لا تنسوا الوتر ، ولا تنسونا من صالح دُعائكم

اول شي السلام عليكم
فيه بنات كثير من الي هنا سؤلوني وقالو وش رايك تنشرين عن الستر طبعآ فيه اسائلة كثيره جاتني بجابوها معكم بس اعطوني دقايق

طبعآ اول شي الستر؟
وش هو الستر تمام الستر مو بس قطعة قماش الستر حياء وأدب وخوف من الله واحفظي نفسك عن كل شي ما يرضي الله ولا تعطين أحد فرصة يتكلم عنك أو يعرف عنك شي ما يخصه ترى مو كل شي ينحكى ولا كل شي ينصور ولا كل أحد يستحق يشوف تفاصيل حياتك خليكِ مستورة بستر الله واحمديه على نعمة الستر وادعي دايم اللهم استرني في الدنيا والآخرة ولا تجعلني فتنة لأحد ولا تجعل أحدًا فتنة لي
ثاني شي والي استغربه من النساء او البنات يجون يسالون متى تحسين الوقت المناسب للبس العباءة او لبس النقاب او الحجاب....او....او...لكل بنت تسأل متى الوقت المناسب إني أتغطى؟ ما فيه وقت تقولين فيه خلاص إذا جاء بسويها لأن الطاعة ما تحتاج ننتظر لين نحس إننا جاهزين لها إذا عرفتي الحكم واقتنعتي فيه فبادري ولا تقولين أنا صغيرة أو بعدين أو إذا كبرت لأن العمر ما نضمنه واللي تقدرين تسوينه اليوم لا تأجلينه لبكره والله إن أجمل قرار تتخذه البنت إنها تختار رضا ربها فوق كل شي تحديدآ...معليش اذا يعني بتكون الكلمه عليكم حساسه بس هو الستر واجب اذا بلغتي تمام؟تمام
ثالث سوال العبايه وكشف اليد يا بنات لا تستهينون بموضوع العباية وكشف اليد وتقولين كل البنات يسوونه أو عادي ما دام وجهي مغطى ترى الستر مو على كيف الناس ولا على عاداتهم والواحدة إذا بغت رضا الله تحاول تتأكد من حكم الشي وتسأل أهل العلم الموثوقين وتبتعد عن اللي فيه شبهة لأننا بالنهاية ما نلبس ونغطي عشان كلام الناس نلبس ونغطي طاعة لله وطلبًا لرضاه الله يثبتنا وإياكم على الستر والعفاف ويكتب لنا الأجر على كل خطوة نخطوها في طاعته
هذي الاسئله الي جاتني بضيف عني انا نصيحه
وبالنسبة للعباية مو كل عباية تعتبر ستر فالعباية المقصودة للستر تكون ساترة وواسعة وما تكون شفافة أو ضيقة أو ملفتة للزينة أما العباية اللي تصف الجسم أو تكون فيها زينة ولفت للأنظار فهذي ما تحقق المقصود من الستر فالموضوع مو مجرد اسم عباية الموضوع وش تحقق من ستر وعفة وبالأخير يا بنات لا تخلون كلام الناس أقوى من رغبتكم في رضا الله وكل خطوة تقربكم من الستر والطاعة هي خطوة تستاهل إنكم تتمسكون فيها لا تقولين بكرة ولا إذا كبرت ولا إذا صرت مستعدة يمكن أجمل بداية تكون اليوم والله يثبتنا ويسترنا ويجعلنا ممن إذا عرف الحق اتبعه

طيب يا جود فين الدليل؟
اصبرو ولا تستعجلو هذي هي الادله
قال الله تعالى ﴿وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا﴾ وقال سبحانه ﴿يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ﴾ وقالت أم عطية رضي الله عنها إن النبي ﷺ قال «لِتُلْبِسْهَا أُخْتُهَا مِنْ جِلْبَابِهَا» رواه البخاري ومسلم فالمرأة إذا خرجت تحرص على الستر والبعد عن إظهار الزينة واللباس يكون ساترًا واسعًا غير شفاف ولا ضيق وأما تغطية الوجه والكفين ففيها خلاف معروف بين أهل العلم فلا ننسب للنبي ﷺ حكمًا لم يرد عنه بنص صحيح والله أعلم

وأنتم يا رجال لا تنسون إن الستر والطاعة مو بس على النساء ومن الأشياء اللي ننتبه لها الإسبال قال النبي ﷺ «ما أسفل من الكعبين من الإزار ففي النار» رواه البخاري فانتبهوا لثيابكم ولا تستهينون بالموضوع واحرصوا على اتباع السنة وترك ما نهى عنه الشرع والله يرزقنا جميعًا الهداية والثبات

بس هذي الاسئله الي جاتني ولا جاتني اسائله كذا باذن الله بجاوب عليها زي كذا

انشروها جزاكم الله خير

تبون استمر على كذا؟

اللهم إني تعبت وأنت أعلم بتعبي فاجبر قلبي ووسع صدري وريح بالي اللهم عوضني عن كل شيء أوجعني وبدل حزني فرحًا وضِيقي راحة اللهم اجعل القادم أجمل وأخف على قلبي وارزقني طمأنينة ما بعدها خوف وراحة ما بعدها تعب يا رب

‏قال ابن عثيمين - رحمـه الله - :

« إن إطالة الدعاء
تدل على محبة الداعي؛
لأن الإنسان إذا أحب شيئًا؛
أحبَّ طول مناجاته ».

الوتر، آتاكم الله سؤلكم.

قاوَم نومك عشان ركعتِين
تنجيك بالدُنيا والاخره
- صلاه الفجَر يا عباد الله

دعواتكم لجدتي بالشفاء

ادعمو قناتها تجنن

صبر اعطيكم رابط القناة