الشي الي ينقص اللحم و مموجود بيه هو فيتامين C الي مهم للجهاز المناعي
والي موجود بكل النباتات تقريبا

https://www.dietitians.ca/Downloads/Factsheets/Food-Sources-of-Vitamin-C.aspx

مجرد اشهر قليلة بدون هذا الفيتامين يسببلك الاسقربوط!!
https://www.nhs.uk/conditions/scurvy/

بس ميزة اللحم هو ان bioavailability عالية مقارنة بالنباتات

شنو ال bioavailability ؟
كتعريف بسيط هي كمية الشي المستهلك مقارنة بكمية الشي الي ديدخل االجسم

ف مثلا السبانخ بيه كمية حديد اكثر من اللحم
بس هذا الحديد الي بالسبانخ يمتصه الجسم بشكل ابطىء و يحتاج الجسم طاقة اكثر حتى يهضمه مقارنة باللحم الي يمتص الجسم المواد مالته بصورة اسرع و بطاقة اقل

https://academic.oup.com/ajcn/article/78/3/633S/4690005#109811015

https://www.ncbi.nlm.nih.gov/pubmed/15235152

بس ال inuit الي النظام الغذائي مالتهم عبارة عن لحم حصرا يحصلون كل الفيتامينات من اللحم بضمنها فيتامين C لان ياكلون كلشي بالحيوان و ياكلون اعضائه كلها

*عكس بقية البشر الي يذبون اجزاء من الحيوان و مياكلوها اصلا

http://discovermagazine.com/2004/oct/inuit-paradox

http://www.nativescience.org/

http://science.sciencemag.org/content/349/6254/1343

http://www.ox.ac.uk/research/high-fat-diet-made-inuits-healthier-shorter-thanks-gene-mutations-study-finds

https://anthrosource.onlinelibrary.wiley.com/doi/pdf/10.1525/aa.1977.79.2.02a00070

https://www.ncbi.nlm.nih.gov/pubmed/8813062

ف هسة حاليا نكدر نكول فائدة اللحم تعتمد بشكل جبير على طريقة تحضيره و منين يجي

ف غالب العالم لمن يحجون عن اللحم ف همة يقصدون العضلات
واكل هذني الاجزاء ميخلينا نعتمد على اللحم كمصدر غذائي وحيد

السمج هو احسن حيوان ممكن ياكلة الشخص
لان يحتوي على polyunsaturated fatty acids مثل omega 3 الي تقلل امراض القلب و الاوعية الدموية

السمج ممكن يناكل بشكل متكرر بدون اي مخاوف

https://www.ncbi.nlm.nih.gov/pubmed/28635117

https://www.heart.org/en/healthy-living/healthy-eating/eat-smart/fats/fish-and-omega-3-fatty-acids#.WokeOmaZO3I

هسة نجي للدجاج
الدجاج ينذكر دائما بانه مخاطرة الصحية قليلة
وهلشي صحيح!

ما عدا فد ملاحظة صغيرة
الدجاج بيه نسبة عالية من الدهون المشبعة ف الدجاج ممكن يكون مرتبط بامراض القلب و ارتفاع الكولسترول
بس ليش كلت ممكن؟

لان هلموضوع موضوع نقاش
ماكو دليل قاطع يثبت هلكلام صحيح لو لا لان اكو عدد جبير من العلماء يكولون ارتفاع الكولسترول شي وراثي و مالة علاقة بالاكل مال الانسان

بس بشكل عام الدجاج اختيار رائع للحم الزين

https://www.heart.org/en/healthy-living/healthy-eating/eat-smart/nutrition-basics/meat-poultry-and-fish-picking-healthy-proteins

https://www.hsph.harvard.edu/nutritionsource/what-should-you-eat/fats-and-cholesterol/types-of-fat/

*ماكو اي ارتباط بين الدجاج و السرطان
https://www.iarc.fr/wp-content/uploads/2018/07/Monographs-QA_Vol114.pdf

هسة نجي للحم الاحمر الي بيه اغلب الحجي

اكو دراسة انشرت بالفترة الاخيرة تكول كمية اللحم الي ياكلها الواحد يوميا لازم تكون 23 غرام باليوم
الي يعادل قطعة ستيك صغيرة بالاسبوع

https://www.thelancet.com/journals/lancet/article/PIIS0140-6736(19)30041-8/fulltext

بنفس الوقت اكو دراسات جبيرة تكول اكل 100 غرام من اللحم الاحمر يوميا يؤدي لزيادة الخطر بالاصابة بالسكر بنسبة 19% و بالسكتة الدماغية 11% و بالسرطان مال القولون بنسبة 17%

https://academic.oup.com/aje/article/179/3/282/103471#797877

بس هذني الدراسات بيها مشكلة جبيرة تخلينا منكدر نحدد اذا اللحم فعلا هيج خطر لو لا

بهذني الدراسات يجيبون ناس بيهم امراض معينة و يسالوهم على نظامهم الغذائي
ف شافوا الي ياكلون لحم يشكلون نسبة اكبر بالي مصابين بهاي الامراض
بس هنا نجي للعلة الي بلموضوع
البحوث هذني متجي للتفاصيل مال حياة الانسان بضبط
و شكد ميحاولون يهتمون بيها في النتائج بعيدة عن كونها بيرفكت او مضبوطة

لان اكو عوامل اخرى تاثر مثل الرياضة و السمنة و التدخين و العمر و ضغط الدم و غيرها من العوامل

لان النباتيين مثلا بشكل عام غالبا يمارسون رياضة اكثر و ميدخنون ولا يشربون كحول
لان لمن صاروا نباتيين صاروا نباتيين علمود صحتهم غالبا ف تكون عاداتهم كفئة من الناس صحية اكثر
عكس الي ياكلون كلشي من بقية البشر الي اغلبهم هاملين نفسهم و يدخنون و ميمارسون الرياضة

لذلك هاي الدراسات منكدر نستخدمها كدليل قاطع بسبب العوامل الاخرى المتغيرة

هسة نجي للشي الي هو فعلا مشكلة
الي هو proccessed meat
يشمل هواية اشياء من ابرزها الصوصج

https://www.iarc.fr/wp-content/uploads/2018/07/Monographs-QA_Vol114.pdf

هذا اللحم بيه مواد مثل النتريت والنترات الي تكسر ال dna بالجهاز الهضمي مال الجسم و تؤدي للسرطان

https://www.researchgate.net/publication/322879821_Nitrates_and_Nitrites_in_meat_products


https://clinical-nutrition.imedpub.com/nitrates-nitrites-and-nitrosamines-from-processed-meat-intake-and-colorectalcancer-risk.php?aid=21326

https://recipes.howstuffworks.com/question233.htm

ال WHO (منظمة الصحة العالمية) سوت رفيو لاكثر من 800 دراسة على مدار 20 سنة
ف النتيجة جانت انه كل 50 غرام زايدة من اللحم المعالج (processed meat ) يزيد نسبة الاصابة بالسرطان بمقدار 18%


https://monographs.iarc.fr/wp-content/uploads/2018/06/mono114.pdf

https://www.iarc.fr/wp-content/uploads/2018/07/pr240_E.pdf

https://www.iarc.fr/wp-content/uploads/2018/07/Monographs-QA_Vol114.pdf


لمن نجي لخطر الاصابة بالسرطان ف نكدر نقارن اللحم المعالج بالبلوتونيوم و التدخين!

بنفس الوقت اللحم المعالج (مثل الصوصج) يزيد نسبة الاصابة بالسكر بنسبة 51% و السكتات بنسبة 13% و سرطان القولون بنسبة 18% و بامراض القلب بنسبة 42%

https://academic.oup.com/aje/article/179/3/282/103471#797877

واكو مشكلة بس ماعتقد كلش تاثر بالعراق مثلا بس بغير دول تاثر

طريقة غذاء الحيوان تفرق
غالبا الحيوانات ينطوهم كميات جبيرة من المضادات الحيوية لمن يكونون ببيئة صغيرة و عدد جبير علمود يقللون من الامراض الي ممكن تنتشر الي يسبب مشكلة ال antibiotic resistance

https://www.ncbi.nlm.nih.gov/pmc/articles/PMC4638249/


*بس مثل مكلت هلمشكلة ماعتقد كلش مبينة يمنا خصوصا لان اني لمن اجيب اللحم للبيت مثلا من فد كصاب معين الي شايفين منين يجيب الخرفان مالته و شلون جانوا عايشين

اذا الواحد ياكل كمية لحوم حمراء او تحديدا لحوم معالجة بكميات جبيرة ف هلشي يزيد فرصة الوفاة المبكرة عند الواحد الى 29%

يعني اذا نسبة وفاتك هاي السنة 3% تصير 4%

https://academic.oup.com/aje/article/179/3/282/103471#797877
"“Findings from this meta-analysis indicate that high consumption of red meat, in particular processed meat, is associated with higher all-cause mortality. Overall, those in the highest category of processed meat and total red meat consumption had increased all-cause mortality of 23% and 29%, respectively, compared with those in the lowest category.”

نكدر نكول اللحوم الحمراء مبيها مشكلة اصلا غير المستوى العالي مال الدهون بيها (وهاي النقطة اساسا بيها اختلاف و مبيها راي قاطع)

تبقى المشكلة باللحم المعالج و المضادات الحيوية الزايدة الي تنطي للحيوانات

هنا الشرح مراح اترجمه لان رح يصير غير مفهوم تماما اذا اكتبه بالعربي

https://onlinelibrary.wiley.com/doi/full/10.1111/joim.12543

“It is well known that red meat is an important source of proteins, essential amino acids, vitamins (including B12), minerals (including haeme iron and zinc) and other micronutrients. However, red meat may also contain additives introduced during processing and contaminants such as polychlorinated biphenyls (PCBs) […] Moreover, red meat may contain residues of antibiotics and hormones used during production. The practice of cooking meat at high temperatures (e.g. pan frying and barbecuing) may lead to the production of heterocyclic amines (HAAs), which are thought to increase cancer risk in humans. Polycyclic aromatic hydrocarbons (PAHs), which are considered to be carcinogenic and genotoxic, are produced during cooking at high temperatures over an open flame; grilled/barbecued meats were estimated to contribute up to 21% of the intake of benzo(a)pyrene (one form of PAHs) in the USA. Exposure to high temperatures even for a short period of time can also generate in meat high levels of advanced glycation end‐products (AGEs), which have been shown to increase oxidative and inflammatory processes."

بشكل عام منظمات الصحة تقترح كمية اللحم الاحمر الي ناكلها بالاسبوع تكون حوالي 500 غرام
مع الابتعاد عن اللحوم الحمراء المعالجة

https://www.nhs.uk/live-well/eat-well/red-meat-and-the-risk-of-bowel-cancer/

https://www.wcrf.org/dietandcancer/recommendations/limit-red-processed-meat

http://www.aicr.org/learn-more-about-cancer/infographics/recommendation-on-red-and-processed-meat.html

https://scienceblog.cancerresearchuk.org/2015/10/26/processed-meat-and-cancer-what-you-need-to-know/

كل هذا الكلام شنو خلاصته؟

بالنسبة للسمج و الدجاج ف همة خيارات ممتازة للحوم
اللحوم الحمراء الواحد لازم مياكل اكثر من 500 غرام بالاسبوع
والخطر الي باللحوم المعالجة ف لازم الواحد يطلعها من حياته


بالنسبة للسمج و الدجاج ف اغلب الكلام يكول انه كلش زينة و مبيها ضرر

بس اللحوم الحمراء بشكل عام لساها محل خلاف و ماكو دليل قاطع على ضررها للبشر ولا اكو دليل يخليها تكون بيرفكت للبشر

بشكل عام كلشي زين زيادته بالنهاية تضر
واكل النباتات وحدها مو افضل خيار لصحة الجسم

@Randomppl

صباح الخير!

الي ميلبس كمامة غبي.