نزلتها بلستوري مال انستكرام ف كلت ادزها هنا هم
توضيح اكثر لسالفة الامازون




https://earthsky.org/earth/how-much-do-oceans-add-to-worlds-oxygen


https://www.nationalgeographic.org/activity/save-the-plankton-breathe-freely/



https://relay.nationalgeographic.com/proxy/distribution/public/amp/environment/2019/08/why-amazon-doesnt-produce-20-percent-worlds-oxygen


https://undark.org/2019/09/03/amazon-rainforest-fires-will-not-deplete-earth-oxygen/


https://www.factcheck.org/2019/09/amazon-doesnt-produce-20-of-earths-oxygen/


https://writersbeat.com/the-taiga-lungs-of-the-world-t9653.html

خرافات منتشرة
-------------
من اكثر الخرافات المنتشرة هي لمن تتعرض للبرد رح تتمرض
هلمعلومة خطا لان المرض سببه بكتريا او فيروسات تنتقل للجسم و تسبب المرض
ف ممكن تتمرض بمكان دافي مادام البكتريا او الفيروسات المعينة موجودة

*البكتريا و الفيروسات المسببة للامراض كل سنة تتغير و تجي أنواع غيرها لذلك ماكو لقاح دائم للامراض الموسمية

https://www.mayoclinic.org/diseases-conditions/fever/symptoms-causes/syc-20352759

https://www.medicalnewstoday.com/articles/168266.php

https://medlineplus.gov/fever.html

-----------------------------------

حلاقة الشعر بالموس تخلي الشعر اثخن و اقوى
هاي ايضا خرافة مشهورة و ما الها اي صحة
الشعر يبقى نفسه من ناحية الثخن و القوة بس

https://www.mayoclinic.org/healthy-lifestyle/adult-health/expert-answers/hair-removal/faq-20058427

-----------------------------------

"سور الصين العظيم ممكن الواحد يشوفه من القمر"
هالمعلومة ايضا خطا
سور الصين العظيم ميبين نهائيا من القمر و حتى من محطات الفضاء القريبة داخل مدار الارض هم ميكدر الواحد يشوف سور الصين العظيم منها

https://www.nasa.gov/vision/space/workinginspace/great_wall.html

-----------------------------------

"الانسان عندة 5 حواس"
هالمعلومة ناخذها من صف اول ابتدائي بالمدرسة بس هي خطا
الإنسان عندة كلش هواية حواس
مثل الجوع و الالم و التوازن و التسارع و درجة الحرارة و غيرها

https://www.press.jhu.edu/news/blog/how-many-senses-do-we-have

https://en.m.wikipedia.org/wiki/Sense?wprov=sfla1(ويكيبيديا مو مصدر بس للي يحب يقرة اكثر عن الموضوع)

باجر انزل وجبة اخرى من الخرافات

-----------------------------------

"لمن تلزم عصفور مفقس جديد و ترجعة للعش امه مراح تتقبلة و متنطيه اكل و تعوفه يموت"
هالمعلومة هم خطا و اعتقاد الناس انها بسبب ان الطير تصير بيه ريحة الشخص الي لزمه
بس الطيور اصلا معدهم حاسة شم قوية
ف مراح يعوفوهم

https://www.nationalgeographic.com/science/phenomena/2015/06/29/should-you-put-a-baby-bird-back-in-the-nest-depends-if-its-cute/

-----------------------------------

"البشر يستخدمون بس 10 بالمية من ادمغتهم"
الي يصدك بيها معناها فعلا يستخدم بس 10% من دماغه
https://www.psychologicalscience.org/uncategorized/myth-we-only-use-10-of-our-brains.html

-----------------------------------

"لمن تبلع العلج تحتاج 7 سنين حتى تهضمه"
هالمعلومة هم غلط
العلج مينهضم بلمعدة و انما يخرج خارج الجسم طبيعي
و باغلب الحالات ماكو خطر ببلع العلج (مع انه هو غير مصمم للبلع)
* إذا الواحد بلع كمية جبيرة من العلج ف ممكن يسوي هلشي انسداد بالامعاء

https://www.mayoclinic.org/digestive-system/expert-answers/faq-20058446

https://kidshealth.org/en/kids/swallowed-gum.html

هواية ناس يكولون ليش الكل يريد يدخل مجموعة طبية؟
و يعتبرون النجاح على المجموعة الطبية بس
و يكولون هالفكرة غلط

المشكلة مو بالفكرة
المشكلة بترتيب الدولة

يعني حاليا فعلا عدد الشهادات الي ممكن الواحد يشتغل بيها قليل كلشش
بسبب انعدام فرص العمل
يعني حتى الشركات الي دتدخل للعراق قليلة
الي هي توفر شغل

يعني لمن تجي شركة للعراق مهما كانت
اولشي رح يشتغلون المهندسين المدنيين لبنائها
وراها حسب تخصصها مثلا ممكن اشياء بالليزر تشغل مهندسين ليزر
اجهزة طبية
تشغل مهندسين طبيين
هاي كمثال
وراها الشركة رح تحتاج ترتب حساباتها
رح تحتاج خريجين ادارة و اقتصاد بالمحاسبة مثلا
و لان الشركة لازم تمشي علقانون تحتاج محاميين
تحتاج عمال نظافة
رح تشغل ناس معدهم شهادات كلية اصلا
وراها رح تحتاج خدمات من كهرباء و مي
تشغل ناس بشركات المي و الكهرباء الي رح تزداد اذا زاد الطلب علكهرباء
و بهالحالة رح نشغل بعد ناس بغير مجال

و همة رح يحتاجون اشياء استهلاكية الشركتين مثلا شركة الكهرباء رح تحتاج نفط
و الشركة الاولانية تحتاج مواد اولية لشغلهم
رح يعتمدون عل غيرهم من الشركات الي هم رح تشغل بعد ناس حتى تسد الطلب


الي ديصير بالعراق محد يفتح مشروع قوي
بسبب المكان خطر و الدولة متدعم هلشي

يعني لو بس والمارت يجون للعراق هاي شكد ناس رح تشتغل!
و بعد متصير بس الشهادات الطبية الها أهمية

لان حاليا الناس حقهم يتجهون للتخصصات الطبية لان هي الوحيدة الي دايما الواحد يكدر يشتغل بيها
لان شي محد يكدر يتخلى عنة

يعني الواحد ممكن ميروح لمهندس معماري علمود يصمم بيته
و لا يروح لمهندس مدني يبنيلة البيت
يروح لخلفة معتدةشهادة
ف كعدوا المهندسين
بس لمن واحد يمرض معندة حل غير الطبيب
لمن يريد يشتري دوة معندة حل غير الصيدلية
هذني الأشياء الأساسية مثل الطب مستحيل الواحد ميشتغل بيها لان الناس حتستمر تمرض

نفسلشي لمن يسوون ضرايب عالية على الدوة
المبيعات تبقى نفسها!
بس لو سووا ضريبة على الببسي
رح تقل مبيعات الببسي
لان مو شي اساسي

و نرجع لسالفة الي يريد يبني يروح لخلفة و ميروح لمهندس هم ترجع ع الدولة
لان غالبا ذولة يبنون بدون مواصفات قياسية للبناء
بالتالي يسبب مشاكل

ف حرفيا الحل بيد الدولة
يوفرون امن
و خدمات أساسية
و تسهيلات للاستثمار و دخول الشركات
و تسهيل فتح الشركات
حتى يصير اكو شغل لكل الشهادات

بس راي الناس مال الطبية احسن مجال واحد يدخلة لمن يريد يعيش بلعراق ابدا مو غلط
لان هذا الواقع



و ملاحظة
اني اشوف مطلب الناس للتعيين مال الدولة و مطلب توفير تعيين للطلاب مال مختلف التخصصات مطلب غبي
راحت ايام الاشتراكية و حاليا النظام الماشي هو الراس مالي
راتب التعيين بلعراق و باغلب الدول minimum wage
اذا الواحد يريد شغل محترم ف يشتغل وية شركات

هلجريدة هواية شفتها كلش سواء بالفيسبوك او الواتس اب
ف هل فعلا استخدام الأجهزة او التواجد بالقرب منها يسوي سرطان او اي مشاكل صحية؟

لا طبعا
ماكو اي دليل لحد الان ان اشعاعات الاجهزة تاثر على الصحة باي شكل من الاشكال
يعني متسوي سرطان

هذا راي ال FDA (هالمنظمة مسؤولة عن حماية الصحة العامة بامريكا و للي ميعرف هالمنظمة يكدر يدوس على الاسم و رح يحولة لصفحة ويكيبيديا و يقرة عنها)
https://www.fda.gov/radiation-emitting-products/cell-phones/current-research-results

و هذا راي ال Scientific Committee الاوربي (هم مسؤولة عن حماية الصحة العامة باوربا و للي ميعرف هالمنظمة يكدر يدوس على الاسم و رح يحولة لصفحة ويكيبيديا و يقرة عنها)
http://ec.europa.eu/health/scientific_committees/emerging/docs/scenihr_o_041.pdf

و هاي مصادر اخرى
https://www.fcc.gov/consumers/guides/wireless-devices-and-health-concerns


https://www.niehs.nih.gov/health/materials/cell_phone_radiofrequency_radiation_studies_508.pdf

------------------------

مختصر الكلام ان ماكو اي دليل على وجود خطر لحد الان و هلشي كل الجهات تتفق عليه

للي ميعرف ف اليوم سووا "Raid" ل area 51 بامريكا
حتى "نشوف الفضائيين الي مختليهم هناك"
الموضوع بيه شرح بس داريد اوضح صورتين انتشرت و الناس كالوا هاي صور من ال raid مال area 51
و انتشرت على الانترنت بس هي غلط

هاي الصورة من لعبة arma 3
مو من ال raid

هاي الصورة لمهاجرين من افريقيا
مو من ال raid

كلما يطلع قانون جديد او تصحيح لكسر بعض الناس للقوانين نجي الي يجون و يكولون "على الفقير" و "جايين على الفقير"

يعني أبسط مثال قانون المرور الجديد الي كلش مرتب صح ينقصه بنود بعد بس حاليا يحل هواية مشاكل
هواية من الناس اشوفهم ينتقدوه مع العلم مبيه اي تقييد مجرد لتسهيل حياة الناس و ضبط الشارع أكثر
و يجون بحجايتهم المتكررة "و الفقير شلون يدفع"
زين ليش محد يكول الفقير ليش ديكسر القانون بالاساس؟
الغرامات هي الحل الوحيد حتى الكل يلتزم بالقانون (صحيح مراح يتطبق 100% بس على الاقل اكو قانون و لمن يشوفون الشرطة حالات مخالفة اكو شي يحاسبون عليه)

و نجي لمن الدولة يشيلون التجاوزات خصوصا البيوت التجاوز الي تنبني بشوارع او مكانات المفروض تكون حدايق
و يجون يفلشون التجاوز او البيت لان تجاوز
و هم يجون هواية ناس يكولون "و الفقير وين يكعد؟"

زين ليش ميكولون الفقير حالة حال غيرة مو من حقه ياخذ حق غيرة و الي ممكن يكون شارع يسهل طريق الناس او ممكن يكون مساحة مفتوحة بين البيوت مو من حقه يبني بيه بيت

اني مو ضد الفقير بس ضد ان الواحد ميطبق القانون لان اكو "فقير" رح ينضر

مادري ليش دانزل هالكلام بس السالفة كلش مزعجة و كلش تدل على جهل الناس

*سؤال شائع بسبب فهم غلط من الناس لمفهوم التطور
-اذا احنة تطورنا من القردة، ليش اكو قردة لحد الان؟

الاعتقاد ب ان التطور صار بخط واحد هو غلط
التطور صار بتشعبات هواية و بيه أكثر من فرع
و احنا ما تطورنا من قردة بس عدنا سلف مشترك وية القردة
ف يعني هالصورة الجوة المنتشرة غلط
لان مثل مكلت التطور صاير مثل شبكة متفرعة مو خط واحد للتطور

-شنو الي يخلي الكوكب كوكب؟ (يعني ليش اكو كوكب يعتبر كوكب و اكو جسم يعتبر قمر مثلا)

لازم الكوكب عندة جاذبية كافية تخليه بشكل كروي و قوة تخليه ينظف محيطه من الاجسام الاخرى

ماعرف منو ديقنع البشر بهاي الافكار

الامم المتحدة مراح تتدخل و لا المجتمع الدولي
ماعرف منو ديزرع هاي الافكار
ترة وضعنا "المجتمع الدولي" مكيف عليه
ترة بسبب ان وضعنا الاقتصادي فاشل و عدنا ديون متخلص من البنك الدولي هو احد اهم الاسباب الي رح تخلي التدخل لحل مشاكل العراق شي مبيه مصلحة لاحد خارج العراق


بسبب ان عدنا ديون للبنك الدولي و لبنوك دولية اخرى ف هالشي يخلي "المجتمع الدولي" مالتكم و دول اخرى تتحكم بسياسة العراق باعتبار ان ديساعدون العراق حتى يسدد ديونه
بس طبعا محد رح يفيد العراق فعلا لان هذي الديون دتزيد بسبب الفوائد و تبقى سيطرة جهات خارجية على العراق بالغصب
و بلاضافة اني يسحبون من فلوس العراق
ماكو سبب منطقي يخليهم يتدخلون حتى يساعدونا
هاي اول نقطة

النقطة اللخ ان اصلا ماكو جهة رح تصرف فلوس و تاخذ موقف سياسي او تنزل قوة عسكرية علمود يساعدون شعب دولة ميصرفلهم
بالإضافة اذا تدخل احد من خارج العراق ف هذا يعتبر احتلال من نوع اخر

و كل الدول الخارجية من مصلحتها تبقى الحكومة الحالية


ف رجاء لحد يتمسك بامل زائف او يسوي محاولات يائسة مالها فائدة مجرد استنزاف جهد و توليد خسائر معنوية و مادية للبلد