المجاملة ف حدود تزيد الود وليها اثر ف نفوس الناس يارفاء !!
لو زادت ع حدّها ليها سايد ايفكت مش تمام لكن شندخل الكرامة؟

ايه مزبوط كلامك حتى الاقتباس يحكي ع الزيادة عن الحد .. لما حد يقعد يحاول يتقرب من غيره بأنه يجامله هلبا هكي ح يخسر نفسه في سبيل ارضاءه . في اي نوع من العلاقات بين البشر مثلا لو اني نحاول نتقرب من شخص معين او بش نخسراش و نقعد نمدح فيه و نجامل في حاجات زيادة عن الحد بش يفرح و يرضى عليا هكي اني خسرت كرامتي . يمكن انتي مش مارة بشي هكي قدامك لكن اني شايفة ناس تحاول تتقرب من اشخاص بإنهم تمدحهم و تتغزل فيهم اكثر من الحد مرات لغرض القرب و مرات بش ما تخسرش الشخص و تجرح مشاعره هكي خسر كرامته (نفسه) مش بمعنى الحرفي للكرامة يعني . التظاهر بشي عكس اللي تفكري فيه يتطلب مجهود و طاقة و خسران الطاقة هادا يؤدي الى خسران نفسك .

فهمت عليك ، لكن المجاملة شي ومحاولة فرض نفسك ع شخص شي ثان !!
المجاملة ممكن تكون حتى لشخص عابر انت متعرفيشي اصلا ، بينما انك تتقربي لشخص حد التنازل ع الكرامة هكي تخطينا حدود المجاملة ومعش ينطبق عليها اسم مجاملة اصلا😅😂

بنقعدوا في نقطة المجاملة نفاق اجتماعي ام ضرورة حياتية 😂

خصص الإقتباس حالة و موقف معين معناه : " مجاملتك في هذا الموقف نفاق و بعد عن الصراحة و خسارة لنفسك لانك تظهر عكس ما تبطن و غايتك مصالح معينة غير سليمة فقط "زي شخص ح تحصلي منه تعيين في شغل معين بدل ما انك تبذلي جهدك تبدي تتوددي ليه بش تكسبي شغل و هذا فيه نوع من التحايل تحت مسمى المجاملة.. و للضرورة احكام طبعا .. المجاملة في وقتها الصحيح و في مكانها الصحيح و مع اغلب الناس مع نية صافية ضرورة حياتية للتآلف و الود و المحبة و عدم كسر مشاعر الناس . لكن خصص المنشور حاليا موقف معين يفكر به القارئ لحظيا إن شخص نواياه مش حسنة ما يصارحش . لمجرد إنه عنده من وراه مصالح معينة ف يبدا مظهره مثير للشفقة .

درنا مناظرة للموضوع !😂😂
هو معاك ف كون الشخص مثير للشفقة لما يظهر عكس مايبطن بالذات لو كانت نواياه مش طيبة ..
لكن لو تشوفيلها من ناحية إيجابية ، المجاملة مش ديما تكون بالسؤء هذا .
من وجهة نظري المجاملة واخدتتها من ناحية " وقولو للناس حُسناً" وهالشي يختلف هلبا ع اللي تحكي عليه انت ..
ع كلٍ لكل منّاً منظوره الخاص ونوعية تعامله ونوع الناس اللي يتعامل معاهم

الاختلاف في الموقف بس مش اختلاف أراء و أسعدت بمناقشتك 😂 ❤️ ❤️
كل شي ليه ايجابيات و سلبيات حتى المجاملة ف اني حاولت ان نبين الجانب الاخر المخفي في بعض المواقف لان الفكرة الي كلنا نعرفوها و اني منهم ان المجاملة حاجة حلوة تقرب الناس ببعضها و فيها ود و تألف و ح تلقيني منزلة قبل ❤️ .

أحب البيت، أحب فكرة البيت نفسها والأربع جدران والباب المنغلق...مهما كان الخارج ممتع وشيق، لا شيء يساوي الشعور بالطمأنينه داخل حدودك.
إستاحشت حوشنا 💔

‏قُل لي بربّك
من أرجعك؟
أُغرب! ،كأي نهايةٍ في قصةٍ
واحمل حقائب ذِكرياتِ الأمس
لا تترك هُنا شيئاً ، ليحرمني المنَام
فأنا بكلّ قصائدي ومشاعري
ما عُدت أعشق مَطلعك !

بحاجة لكتابة رسالة مطوَّلة تحمل الكثير من بعض الأمور أو القليل من كل شيء ، تُحفظ في مكانها المناسب وتُقرأ في وقتها المناسب بعد أن يجف دمعها وحبرها أيضًا ، تُقرأ بعد حين .

I notice everything and this is my problem.

شن بنقولك حسبي الله وخلاص 😩

الأجمل من كل شيئ نظرة الفخر التي تعلو محيا والدي عندما احسن العمل💙

" اللهمٌ أذقنا حلاوةٌ جبرُ الخاطرَ ".💙

كلنا عندنا شخص نلقو فيه ضالتنا " أنفسنا "
الي نقعدو سنين طويلة في حياتنا ندورو فيها ، نفوسنا الي تكون بواطنها مليانة فوضى ونحاولو ديما نرتبوها !
وبدون اي فايدة

لعند ما يجي شخص عبارة ع مراية ، شخص تشوف فيه نفسك بكل تفصيل دقيق فيها شخص يعكس كل شي فيك بطريقة تخليك تحب نفسك ترتاح وتزيد ثقتك بيها ، شخص يساعدك ترتب الفوضى الي فيك ، شخص يستمع لأدق التفاصيل التافهة في حياتك بتمعن وتركيز تام ، يخليك تحس ان كل فكرة مهما كانت ، مهمة بنسبة ليه !
شخص يعطيك الحرية الكااملة في التعبير ع نفسك ، شخص يشوف عيوبك كلها ويحبها 💙

شخص يجي بعد تعب وارهاق من كتر الحروب والصراعات الي تخوض فيها مع نفسك ، وبكل بساطة يعلن الصلح والسلام الابدي بينك وبين روحك المرهقة ويحتويك ، بعمق 💙✨

ربي يرجعكم ليه ☹💔

مش صُدفـة 💙
..

- لما سمعت آية من القرآن وحسيتها بقلبك وكأنها توا نازلة عليك ..

- لما موقف جمعك بحد وتعرفت عليه وكان سبب فى تغيير حياتك للأحسن وإنك اتعلم حاجات وتعرف إمكانياتك وتكونوا صحبة صالحة لبعضكم وصحبة خير ..

- لما في عز ضيقك تلقى حد جاي يخفف عنك ويقولك لعله خير اطمن ربك كريم #وبشر_الصابـرين ~

- لما حد كان محتاج نصيحة أو حتى محتاج يفضفض وقصدك إنت فخففت عنه أو كنت دليل له على فعل خير ودليل له لنصيحة محتاجها منك ")

- لما صارلك ابتلاء كشف لك واجد من اللي حواليك وكان سبب في تصحيح مسارك وقواك أكتر من الأول ~

- لما فتحت التلفزيون وسمعت في البرنامج يقول : ( ارض بما قسمه الله لك تكن أغنى الناس )
في وقت كان معدل قناعتك مش تمام ")

- لما أول ما فتحت الفيس تشوف قدامك بوست لامس قلبك وكنت محتاجه
ومواقف غيرهم مش صُدفـة
دعائك اوقات يستجاب على شكل اشارات والمواقف هذي كانت رسائل من الله ايدلك بيها على الطريق وهذي كلها أسباب في طريقك عشان اتردك لله
كان ايقربك منه من غير ما تاخد بالك ويبينلك صفاته وأسمائه الحسنى #الكريم ~
..
كان يخفف عنك في عز ضيقك ..

" وَمَن يَتَّقِ اللَّهَ يَجْعَل لَّهُ مَخْرَجًا " ؛ " وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا
فـ الله ديما يرسلنـا رسائل وعلى قدر حاجتنا المهم أنك تفتح قلبك وتستقبلها
لطفـهُ يجري ، و عبدهُ لا يدري 💙