قصة أصحاب الكهف وعلاش نزلت السـورة
تعالو نحكو عليها
هاذو ياحنة قريـش زمان يبو يتحدو نبينا عليه الصلاة والسلام فمشو لليهـود بحكم أنهم أهل الكتاب وعندهم معلومات عن خاتم الأنبياء وقالولهم اعطونا أسئلة نسألوها ل مُحمـد لو جاوبها فهو نبي فعلًا ولو ما عرفش هكي نقدروا نكذبوه ونفضحوه !
والأسئلة كانت :
عن فتية ذهبوا في الدهر الأول ما كان أمرهم ؟ فإنه قد كان لهم حديث عجيب .
وعن رجل طواف قد بلغ مشارق الأرض ومغاربها . فما كان نبؤه ؟
وعن الروح ما هو ؟
فلما سألوا الرسول قالهم غدوه نعطيكم الإجابة وماقالش ( إن شاء الله )
وكان يستنى في الوحي ينزل يجاوبه ومايجاوبش وكل يوم يقوللهم غدوه ومايقولش ( إن شاء الله ) وهكذا لين بعد فترة نزلت سـورة الكهف ، وهذا علاش ربي نزل ( ولا تقولنّ لشيءٍ إني فاعلٌ ذلك غدًا إلّا أن يشـاء الله )
وفي بداية سورة الكهف كانت إجابة أول سؤال اللي سألوه قريش ل حبيبنا محمد 💚
هاذو كانت مجموعة ولاد صغيرين ( فتية = يعني عمرهم أقل من العشرين ) تقريبًا
كانوا عايشين في قرية الملك متاعهم كافر بالله ويعبد في الأصنام واللي تحته كلهم زيه
ورغم صغر سنهم طلعوا ونصحوا النّاس أنهم يعبدوا الله وحده لا شريك له
( إنهم فتيةٌ آمنوا بربهم وزدناهم هُدى وربطنا على قُلوبهم إذْ قاموا فقالوا ربّنا ربّ السموات والأرضِ لن ندعوا من دونِه إلاهًا لقد قلنا إذًا شططًا )
لما خدوا بالأسباب وآمنوا ربي زادهم هُدى
حتى أنتِ مايكفيش تقولي ياربّ اهديني وأنتِ ماغيرتيش من نفسك ") لازم تبادر وتغير من نفسك وربي ح يكون معاك زح يساعدك ويزيدك هدى انت بس انوي وابدا .
لما سمع الملك أمر بقتلهم فهما هربوا ومشو لكهف يتشاوروا فيما بينهم شن يديروا ؟ وطلبوا المعونة من رب العالمين
( إذْ أوى الفتية إلى الكهف فقالوا ربنّا آتنا من لدنك رحمةً وهيء لنا من أمرنا رشدًا )
ديما لما تتسكر في وجهك وتحصل ومعاش تعرف شن ادير استعين بالله هو المدبر سبحانه لكل شي 💚
ورقدوا واحد وراء الثاني ( فضربنا على اذانهم في الكهف سنين عددًا )
قداش سنة ؟
( ثلاثة مئةٍ سنين وازدادوا تسعًا ) علاش ربي قالها هكي وماقالش طول 309 سنين
قالك لأن الـ 300 لو حسبناها بالأشهر الشمسية زي مانحسبوا توا في الميلادي
و309 لو حسبناها بالأشهر القمرية زي مانحسبوا في رمضان وشوال وغيره
ولأن في كل 100 سنة شمسية تزيد 3 سنين قمرية كانت 300 وازدادوا تسـعة 💙
لما رقدوا السنين هذه كلها ربي يبي يحفظ أجسادهم من التحلل ومن كل شي
كيف ؟
الشمس ماكانتش تخش للكهف مبـاشرة لا ! كانت لما تشرق الشمس تمشي شوية يمين ولما تغرب تمشي شوية يسـار مش ما اضرهمش ( وترى الشمس إذا طلعت تزّاور عن كهفهم ذات اليمين وإذا غربت تقرضهم ذات الشمال وهم في فجوةٍ منه ) 💜
في فجوة ؟ يعني فتحة واسعة مش يخشلهم الهواء النظيف والنسمـة منه .
باهي لو قعدوا راقدين طول الوقت وعيونهم مغمضة حتتأثر عيونهم فقعدت مفتوحة كأنهم فايقين ( وتحسبهم أيقاظًا وهم رقود )
باهي لو قعدوا راقدين على ظهورهم حيصريلهم قرحة الفراش، ريتوا حتى لما حد يكون مشلول يجو الممرضات يبدو يحركوا فيه شوية شوية مش ماتصيرلاش القرحة
وبرضو هكي صار معاهم ( ونقلبهم ذات اليمين وذات الشمـال )
بعدين ربي قال ( وكلبهم باسطٌ ذراعيه بالوصيد ) يعني راقد في الفم معاهم
الكلب انذكر أربعة مرات في السورة هذه كرامة ليه لأنه صاحب الصالحين
شفتوا قداش ترفعنا صحبتهم ؟ 💚
باهي 300 سنة ماشافهم حد ؟
( لو اطلعت عليهم لولّيت منهم فرارًا ولملئت منهم رعبًا )
أيّ حد شافهم كان حيخاف ويهرب ومن شدّة الخوف مش حيقدر يقول لحد عليهم ولا يمسهم !
باهي لما ناضوا شن صار فيهم ؟
واحد منهم سأل قداش لينا راقدين
فواحد رد ( لبثنا يومًا ) وثاني قال ( أو بعض يوم ) يعني نص يوم مش كامل
ولأنهم صالحين ماعطلوش في الجدال على موضوع مايستاهلش بل أنهو النقاش بقولهم ( ربّكم أعلم بما لبثتم )
خلاص ربي العالم علاش نضيعوا في وقت ونتجادلوا ؟ ياريتنا نقتدوا بيهم !
كان عندهم شوية فلوس فضة ( ورق ) فقالوا لواحد منهم يطلع يجيبلنا حاجة نأكلوها ويرد باله
لما وصل غادي والمكان متغير والنّاس متغيره عاد 300 سنة، طلع فلوسه بيخلص فقاله هذا شنو ومنين جبتهم ؟ وحكاله قصتهم وانتشر خبرهم في المدينة لين مشو للملك ووقتها كان ملك مسلم موحد فحكوله ومشي معاه لين وصل للكهف
وقبل مايخشو قاللهم خلوني نخش أني قبل مش ماينخلعوش أصحابي ونحكيلهم شن صاير برا
هو خش وربي قبض أرواحهم وماتوا !
اختلفوا شن يديروا فيهم، في اللي قال نسكروا عليهم الكهف وخلاص وفي اللي قال نبنوا فوقهم مسجد .
( إذ يتنازعون بينهم أمرهم فقالوا ابنوا عليهم بنيانًا ربّهم أعلم بهم قال الذين غلبوا على أمرهم لنتخذن عليهم مسجدًا )
وهذه كانت قصتهم وربي جعلها آية لقريش ودليل نبوته صلى الله عليه وسلم .
( أم حسبت أن أصحاب الكهف والرّقيم كانوا من آياتنًا عجبًا ) .
تعالو نحكو عليها
هاذو ياحنة قريـش زمان يبو يتحدو نبينا عليه الصلاة والسلام فمشو لليهـود بحكم أنهم أهل الكتاب وعندهم معلومات عن خاتم الأنبياء وقالولهم اعطونا أسئلة نسألوها ل مُحمـد لو جاوبها فهو نبي فعلًا ولو ما عرفش هكي نقدروا نكذبوه ونفضحوه !
والأسئلة كانت :
عن فتية ذهبوا في الدهر الأول ما كان أمرهم ؟ فإنه قد كان لهم حديث عجيب .
وعن رجل طواف قد بلغ مشارق الأرض ومغاربها . فما كان نبؤه ؟
وعن الروح ما هو ؟
فلما سألوا الرسول قالهم غدوه نعطيكم الإجابة وماقالش ( إن شاء الله )
وكان يستنى في الوحي ينزل يجاوبه ومايجاوبش وكل يوم يقوللهم غدوه ومايقولش ( إن شاء الله ) وهكذا لين بعد فترة نزلت سـورة الكهف ، وهذا علاش ربي نزل ( ولا تقولنّ لشيءٍ إني فاعلٌ ذلك غدًا إلّا أن يشـاء الله )
وفي بداية سورة الكهف كانت إجابة أول سؤال اللي سألوه قريش ل حبيبنا محمد 💚
هاذو كانت مجموعة ولاد صغيرين ( فتية = يعني عمرهم أقل من العشرين ) تقريبًا
كانوا عايشين في قرية الملك متاعهم كافر بالله ويعبد في الأصنام واللي تحته كلهم زيه
ورغم صغر سنهم طلعوا ونصحوا النّاس أنهم يعبدوا الله وحده لا شريك له
( إنهم فتيةٌ آمنوا بربهم وزدناهم هُدى وربطنا على قُلوبهم إذْ قاموا فقالوا ربّنا ربّ السموات والأرضِ لن ندعوا من دونِه إلاهًا لقد قلنا إذًا شططًا )
لما خدوا بالأسباب وآمنوا ربي زادهم هُدى
حتى أنتِ مايكفيش تقولي ياربّ اهديني وأنتِ ماغيرتيش من نفسك ") لازم تبادر وتغير من نفسك وربي ح يكون معاك زح يساعدك ويزيدك هدى انت بس انوي وابدا .
لما سمع الملك أمر بقتلهم فهما هربوا ومشو لكهف يتشاوروا فيما بينهم شن يديروا ؟ وطلبوا المعونة من رب العالمين
( إذْ أوى الفتية إلى الكهف فقالوا ربنّا آتنا من لدنك رحمةً وهيء لنا من أمرنا رشدًا )
ديما لما تتسكر في وجهك وتحصل ومعاش تعرف شن ادير استعين بالله هو المدبر سبحانه لكل شي 💚
ورقدوا واحد وراء الثاني ( فضربنا على اذانهم في الكهف سنين عددًا )
قداش سنة ؟
( ثلاثة مئةٍ سنين وازدادوا تسعًا ) علاش ربي قالها هكي وماقالش طول 309 سنين
قالك لأن الـ 300 لو حسبناها بالأشهر الشمسية زي مانحسبوا توا في الميلادي
و309 لو حسبناها بالأشهر القمرية زي مانحسبوا في رمضان وشوال وغيره
ولأن في كل 100 سنة شمسية تزيد 3 سنين قمرية كانت 300 وازدادوا تسـعة 💙
لما رقدوا السنين هذه كلها ربي يبي يحفظ أجسادهم من التحلل ومن كل شي
كيف ؟
الشمس ماكانتش تخش للكهف مبـاشرة لا ! كانت لما تشرق الشمس تمشي شوية يمين ولما تغرب تمشي شوية يسـار مش ما اضرهمش ( وترى الشمس إذا طلعت تزّاور عن كهفهم ذات اليمين وإذا غربت تقرضهم ذات الشمال وهم في فجوةٍ منه ) 💜
في فجوة ؟ يعني فتحة واسعة مش يخشلهم الهواء النظيف والنسمـة منه .
باهي لو قعدوا راقدين طول الوقت وعيونهم مغمضة حتتأثر عيونهم فقعدت مفتوحة كأنهم فايقين ( وتحسبهم أيقاظًا وهم رقود )
باهي لو قعدوا راقدين على ظهورهم حيصريلهم قرحة الفراش، ريتوا حتى لما حد يكون مشلول يجو الممرضات يبدو يحركوا فيه شوية شوية مش ماتصيرلاش القرحة
وبرضو هكي صار معاهم ( ونقلبهم ذات اليمين وذات الشمـال )
بعدين ربي قال ( وكلبهم باسطٌ ذراعيه بالوصيد ) يعني راقد في الفم معاهم
الكلب انذكر أربعة مرات في السورة هذه كرامة ليه لأنه صاحب الصالحين
شفتوا قداش ترفعنا صحبتهم ؟ 💚
باهي 300 سنة ماشافهم حد ؟
( لو اطلعت عليهم لولّيت منهم فرارًا ولملئت منهم رعبًا )
أيّ حد شافهم كان حيخاف ويهرب ومن شدّة الخوف مش حيقدر يقول لحد عليهم ولا يمسهم !
باهي لما ناضوا شن صار فيهم ؟
واحد منهم سأل قداش لينا راقدين
فواحد رد ( لبثنا يومًا ) وثاني قال ( أو بعض يوم ) يعني نص يوم مش كامل
ولأنهم صالحين ماعطلوش في الجدال على موضوع مايستاهلش بل أنهو النقاش بقولهم ( ربّكم أعلم بما لبثتم )
خلاص ربي العالم علاش نضيعوا في وقت ونتجادلوا ؟ ياريتنا نقتدوا بيهم !
كان عندهم شوية فلوس فضة ( ورق ) فقالوا لواحد منهم يطلع يجيبلنا حاجة نأكلوها ويرد باله
لما وصل غادي والمكان متغير والنّاس متغيره عاد 300 سنة، طلع فلوسه بيخلص فقاله هذا شنو ومنين جبتهم ؟ وحكاله قصتهم وانتشر خبرهم في المدينة لين مشو للملك ووقتها كان ملك مسلم موحد فحكوله ومشي معاه لين وصل للكهف
وقبل مايخشو قاللهم خلوني نخش أني قبل مش ماينخلعوش أصحابي ونحكيلهم شن صاير برا
هو خش وربي قبض أرواحهم وماتوا !
اختلفوا شن يديروا فيهم، في اللي قال نسكروا عليهم الكهف وخلاص وفي اللي قال نبنوا فوقهم مسجد .
( إذ يتنازعون بينهم أمرهم فقالوا ابنوا عليهم بنيانًا ربّهم أعلم بهم قال الذين غلبوا على أمرهم لنتخذن عليهم مسجدًا )
وهذه كانت قصتهم وربي جعلها آية لقريش ودليل نبوته صلى الله عليه وسلم .
( أم حسبت أن أصحاب الكهف والرّقيم كانوا من آياتنًا عجبًا ) .
- ١٩ رمضان ؛ 🧡
-اللهم لا تجعلني اضعف امام احد ربي اجعلني قوية و اواجه كل امرٍ بنفسي ، ربي اني اسالك عزة نفس لاتنحني الا امامك يارب العالمين.
-اللهم لا تجعلني اضعف امام احد ربي اجعلني قوية و اواجه كل امرٍ بنفسي ، ربي اني اسالك عزة نفس لاتنحني الا امامك يارب العالمين.
• عشوائيات :
إذا دخلتُم القلوب فأحسنوا سُكناها .
وﻻ تؤذي قلباً لم ترى منه اﻻ الجميل.