اجوبتكم انترستنك صراحة

الظاهرة هاي ناتجة لان احنة مجرد دنسخن الخشب لدرجة حرارة كافية حتى نكسر مكوناتة و يطلق غازات قابلة للاشتعال مثل الهيدروجين
هنانة الغازات حتشتغل و تسوي النار

بس الخشب مديحترك

على سبيل المثال بلشوي اذا ملاحظين
اكو جمر
و اكو نار
النار هاي غازات دتحترك
بس الجمر هو الخشب نفسة ديتفاعل وية الاوكسجين يعني ديحترك

هنانة الخشب ديحترك لان الاوكسجين ديتفاعل وية سطح المادة مباشرة

يعني هنا الخشب شخصيا ديحترك
بالصورة القبلها المواد الي موجودة بالخشب هي الي جانت دتحترك

نبارك للامة الاسلامية لعيد ميلاد حسن
@Somegoodsongss

احب انوه هي فكرة القناة من البداية اشياء منوعة

اكيد كلكم شايفين هلصورة و انه عود لمن يلتقي بحرين او محيطين مينخلطون

بالواقع هيج صور اصلا التقاء نهر ببحر
و اللون الاطوخ الازرك هو لون البحر المالح و الجوزي الفاتح على اليسرة لون مي النهر العذب

الي مبين بلصورة انه المي مال النهر مكاعد ينخبط وية مي البحر
بس بالحقيقة مي النهر دينخبط وية مي البحر طبيعي

مي النهر المحمل بالرواسب لمن يلتقي بالمي المالح مال البحر تترسب المواد الي بيه مثل الطمي و الطين لقاع المحيط
بسبب انه مي البحر بيه ملح ف يخلي الرواسب بمي النهر تترسب لقاع البحر

ومثل متشوفون بالصورة المكان مو حد فاصل
مجرد مكان اختلاط للمي

"الإعتقادات الراسخة هي أعداء الحقيقة، وهي أكثر خطورة من الأكاذيب".
- فريدريك نتيشه

تتوقعون شنو الي حدد اللون الاحمر كـ " أشارة وقوف " والاخضر " أشارة انطلاق " ؟
جاوبوني هنا

@TacilaBot

نظام الالوان الحالي مستمد من نظام سكك القطارات الي نشأت فكرته قريب الحرب العالمية الاولى بس الالوان بالذات يرجع اصلها لابعد شوية ، تاريخيا اللون الاحمر جانوا يستخدموه الروم بغزواتهم اشارة للخطر والدم نسبة للاله مارس اله الحرب بالحضارة الرومانية القديمة (قبل 2000 سنة ).
اكو قصة او رواية تنسب اول استخدام لـ اللون الاحمر لفلاح بسيط راد يوكف القطار وهو يأشر بقميصه الاحمر 😔😂 . هذا بالنسبة لـ اللون الاحمر اما بقية الالوان فجانت متغيره مع الوقت ، مثلا سنة 1830-1840 جانت الاشارة بسكك القطار تتكون من الاحمر ( وقوف) والاخضر ( استعداد) والابيض ( انطلاق).
@iQtalks

فهذا النظام جان فاشل لدرجة ما ، مثلا اللون الابيض جان بسهولة ينخلط وي لون الضوء الابيض العادي . وبسنة 1914 العدسة الحمراء الي بالاشارة سقطت (الضوء هو ابيض والعدسة حمراء ) فمن سقطت صار الضوء ابيض بدون عدسة ملونة وبما انو الابيض هو علامة الانطلاق فهذا ادى لكوارث وحوادث مروعة وبسبب هاي الشغلات تطور النظام للي احنا نشوفه حاليا واستبدلوا بالاصفر ( استعداد ) والاخضر ( انطلاق) واول استخدام للنظام الحديث كان بديترويت 1920 .
@iQtalks

ولليفكر بحالات عمى الالوان ، فكانوا يعلمون المصابين بهاي الحالة انو اللون الاول هو وقوف واللون الاخير هو انطلاق وهكذا .
@iQtalks