الحاجة الوحيدة الي استفدت منها من هروب الضي
هو التقعميز مع العيلة والهدرزة ونتفكرو ايام زمان شن كنا نديرو وحني صغار ونحكو ع الماضي الجميل والواقع المرير والمستقبل المجهول 😂

غريبة كيف أن بسرعه زي هادي بديت كل مانغمض عيوني صورتك ماتفارقنيش، و ملامحك ثابته كأن نعرفك ليا سنين
-كيف هكي ؟
اليوم أمنت معاك بحاجتين كنت نسمع بيهم و مانصدقش ..

"الحب من أول نظرة ، و سحروني عيونه ".

بجديات شعور الحب اللي في قلبي توا هلبا حلو و مريح ، و مانعرفش كيف عيونك قدروا يسحروا عقلي هكي .

أرضى عني يالله حتى ترضى الأشياء من بعدك ' حتى تفتح لـي الدنيا أبوابها و يبتسم كل شيء 🎈

ماعرفتش شن معناها حب ؛ غير لما كان خاطري في حاجه و قلت بنقول لبوي يجيبهالي و نسيت نقوله و لما روح لقيته جايبها .

نعطيهالك طول ؛
أني نتأسف على أي حاجه أخي درتها او نديرها الا على ردة فعل مني لفعل أنت مدايره .. أهني أني مش أسفه بكل .

اللي بيمشي أفتحله الباب و قوله أنستنا .. و اللي بيرخي الحبل أعطيه الحبل هدية .. واللي بينساك قوله من معاي ! مافيش حد خير من حد .

من قال ؛ ماري ولا تكون حسود !!
بالعكس لا تماري لا تكون حسود , خليك انت كيف ما أنت بشخصيتك انت 🙂

لان في وقتنا يحسدوك و يماروك و يطلعوك انت اللي تماري فيهم

الموت تهد لبنادم لا شعوريا تبدأ بالشويه تفقد في شعور في داخلك و انت حاسس بيه و هو يختفي .
تبدأ مش قادر تقول اسم الشخص اللي توفى ولا قادر تقتنع بأن كلمة الله يرحمه يعني مات
تبدأ تراجي فيه و مش متخيل أن رسمي معاش يجي وان ربي خدي امانته.
ماتبيش حد يواسيك لكن في نفس الوقت تبي من يحضنك
ماتبيش تسمع دوتهم و زحمتهم و لا حتى كلمة كان طيب و لا سلامة راسك تبيهم يقولولك زي لما كنت صغير أن سافر و حايرجع
والله نعرفوا أن الموت حق و أن شيء طبيعي و أن ماحد يدوم لكن علاش مامشيناش احني قبل ، علاش عشنا و شفنا روحنا كيف تطلع منا و كيف ظهرنا ينكسر

يقسى لبنادم بعد موت القريب ! فارق الحيين معاش يحركلنا شعور.

و نعرف ياربي أن حكمة و أن فيها خير

تعرف أنت شني عندي ؟!
- أنت كل حاجه تفرحني و تقويني و تعطيني دافع قدام كل شي نبيه و مش قادره نوصله.💙
عاطيني مساحه مريحه هلبا في حياتي و مخليني نقدر نقولك اي شي يخطر في بالي من غير مانخاف أو نتحشم أو نقول ممكن يفهمني غلط او مش وقته ، لأنك ديما عاطيني شعور أن كل وقت وقتي.💙

نستغرب هلبا في اللي ماعندهمش زيك ! كيف عايشين هكي !!

لما يريحوا من نفسهم من يلقى فيهم ؟
ولما يكسدوا و يقلقوا أو عندهم موضوع تافهه يحكوه في من يكلموا؟
و لما يضايقوا و يزعلوا أو تكسرهم الدنيا من يرضي فيهم و يقويهم؟

من محسسهم أن وجودهم بالدنيا و أن غيابهم يأثر و أن ليهم معنى كبير!!

"أنت نعمه نحمد ربي عليها على قد ما أن الوقت صحب يكرر منك مرتين"💙

تصدق فرحتي بيك و بوجودك في حياتي هي أكتر شي مخليني نقدم و نعيش و نوض كل صبح 💙
وجودك في حياتي هو اللي مخليني نكون مرتاح و ننجح و مايكسرني شي 💙

الحمد الله على وجود شخص ماعمراش خلانا نندموا لان عطيناه حياتنا و الحمد الله على شخص خلانا نشوفوا روحنا و نحبوا روحنا في عيونه 💙

- يا رب إن شاءالله انتصار معاش توجعها وذنها 💔 .

لا باس عليك 💔

‏"أنا أنتمي لتلك الفئة من الناس التي تسير بحال سبيلها، منغمسة بحياتها وأفكارها وعالمها ووقتها الضيق الذي بالكاد يكفي لأن تعيش أحلامها، الفئة التي لا تهتم بك كثيراً وإن لم يطالك خيرها، أعدك أن لا يطالك شرّها أبداً، لذلك أتعجب بشدّة ممن ينشغل بي وبتفسير حياتي التي لا تخصه ولا تمسه."

💔💔ياعمري
اللهم امين ❤️ وتجاوبي وتصفي بامتياز 😍❣