ممكن تبقى غير مريح والتواجد معاك مزعج رغم إنك صوّام قوّام مصّلي تحفظ من القرآن ولك نصيب من الذكر و عفيف المظهر وأمين ومتقّن وتقيّ ...

غير مريح لأنك كثير النقد
أو بتتحشر طول الوقت فيما لا يعنيك
أو مستفز قليل الذكاء العاطفي وبتعمل مشاكل ومابتعرفش تميّز تقول ايه وامتى و سليط اللسان
أو perfectionist ومفتقد للمرونة وعاوز كل حاجه تمشي بمعاييرك أنت بس و بتقرف كل اللي حواليك و فاقد الجزء الإنساني .. و غيره من الصفات المنفرة.

فالعبادات وحدها لا تكفي عشان تخليك إنسان محبوب والناس تحب تتعامل معاك.
العبادات لا تشفع للصفات السيئة عند الناس.

الشيطان رجع بقوه على فكره وأغلبنا حاسس بـ ده !
لخبطه في مواعيد النوم والفجر ماتلحقش تصليه وكأن حد بيديك منوم عشان ماتصحاش والسنن مابنركزش أوي خلاص فيها وقراءه القرآن غالبا خلصت ..
ف في دعاء جميل هتلاقوا أثره طيب إن شاء الله دايما رددوه وحاولوا تنتظموا عليه :
{اللهم أعذني من الشيطان ، اللهم أجرني من الشيطان ، اللهم أعني على ذكرك وشكرك وحسن عبادتك ، اللهم احفظني من مكائد الشيطان.}

سامحونا لو بننشر كلمات دينيه وأخلاقيه أفضل من أخلاقنا وأحسن من تصرفاتنا فلو أستسلمنا للشيطان بأننا غير أهل لده بداعي إننا مقصرون فلن تبلغ آيه ولا دعوه خير ..

كلنا بنحاول وكلنا مقصرين لعلها المنجية و لعلها سبب في هداية غيرنا ولعلها تشفع لنا عند الله وربنا يجعل كل محاولاتنا في ميزان حسناتنا ..
كلنا عيوب لولا ستر الله علينا.

"لا تنام قبل ان تصلي القيام " يعني لو مش قادر تلتزم بقيام الليل خليهم ركعتين بعد العشاء

أو حتى قبل ما تنام المهم لو بتنام ومابتقدرش تصحى يبقى صلي ونام براحتك ..
لو عايز تبقى نشيط صلي قيام
عايز تتقرب من الله صلي قيام
عايز ماتتكتبش من الغافلين صلي قيام
عايز دعوتك تستجاب صلي قيام
ولا تنقطع

وفي الحديث أن رسول الله صلى الله عليه وسلم قال : «عليكم بقيام الليل ؛ فإنه دأب الصالحين قبلكم، وقُربة إلى ربكم، ومُكفرة للسيئات، ومَنهاة عن الإثم، ومَطردة للداء عن الجسد».

وفي الحديث  أنه صلى الله عليه وسلم قال : «.. فإن صلى انحلت عقَدُه فأصبح نشيطًا طيب النفس..».

قَالَ رَسُولُ اللَّهِ ﷺ: « يَا عَبْدَ اللَّهِ لا تكن مِثْلَ فُلانٍ : كانَ يَقُومُ اللَّيْلَ فَتَرَكَ قِيَامَ اللَّيْلِ » متفقٌ عليه.

دعواتكم بالثبات ..💜

الحمد لله الذي أعطاني ما تمنيت وإن كنت أنسى فضله حين يشتد الثقل عليّ.

الحمد لله الذي أعطاني ما أظن نفسي لا تسعه ولكنه يمر بفضله وكرمه.

الحمد لله الذي قدر الخير كله ظاهره وباطنه.

الحمد لله أنه الله ربنا.

لا أملك في قلبي رجاء حقيقيا سوى أن يغسل الله شوائب تلك الأيام من عمري، أن أعوض بقدر كل ما هو صعب تعايشت معه، أن أُجبر كما لو أن الحزن لم يكسرني أبدًا.

لو قال الإنسان كل يوم : (أستودع الله الذي لا تضيع ودائعه .. نفسي وأمانتي وخواتيم أعمالي وبيتي وأهلي وأحبتي ومالي وجميع ما أنعم الله به علي ..)
لحفظ الله له كل ذلك.

الحمد لله الذي أذن لنا بيوم جديد لنعبده ونشكره ونتوب إليه. 💜

مهما حصل الـ٧ أذكار دول أعظم وأهم الأذكار لتحصين المسلم من شرور الإنس والجن والحسد
بس نحافظ عليهم صباحا ومساءا

صباحا يعني من الفجر للظهر، ومساءا من العصر للمغرب

١- بِسمِ اللَّهِ الَّذِي لَا يَضُرُّ مَع اسمِهِ شَيءٌ
في الأرضِ وَلَا في السَّمَاء وَهُو السَّمِيعُ العَلِيم
(ثلاث مرات)

‏٢- أَعوذ بِكَلماتِ اللَّهِ التَّامَّاتِ مِن شَرِّ ما خَلَق
(ثلاث مرّات)

٣- تَحصنّت بذِي العِزّة والجَبروت واعتصمت بِربّ المَلكوت
وَتوكلّت على الحَيّ الذي لا يموت
اِصرف عنّا الأذي، إنّك على كُلّ شيءٍ قَدير
(ثلاث مرّات)

٤- اللَّهُمّ عَافِني فِي بَدَنِي اللَّهُمَّ عَافِني فِي سَمعي
اللَّهُمَّ عَافِني فِي بَصَري، لَا إِلَه إِلَّا أنت
اللَّهُمَّ إِنِّي أَعُوذُ بِكَ مِنَ الكُفر وَالفَقر
وَأَعُوذُ بِكَ مِن عَذَابِ القَبرِ، لَا إِلَه إِلَّا أنت
(ثلاث مرّات)

٥- اللَّهُمَّ إِنِّي أَعُوذُ بِكَ مِنَ الهَمِّ وَالحَزَن وَالعَجزِ وَالكَسَل
وَالبُخل وَالجُبن وَغَلبة الدَّين وَقَهر الرِّجَال
(ثلاث مرّات)

٦- الفاتحة + سورة الإخلاص + سورة الفَلَق + سورة الناس
(ثلاث مرّات)

٧- آية الكُرسيّ + أخر آيتين في سورة البقرة
(مرّة واحدة)

ربنا يحفظنا جميعا ويجعله في ميزان حسناتنا.

اللهم ارزقني رزقا لا يُطغيني.

مش قادره اتخيل شعوري لما ربنا يستجيب دعواتي والاقيها خير لقلبي وكانت تستحق فعلا كل الدعوات ديه
وكل الإلحاح ده، هي أمنيه يا رب لو اتحققت كل جزء بي سيبكي من شدة الفرح والله، يا رب السنه الجايه اكتب إن أخيرا فاز قلبي بكل ما يتمناه والآن أنا من المجبورين.

يا رب يا كريم.
يا رب يا لطيف.

أنت تُثاب على كذب الناس عليك وعلى مكرهم وعلى غدرهم وعلى غيبتهم لك .. تُثاب لو لقيت الناس بقلب سليم وهم ملاقوك بقلب سقيم .. تُثاب وأنت حسن النية مقابل خبث نواياهم ، ينظرون إليك بعين الحسد وأنت تدعو لهم بالبركة ..

قال رسول الله -صلى الله عليه وسلم-: "المؤمنُ الذي يخالط الناس ويصبر على أذاهم خير من الذي لا يُخالط الناس ولا يصبر على أذاهم."..

والدين المعاملة.

ربنا سبحانه وتعالى تدبيره عجيب فعلا يوديك مكان تتعلم فيه عشان تجهز لمكان غيره يوديك مكان صدفه من غير تخطيط فتقابل شريك حياتك يوديك مكان كويس تقابل فيه مدير يعلمك بضمير يجهزك بعد كده إنك تترقى وتكبر يوديك مكان يعلمك فيه درس يخليك تبقى ناضج أكتر .. مفيش حاجه صدفه ، كله تدابير ربنا خير ليك .. حتى لو مش مبسوط دلوقتي في مكانك أعرف إنها فتره وربنا بعد كده هيراضيك. 💜