ШЕЪРИЯТ

ЯХШИ КЎРAМИЗ

Гоҳ иғво тарқатар ўргимчак тўри,
Огоҳ бўлиш керак, яхши биламиз!
Расулга эргашиш йўлларнинг зўри,
Aҳли илмларни яхши кўрамиз!

Чидаган юради, бу йўллар олис,
Ҳар кимдан чиқмайди, Расулга ворис,
Ҳақни ўргатади халқ ичра холис,
Aҳли илмларни яхши кўрамиз!

Aйримлар "ҳақман" дер, қўлида таёқ,
Бундайлар исломга бўлолмас маёқ,
Ватанини сотиб, юрмайди саёқ,
Aҳли илмларни яхши кўрамиз!

Гоҳо юрагини қийнаса-да ғам,
Очиқ чеҳрасида табассум ҳар дам,
Исломни хулқида қилиб олган жам,
Aҳли илмларни яхши кўрамиз!

Гоҳ иғво тарқатар ўргимчак тўри,
Расулга эргашиш йўлларнинг зўри,
Йўлдан адаштирма, борайлик тўғри,
Aҳли илмларни яхши кўрамиз!

© Нурмуҳаммад Хўжа



https://t.me/Ramazon

КУН_ҲИКМАТИ

Илмдан бир шуъла дилга тушган он, шундан билурсанким илм бепоён.

© Абулқосим Фирдавсий


https://t.me/Ramazon

#ШЕЪРИЯТ

ЧЎЛПОН НИДОСИ

Осмонга термулиб, ерга эгилдим,
Мен шундай туғилдим, шундай ўламан.
Хазон баргларидек унсиз тўкилдим,
Энди не фарқи бор нима бўламан.

Гулларни суйишни эплай олмадим,
Юрагим ҳижронга эгизак ўсди.
Келмади дунёда балки омадим,
Эҳтимол олинди бобомнинг қасди.

Баҳор деган фасл кеинчак эмас,
Мен сира кўнмадим бу ўтирикка.
Орзулар бошлиғи неларни демас,
Кирмадим бу поён билмас кўрикка.

Мени кўндиролмай чарчади ҳаёт
Ўзининг не латиф жилваларига.
Қалбим ичкариси ҳаловатга ёт,
Жўшиб кетган ҳажр ғалваларига.

Насиҳат истамас қайсар нигоҳим,
Даҳр кемасида эшкагим - иймон.
Мени кузатмоқда, ахир, Аллоҳим,
Қўрқита оларми тўрттала томон?!

Саболар, тинглангиз, кўнглим оҳини,
Узатинг энг сара яллоларига.
Кўзларим ичига ботган қайғуни
Алишмам дунёнинг тиллоларига.

...Мен шундай туғилдим, шундай ўламан!

© Хайрулла Ҳамидов

https://t.me/Ramazon

chin shoyirlar bari otilgan
qolganlari bari sotilagan (G‘ G‘)
rost sòzim shu barchasi qo‘rqoq
òzim kimman so‘ramang biroq
Men kimligim aytmayman zinhor
Zamon nozik bola chaqam bor😊

Insonlar adminni qanday tasavvur qilishadi?

Hech qanaqa his-tuygʻularga ega boʻlmagan maʼlumotlar baʼzasi.

Umuman ishi yoʻq internetda oʻtiradigan shaxs.

Ular ham mehnat qilishadi odamlarga sifatli maʼlumot yetkazish uchun izlanishadi. Boringki, oxiri evaziga negativ olishadi.

Umuman postga aloqasi boʻlmagan commentlar, tanishuv chatlari, admin ustidan hukmronlik va oʻz gapini oʻtkazish.

Kechirasiz, adminlarda ham his-tuygʻular, muammolar va ishlar bor. Sabrni kosasi toʻladi. Aslida bunga javob yozish ham kerakmasdir.

Eplagan qilsin bu ishni dersiz, lekin har qanday odam chegaralari buzilsa reaksiya bildiradi.

Biz qachon xursand boʻlamiz, berayotgan maʼlumotlarimiz insonlarga manfaatli boʻlsa, bu nimanidir oʻzgartirishga yordam bersa. Bizga boshqa manfaat yoʻq. Bu maʼlumotlarni kimgadir taqdim etmasdan turib ham oʻrganish mumkin edi. Ammo sogʻlom fikrlar almashinuvi yana ham rivojlanishga yordam beradi.

Gap bitta inson haqida ketmayabdi ayrim vaziyatlarda kimdir oxirgi nuqta boʻlib ham xizmat qiladi.

ҲАДИС

Абу Барза ал-Асламий розияллоҳу анҳудан ривоят қилинади:

“Расулуллоҳ соллаллоҳу алайҳи васаллам:
“Эй тили билан иймон келтириб, қалбига иймон кирмаганлар жамоаси! Мусулмонларни ғийбат қилманглар ва уларнинг айбларини ахтарманглар! Ким уларнинг айбини ахтарса, Аллоҳнинг Ўзи унинг айбларини ахтаради. Аллоҳ кимнинг айбларини ахтарса, уни уйининг ичида шарманда қилади”, дедилар”.

Абу Довуд ва Термизий ривоят қилишган.


https://t.me/Ramazon

shukr_qiling!

Ота-онангизни соғинсангиз уйга борасиз..
Кимдирлар эса қабристонга боради.!

https://t.me/Ramazon

Бизлардан не қолур, савоб ва гуноҳ,
Бир кун омонатин олади Aллоҳ.
Дўстлар унутмайлик бир ҳақиқатни,
Барчамиз борар жой бир ҳовуч тупроқ..

https://t.me/Ramazon

Бас қил, эй нафс !
Етар энди,
жаннатга қандай кириш ҳақида ҳам ўйла... 😢

https://t.me/Ramazon

📝Доимо яхши гумонда бўлинг.

Бир аёл деди:
«Худо хоҳласа, мен албатта солиҳ инсонга турмушга чиқаман! У билан бахтли ҳаёт кечираман». Айтгани бўлди.

Деди:
«Мен университетда ўқишга қабул қилинишимга ишонаман ва шунга интиламан! Ўзим истаган мутахассисликга кираман!». Айтгани бўлди.

Унга дедилар:
«Етар шунча туққанинг! Болалар чарчатишдан бошқасига ярашмайди».
Деди:
«Аллоҳ ёрдам беради. Фарзандаларим қобил, кўзимнинг қувончи бўлишади». Айтгани бўлди.

Эри катта туҳматга қолиб қамалди. Дедилар:
«Эринг туҳматга қолиб қамалди. Яқин орада чиқмаса керак. Унинг фақат ўлиги чиқади».
Деди:
«Йўқ, Худо хоҳласа, албатта чиқадилар. Мен уларни жуда ҳам чиройли кутиб оламан». Айтгани бўлди. Эрининг қандай чиққани ҳаммани ҳайратда қолдирди.

Бир киши деди:
«Мен ишдан ҳайдалишдан қўрқаман. Шунинг учун ишсиз қоладиган кунларимга ҳам пул йиғмоғим керак!» Айтгани бўлди. Ишдан бўшатилди.

Нимага бизнинг айтганларимиз рўёбга чиқади?

Чунки Аллоҳ таоло: «Бандам Мени қандай ўйласа, шундайман!» дейди. Агар Аллоҳ ҳақида чиройли гумон қилса, ўзига яхши. Ёмон ўйласа, ўзига ёмон.

Шунинг учун ҳам Мусо алайҳиссалом Нил дарёсига келиб, қочишга йўл қолмаганда ҳам Роббилари ҳақида чиройли гумон қилдилар. Қавмлари: «Энди қўлга тушдик» дейишса ҳам, улар: «Йўқ! Албатта, Роббим мен билан, У менга тўғри йўлни кўрсатур» дедилар. Аллоҳ уларнинг айтганларини рўёбга чиқарди. Ақл бовар қилмас ҳолда дарё қоқ иккига бўлинди. Йўл очилди.

Ҳатто арзимас нарсалар ҳақида гапириш, ўйлашда ҳам диққат қилинг!

Доим некбин (оптимист) бўлинг! Аллоҳ ҳақида чиройли гумон қилинг! У - КАРИМ, РОҲИМ!

Ёмонлик ҳақида ўйламанг! Агар қийин вазиятга тушиб қолсангиз, Мусо алайҳиссалом айтганларидек:

У (Мусо) «Йўқ! Албатта, Роббим Албатта, Роббим мен билан, У менга тўғри йўлни кўрсатур», деди,  деб айтинг

Манба:BintuSodiq


https://t.me/Ramazon

Subhan Alloh😍


https://t.me/Ramazon

🌸🌸🌸🌸🌸🌸🌸🌸🌸🌸🌸🌸🌸

🌸 Eng zorlari bizdaa👇👇👇



https://t.me/Ramazon

Дунёни қизғанма мендан, азизим,
Мен сенинг кўчангдан ўтмасман зинҳор.
Менинг бу оламда ўз айтар сўзим
Ва ўзим сиғинар мозорларим бор.

Дунёни қизғанма мендан, азизим,
Сен ичган булоқдан ичмасман асло.
Сен юрган тоғларда қолмагай изим,
Сен кечган дарёдан кечмасман асло.

Дунёни қизғанма мендан, азизим,
Қалбингни ёқмасин шубҳа ва сўроқ,
Мен ўзга манзилга тикканман кўзим,
У сенинг кулбангдан жуда ҳам йироқ.

✍️Абдулла Орипов.

https://t.me/Ramazon

🌸🌿🌸🌿🌸🌿🌸🌿🌸🌿🌸🌿🌸🌿

🌸 Eng zorlari bizdaa👇👇👇

🍃🌼 https://t.me/Ramazon