اللقاح الثاني الي متوفر عدنا هو لقاح ساينوفارم الصيني الي هو لقاح وصل للعراق

اللقاح يستخدم التقنية التقليدية للقاحات الي هي ال Inactivated Virus
يعني اللقاح عبارة عن فايروسات مدمرين جيناتها ف ميكدر يستنسخ نفسه الفايروس بس بنفس الوكت يحفز الجهاز المناعي على تصنيع antibodies
هنا شرح اكثر عن هالنوع من اللقاحات
https://www.gavi.org/vaccineswork/what-are-whole-virus-vaccines-and-how-could-they-be-used-against-covid-19

نفس الميزة الي بلقاح استرازينيكا موجودة بلقاح ساينوفارم الي هو ممكن يتخزن بدرجة حرارة 2-8 سيليزي
ف هلشي هم يفيدنا بلعراق
https://www.bbc.com/news/world-asia-china-55212787

لمن انعلن عن اللقاح جانت نتائج المرحلة الاولى والثانية ان الناس الي اخذوا الفايروس مصارت عدهم اعراض جانبية خطرة
https://www.thelancet.com/journals/laninf/article/PIIS1473-3099(20)30831-8/fulltext

المرحلة الثالثة من التجارب بدت بالامارات
http://www.chictr.org.cn/showprojen.aspx?proj=56651
و ايضا بالمغرب
https://www.reuters.com/article/us-health-coronavirus-vaccine-sinopharm/peru-morocco-to-test-china-sinopharms-covid-19-vaccine-in-phase-3-trial-idUSKCN25G0G9

وايضا بالبيرو
https://clinicaltrials.gov/ct2/show/NCT04612972

بالشهر التاسع الامارات انطت تصريح استخدام طوارئ للعاملين بالقطاع الصحي
https://www.reuters.com/article/us-health-coronavirus-emirates-vaccine/uae-announces-emergency-approval-for-use-of-covid-19-vaccine-idUSKBN2652OM

بالشهر ال 11 مسؤول ساينوفارم كال حوالي مليون شخص تلقح بالصين باللقاح الصيني
https://www.theguardian.com/world/2020/nov/20/china-has-given-almost-a-million-people-experimental-covid-vaccine-says-company

همين خلال الشهر ال 11 الشيخ محمد بن راشد ال مكتوم اعلن انه تم تلقيحه باللقاح
https://twitter.com/hhshkmohd/status/1323543394350759936?lang=en

بالشهر ال 12 الامارات اجازت استخدام اللقاح الصيني لكل الناس
https://www.nytimes.com/2020/12/09/business/china-coronavirus-vaccine-united-arab-emirates.html
و علنوا انه الايفكسي للقاح وصلت 86% بس ما حددوا شلون حصلوا هاي النتيجة
https://www.wam.ae/en/details/1395302893589
همين بالشهر ال 12 البحرين اجازت استخدام اللقاح
https://www.reuters.com/article/us-health-coronavirus-bahrain/bahrain-approves-registration-for-sinopharm-covid-19-vaccine-idUSKBN28N07Z

اخر يوم بالشهر ال12 ساينوفارم اعلنت الايفكسي للقاح هي 79%
https://www.nytimes.com/2020/12/30/business/china-vaccine.html
ف الحكومة الصينية اجازت استخدامه
https://www.nytimes.com/2020/12/30/business/china-vaccine.html
(اي الامارات وافقت عليه قبل الصين نفسها)

بداية الشهر الواحد من هلسنة مصر تجيز استخدامه للحالات الطارئة
https://www.arabnews.com/node/1786531/middle-east

اكو بعض الناس عدهم تخوفات على لقاح استرازينيكا
وحدة منهن انه هل اللقاحات تغير الجينات الوراثية بجسمي؟
يعني اني بس اريد اعرف منبع هاي الفكرة منين لان ماكو الها اي تفسير
بس يعني الجواب اخاف ممبين ف هو لا طبعا هلشي مو ممكن اصلا

لقاح استرازينيكا طلعت عنه اخبار انه يسوي تجلط الدم؟
صحيح طلع هلخبر بس بعد تحقيق ال EMA كالوا انه حالات تجلط الدم مجان سببها اللقاح و اللقاح امن و مصرح بحوالي 50 دولة للاستخدام من ضمنها الاتحاد الاوربي و بريطانيا
https://www.ema.europa.eu/en/news/covid-19-vaccine-astrazeneca-update-ongoing-evaluation-blood-clot-cases

هذني معلومات بسيطة عن اللقاحات الموجودة بالعراق
ما ركزت كلش على اللقاحات الي مموجودة عدنا لان يصير هيج الموضوع طويل كلش
و حاولت احط لنكات لكلشي ممكن يفيدكم عن اللقاحات حتى الي يريد يحصل خوش كمية معلومات عن اللقاح يكدر يحصلها عن طريق اللنكات


الحل الوحيد حتى تحمون نفسكم من الاصابة او علاقل متتطور عدكم اعراض قوية بالكورونا هو باخذ اللقاح
و اذا محد ياخذ اللقاح رح نبقى بدوامة الوباء

و عن نفسي خلال هليومين رح اروح القح بلقاح استرازينيكا

بما انه اليوم أخذت اللقاح
ف الي يريد يعرف شلون يحصل اللقاح الموضوع كلش سهل
تروح لاقرب مستوصف او مركز صحي او مستشفى و تكلهم اريد اللقاح
ف رح ياخذون المعلومات الشخصية مثل الاسم و رقم الموبايل و عنوان السكن و غيرها
و لازم الواحد يجيب هوية مستنسخة بالاضافة لهويته الأصلية

بالنسبة للسرة ف تختلف من مكان لمكان حسب الزخم
اني رحت للمركز الصحي مال المنصور لان قريب على بيتنا بس طولت 3 ساعات تقريبا لان هواية بالسرة

ورة ما تاخذ الجرعة الاولى ينطوك كارت بيه معلوماتك و موعد الجرعة الجاية
و تروح للحاسبة تحط معلوماتك
الكارت الي ينطوكياه لازم تحتفظ بيه

و ميصير تطلع راسا ورة متاخذ الجرعة (الابرة) لازم تنتظر من 15-30 دقيقة اخاف يصير عندك allergic reaction

و بعد تنتظر موعد الجرعة الثانية ورة 30 يوم حتى تاخذها

طلع عندي احد اعراض اللقاح
العرض هو حرسب

انطلق الموسم الثاني من قادة الحوار

ماهو برنامج قادة الحوار ؟

قادة الحوار هو برنامج تدريبي لتطوير اللغة الإنكليزية ومهارات التواصل والحوار بأساليب جديدة ممتعة وفعالة

يشمل التدريب عدة اقسام منها على الكتابة والقراءة ومنها عن الإستماع والتحدث وكلها تعطى على شكل نشاطات تدريبية مبتكرة

ويكون لكل فريق مرشد ومشرف يتابعونهم بإستمرار بالإضافة الى نشاطات العمل الجماعي

تمنح شهادة موثقة من إدارة البرنامج بعد إكمال التدريب
البرنامج اون لاين مع احتمالية وجود نشاطات محلية

التكاليف: مجاني بالكامل

لمزيد من التفاصيل عن التسجيل:

https://www.instagram.com/p/CPTjcEXJYno/?utm_medium=copy_link

#قادة_الحوار
#مجتمع_جديد

البرنامج رح يفتحلكم فرص جديدة
و رح تتعلمون من طريقه اشياء جديدة
و رح تنخرطون بكوميونتي حلو

و اكيد مجاني هو
ف استغلوا الفرصة و قدموا

مشتاقين شباب

هاي للحزن الليلي

لمن يجي واحد يكول ليش تحجون و تنتقدون الي مملقحين

لان الموضوع ما يخصك بس الك
ولا يخص العراقيين
يخص الكوكب ككل!
شلون؟
تطوير اللقاحات الحالية تطلب تقريبا سنتين
و انذب عليه كومة فلوس و كل الدول الجبيرة توجهت و ذبت كل جهدها علمود يصنعون اللقاح

المشكلة وين لمن الناس ما تلقح؟
المشكلة انه الفايروس بتطور دائم
و اللقاحات الحالية تشتغل على strains هواية من الفايروس
بس بعد فترة هذني ال strains رح يتغيرن و تطلعنا فايروسات ما يفيد وياها اللقاح الحالي

لازم على الاقل 70% من سكان اي دولة يلقحون حتى نسيطر على الفايروس وتبين فعالية اللقاح
ف لمن هواية ناس ما تلقح ف بعد فترة الي ملقحين مراح يستفادون من اللقاح لان رح يختلطون وية ناس ما ملقحين و حاملين لسلالات جديدة تماما ف يروح كل التعب و الصرف مال العالم كلة بسبب ناس انانيين ميريدون يلقحون

و نضطر نرجع لنفس دوامة تصنيع لقاح جديد و تجربته و الموافقة عليه و توزيعه على الكوكب


صحيح انه المناعة الي نحصلها من اللقاح مو كاملة
و هلشي طبيعي بكل اللقاحات
بس لمن عدد هواية من الناس يلقحون و كلهم عدهم نسبة مناعة تجاه الفايروس
ف واحد رح يساعد اللاخ انه الفايروس ما ينتقل
لان الفايروس رح يواجه صعوبة ينتقل بين ناس عدهم مناعة!
عكس الي مملقحين الي ممكن مصاب واحد يعدي غرفة كاملة!

نجي لنقطة لخ دنعاني منها بالعراق
النظام الصحي الي هو بلا شي تعبان
بانهيار حاليا
لان كومة مصابين حالتهم حرجة و تارسين المستشفيات
ف اي مريض يريد يدخل للمستشفى لسبب ثاني غير الكورونا (جلطة، حادث، حروق،... الخ) المستشفى متكدر تستقبله لان ماكو مكان!

و لو الناس ملقحين ف حتى لو ينصابون مجان دخلوا مستشفى لان الاعراض مراح تصعد عدهم اكثر من الأعراض المتوسطة للكورونا
ولا رح يموتون من الفايروس!

و اذا عقلك كلش ضئيل ف طلع الداتا مال امريكا مثلا وشوف شكد قلت الاصابات و الوفيات و الحالات الحرجة بسبب اللقاح!
و كذلك اسرائيل اول دولة لقحت شعبها و شوفوا الداتا مالتهم

قرارك بعدم اخذ اللقاح قرار اناني يتسبب بقتلك و قتل الناس حواليك و خسائر مادية و معنوية لبلد كامل و للعالم ككل

و تذكر
انت مو اذكى من 3.75 مليار شخص على الارض ملقحين

حط عقلك براسك و لقح

شلون تقضون على الملل بهيج وقت

هاكم اغنية 💀

ياريت الزمن سالب ونرجع نغير هواية شغلات 😔