسماتها البقية @Drawtqtq

اخاف انام ويسقط النظام

حرفيا

اذا طلعوا عادل عبدالمهدي "اللعابة" كلشي مراح نستفاد
من البداية هو مو بيدة الامور
كلشي بيد مجلس النواب و اللواعيب الي يلعبون خلف الستار

نحتاج الى حل البرلمان و ليس فقط استقالة عادل عبدالمهدي
و تغيير نظام الانتخابات و الغاء المحاصصة تماما
و تغيير النظام الي رئاسي

بالنسبة لفلاتر ال ab و abek
اليوم لكيت يم التحرير يبيعون
وانتوا جايين من جسر السنك باتجاه التحرير الشارع كله محلات انشائية
اكو محل على اليمنة جبير شوية و مرتب بيه اقنعة مضبوطة

بس فاتتني اخذ الإسم او اطكلة صورة
ب 65 سعر القناع هو و الفلتر كامل يغطي كل الوجه(حتى العيون يعني)
اذا اكو اقبال على القناع ف ممكن نحجي وية ابو المحل يسوي تخفيض للي يجي من القناة لان ملكيت احد يبيعه غيرة لحد الان