ف بسبب هلشي مصطلح ال banana republicans طلع
شنو معناه؟
باختصار انه الدولة تنصاع لشركات تسيطر على البلد و ميدفعون ضرايب ولا يسوون شي
بس الدولة بنفس الوكت تاخذ ضرايب من الطبقة العاملة

ف يصير فرق جبير بين الطبقة الغنية و الطبقة الفقيرة
و الطبقة المتوسطة تقريبا تكون غير موجودة تماما

ف الفلوس كلها متجمعة يم مجموعة صغيرة من الناس اقل من 5% وباقي الشعب كلة بحالة فقر شديدة جدا
بسب انه هاي الشركات متنطي رواتب كافية للعمال مالتها
و فوكاها الدولة تاخذ منهم ضرايب

ف بقى هيج الوضع ل 15 سنة تقريبا العمال يشتغلون ببلاش تقريبا لاصحاب شركات المزروعات الجبيرة

وراها شركة يونايتد و شركة كويامال اتحدوا و اندرات بواسطة سام (مدير كومايال)
و فاكارو تسمت Standard Fruit Company

ف ورة هلاحداث بسنة 1944 دولة كواتيمالا (الي بصف الهندوراس) صارت بيها ثورة ديمقراطية و انتخبوا رئيس جديد ف هذا الرئيس الجديد الي اسمة Juan José Arévalo معجبة الي ديصير بشعبه من المذلة (ال 3 شركات عدها اراضي واسعة بهواية دول)

ف الرئيس الجديد سوة قوانين جديدة من ضمنها حد ادنى للراتب (ف يعني ديريد يساعد العمال و ميبقون بروات معدومة تقريبا)
و حتى سوة برامج محو امية و غيرها من الاشياء المفيدة للبلد

ف الشركات ضاجوا لان رواتب اكثر للعمال معناها ربح اقل للشركة

وراها انتخبوا رئيس جديد اسمة Jacobo Árbenz
ف الرئيس كمل على نحو الرئيس الي قبلة من ناحية تحسين الرواتب للعمال
و سوة تحسينات عامة للبلد و فاد الشعب
ف بسنة 1953 شركة يونايتد للفواكه طلبت المساعدة من الولايات المتحدة الامريكية بحجة انه اكو اشتراكيين بالحكومة الكواتيمالية

ف انعزل جاكوبو عن الحكم بمساعدة امريكا
و من سنة 1954 لحد سنة 1996 كل الروؤساء بكواتيمالا جانوا مدعومين من امريكا
كلة لخاطر شركات المزروعات

و هسة تكولون اوكي اكيد هذا من الماضي و هسة الوضع مختلف

لا
لساهن هذني الشركات شغالة بس تغيرت اسمائها
مثلا Vaccaro Fruit Company الي تغير اسمها ال Standard Fruit Co.
هسة اسمها Dole Fruit Company

وبالنسبة لشركة يونايتد ب 1976 مدير الشركة شمر روحة من الشباك (حرفيا شمر روحة من الشباك و مات يعني انتحر فطست)

ف واحد اجة اشترة الشركة و غير اسمها ل Chiquita Brands International

و استغلال هاي الشركات لساه مستمر

كل العمال بمجال الزراعة عايشين ظروف اقل من خط الفقر و حسب مداقرة حاليا و اقتبس من كلام ال NFWM "ديشتغلون كانما عبيد"
رواتبهم كلهم تبقيهم تحت خط الفقر
بالاضافة الى انه اكو مزراعين يشتغلون ببلاش حتى بدون راتب!

العمال بالمجال الزراعي يشكلون الاطفال نسبة 30% منهم !


باختصار شركات المزروعات عدا كونها تستغل العمال مالتها و معيشتهم كانما عبيد
ف هي متخلي اصلا بعض الدول تتقدم حتى تبقى الظروف لصالحها
لذلك دول مثل كواتيمالا والهندوراس وسييرا ليون و غيرها من الدول لساها دول عالم ثالث بسبب استبداد شركات الفواكه و الخضروات


http://nfwm.org/resources/low-wages/
https://www.ilo.org/global/about-the-ilo/newsroom/news/WCMS_008067/lang--en/index.htm

ف هواية من النباتيين الي دزوا بالبوت
او تقريبا كلهم
ذكروا انه من ضمن الاسباب الي خلتهم يصيرون نباتيين هي "اذية الحيوان" وان "الحيوان عندة روح"
و اصلا قسم من الي دزوا مجان عدهم سبب غير هذا

ف احب اكلكم البشر هم عدهم روح و هم ديتاذون
و ديعيشون حرفيا كعبيد من اجل النباتات الي دتاكلوها
و شركات الفواكه و الخضروات ديخلون دول تعيش بظروف سيئة و تبقيها دول متخلفة لمصلحتهم

ف اي فكروا بهلشي الي يمكن رح يخليكم تشيلون "حقوق الحيوان" من المعادلة و تدخلون حقوق الانسان للمعادلة

ف كلشي بيه جانب زين و جانب موزين
بس يبقى على يا جانب دنباوع و نحدد عليه قراراتنا

القس هذا بدترويت جان ديرش "holy water" على الناس الي يريدون يروحون للكنيسة و ديسوي كلشي عن بعد و حماية من ورة الفايروس
ف طشت السالفة و صار ميم
https://www.today.com/news/detroit-priest-goes-viral-blessing-churchgoers-water-gun-t181777

فطسسسسسسست

آخر فرصة للتقديم!
الديدلاين يوم الاربعاء 5/20

شنو هو التيد؟
ال TED اختصار ل The Experiment: Digital

برنامج تبادل ثقافي هدفة تطوير القدرات القيادية بشكل عام و يعرف الشخص على العمل التطوعي و يطور قدراتة بهلمجال و يعلم الشخص شلون يخطط مشروع ممكن يساعد مجتمعه بيه


و هو مقسم لموجلات (Modules) و كل موجل بيه assignments و webinars و vhf calls و حتى العاب بسيطة
البرنامج يتكون من 4 موجلز مواضيعها هي
- Digital citizenship
- Leadership and Identity
- Community Initiatives
- Public Narrative

و البرنامج من خلاله رح تتواصلون وية طلاب اعدادية من العراق و الجزائر و اليمن و الولايات المتحدة الأمريكية بأعمار من 14 ل 19 سنة و هلشي بحد ذاته رح يوسع افاقكم كلش

طبعا التواصل بين الكل باللغة الإنكليزية حصرا
البرنامج مالة علاقة بتطوير اللغة بس اكيد لمن حتمارس اللغة رح تتحسن

البرنامج يطول 8 اسابيع و مياخذ منك أكثر من 4 ساعات بالاسبوع
و البرنامج اكيد مجاني


طبعا الكل يتقسمون الى neighborhoods و كل نيبرهود مسؤول عنة فاسليتيتور (Facilitator)
و كل نيبرهود مقسم الى عوائل الكترونية (Virtual host families) و كل عائلة بيها عراقيين و أمريكان


التقديم مفتوح حاليا و ينسد يوم 23/3
و البرنامج رح يكون خلال 22/6 - 16/8 هلسنة

انصحكم تقدمون لان فرصة حلوة و رح تفيدكم كلش و هم رح تحصلون certificate منها


لمعلومات أكثر عن البرنامج و للتقديم
https://www.experiment.org/digital/

رابط التقديم مباشرة (انصحكم تقرون كلشي بالرابط الي قبلة حتى تعرفون على شنو دتقدمون بلضبط)
https://form.jotform.us/93075310665153