هلبا هادي هههههههههههههه تو بيزعلو

وهدا الي نبيه 😂😂😂😂😂💔كيبوب 😂😂😂

شن هيا هادي 😂 مفهمتكش 😂😂😂

‏سَيداويِك الله دَائمًا ، إِبتَعد عن شفَقة النَاس .💙

بوب كوري
كوريان بوب
ك بوب.

كيبوب هما الناس الي تحب الافلام الكورية وتسمع في اغاني كورية والخ 😂😂😂💔

منك نسمع 😂😂😂😂😂💔 نعرف الاوتاكو بس

اي وعندهم منتديات وقروبات والخ عالم تاني

اني اوتاكو

يا متع الرسوم 🌚🌈⚡️

😠😠معاش تقولي رصوم بلز

عيش حياتك على مبدأ " كل حاجة ممكن تتعوّض"، خسرت فرصة بيرزقك ربي افضل منها، خسرت شخص بيجي شخص ينسيك إياه، الحياة بسيطة لا تصعبّها على نفسك " 🙊💓

‏عند الحوار ..

لا ترفع صوتك بل ارفع مستوى كلماتك 💙

رفع الصوت عند الحوار يدل علي ان المتكلم عقله اجوف وبه نقص غير واثق من نفسه نفسيا هكذا يقال

#طرق_الطلبة_للقراية
1-النوعيه العاقله و الراكزة و هدوما قبل ما يقرو لازم وضروري انهم ما يضمو الدار و يعدلو الاضاءه(يحسسوك انهم بيصورو فيلم)و يقعمزو ع هديك الطاولة ويلبسو النظارة(يشبحو كويس ره خير مني ومنك لكن لازم يخشو ف برستيج القرايه) و ف جنبهم طاسة قهوة ولا عصير و طرف شوكلآطه و الشيت قدامهم ولابتوب جنبهم و يشدوها ماكله ف الشيتات لا رحمة لا شفقه و بكل امانه يعني كل بعد 4 ساعات قرايه يطلعو برا 5 دقائق يديرو شهيق و زفير و يرجعو
2-و طلبة ما يقدروش يقرو ف مكان واحد يعني تلقاه ماسك الشيت امتعه و شادها خريط مريط يقرا و هو يدور ف الحوش ف الدار تلقاه و ف الكوجينه تلقاه و كان القي باب الحوش مفتوح توقع تلقاه حتي عند الجيران و اكثر شخص متعب امه من تلميد الورق يلي يطيحو منه
3- و طلبة ماشيين ب فكرة"كل ما خربشت الشيت ب الخطاط الفسفوري كل ما زدت حفظت" هدوما تلقا عندهم جميع الوان و اشكال و انواع الخطاط الفسفوري و هدوما اول ما يفتحو الشيت يحطو جنبهم 3 ولا 4 خطاطات و يطيحو فيها ي معلم و اهم حاجة عندهم التنسيق يعني راس العنوان ب لون و التعريفات ب لون و الفقرات مهمة ب لون..ملآخير نهار كله يمشي وهما يخططو و ياريته حتي نافع
4-و طلبة قداش ما يعز عليهم العياط و القراية ب صوت عالي كآنهم من جماعة الاوبرا و كل شوي يدخل عليهم حد من عيلتهم يهزبهم و يقولولهم نقصو صوتكم رانا بنرقدو يا &*؟&*.. و هي ياريت جت ف الصوت بس هدوما بعد ما يتحمسو و ينسجمو ف القراية يبدو يشرحو ل روحهم و يسآلو و يجاوبو كآن ف حد معاهم و خليك عاد من تحريك يدين و كان نسو حاجه يبدو يهزبو ف روحهم و يخبطو و يتشقلبو
5- و طلبة "زعميتهم"يقرو مع اصحابهم "كان اولاد"بعد كل نص ساعة قراية يرتاحو 3 ساعات و يلعبو ع بلايستيشن ولا يقعدو يجبدو ف بنات الدفعة هديكا شكلها معجبه بيا و هديكا الاسبوع يلي فات قالتلي معليشي شوي خلي نخطم و شكلها انضربت فيا و دوه منحرفه فيش داعي انقولها "وكان بنات"لا نص ساعه قرايه لاشي اول ما يخشوالدار تبدا صفر الماكله بالقدوم اشكال و انواع كآنها "لمة نافس" و يبدو يصورو ف فناجين القهوة و الكيكة و تنزلهم صاحبة الحوش ع الفيس "وتشعر بالمحبة مع سوسو و فطومة و هديل كوين"و يختموها ب نظرة ع دولاب حوايج و يمشطو منها شي لبسه و يروحو
6-و طلبة عندهم هستيريا من الدوشه هدوما يشدو الشيت ف يدهم و يقعدو يقرو ب عيونهم بس لا تلقا عندهم لا بيرو لا قلم و شيتهم تخربيشه وحده ما تلقهاش فيه و كان صارت دوشه عاد ف الحوش و بدي الصوت العالي من العيله ف اول ح يوسع باله و يحاول يركز و كان زادو ع حدهم ح يفتح الدار و يمشي يتفجر فيهم و ف الاخير ح ياكل ع راسه و يسمع "مش كان مش قادر تقرا اتجي تفش غلك فينا..عنقابل بالطب يلي بتسكتنا ع خاطره" ف ح يرجع لداره متكنطي و يغم روحه و يرقد

😂😂😂😂😂😂😂😂😂😂😂

6 وشوية من جماعة الفسفوري 😂😂😂✌🏻

نوعيتي نقرا بالاغاني و بجنب خوتي ..منحبش نقعد في دار بروحي لازم دوشة بش نفهم بسرعة الهدوء منحباش😂