الوقت اللي أنت بتعيشه في الصبر مش وقت ضايع أبدا.
جهادك إنك تتقبّل وضع صعب عليك برضا وقلب مطمئن، وصبرك في انتظار العوض من ربنا مش وقت ضايع أبدا.
الوقت اللي أنت بتحاول فيه تظهر بأفضل حالة نفسية عكس اللي أنت حاسس بيه من جواك وبتصبّر نفسك وتأكدلها إن الجاي مليان أيام حلوه مش وقت ضايع أبدا.
الوقت اللي أنت بتشتغل فيه على نفسك عشان تطلع أحسن نسخه منها مش وقت ضايع أبدا.
خليك متأكد إن مفيش وقت بتحتسبه عند ربنا وبيضيع، لأ ده انت ربنا هيجازيك عليه بأحسن مما تتخيل وأعظم من صبرك كمان !

ركّز في الآية دي كويس جدًا :
(وَلَنَجْزَيَنَّ الَّذين صَبَرُوا أجْرَهُم بِأحْسَن مَا كَانُوا يَعْمَلُون)

و إن طريق الله يُقطع بالقلوب الصافيات العابدة ، فكن تقيا تصل. 💜

قرأت في معاني اسم الله الجبار ، أنه يغير كل نواميس الكون ليجبر كسر قلبك.
وهذا يعني أن المستحيلات كلها تتغير بلحظة لشيء هين ؛ فالنار لا بد أن تحرق وجعلها الله بردا وسلاما على إبراهيم، والبحر لا بد أن يُغرق وقد نجى الله موسى منه !
هكذا هي ألطاف الله دائما إذا علم القلب يقين القدرة. 💜

.

- هل عدم استجابه الدعوه ممكن يكون سببها ذنوبي ولو بسيطه .. أنا دائمه الاستغفار بس بذنب بردو ، وهل عدم التوفيق في كتير أو سوء الحظ ممكن يكون لكده بردو ؟!

_ ج/ جائز، وقد يكون ذلك حُبا من الله للعبد، فإن الله يعلم وأنتم لا تعلمون، ومن عجائب اللطف الإلهي أن الله يحجب الإنسان عن طلبته لأن فيها هلاكه وضره وهو لا يدري، لذلك يقول سبحانه : "ولو بسط الله الرزق لعباده لبغوا في الأرض ولكن يُنزِّل بقَدَر ما يشاء إنه بعباده خبير بصير"
، فهو جل وعلا بي وبكِ وبجميع عباده خبير بصير.
ولذلك جاء عن بعضهم أنه قال : "إني لأسأل الله المسألة، فإذا أعطانيها حمدته مرة، وإن حجبها حمدته عشر مرات لأن الأولى اختياري لنفسي، والثانية اختيار الله لي."، واختيار المحبوب أحب إلى نفس الحبيب مما سواه ..
وقد يكون ذلك لسنة الله في الأرض، فلو أجاب الله سؤال كل سائل لفسدت الأرض وفقا لقوانين الأرض وناموسها، فالأرض ليست الجنة، وكيف سيشعر المرء بلذة الجنة إن لم يذق حرمان الدنيا !
الشيخ كريم حلمي.

المؤمن مختلف و نفسيته بتكون أقوى طول ما هو معتمد بكل يقينه على الله الصمد في جميع جوانب الحياة ،
فلما تحط معنى للألم و لكل حاجه صعبه بتقابلك هتلاقي الموضوع أهون كتير ،
و الإنسان عموما ماعندهوش مشكله في التألم لكن الأهم هو إنه يحاول يذكر لنفسه سبب للتألم ده مع كل مشكله هتقابله ..
بمعنى إنك ممكن تروح الچيم و تشيل حديد كل يوم و تكون تعبان فعلا وعضلاتك بتوجعك لكنك رابط ده بسعادتك بعدين إنه هيكون فيه فورمه و هتوصل للشيب اللي عايزه و هكذا ..
في حين إن لو حد في الشارع مثلا جه يقولك تعالى شيل الطوبه التقيله ديه هتقول لأ ومش هترضى تشيلها وهتخاف على نفسك ، لكن لما عقلك استوعب السبب ورا ألمك ده خلاك عندك طاقه أكتر و تصبر على نفسك بشكل أفضل
فـ معنى للألم هنا مش شرط معناه إنك تفهم الحكمه من اللي هيحصلك ، هو كفايه إنك تكون عارف ومتوكل على القرار الإلهي اللي حصل و بكل صدق متأكد إن ده خير و تنوي إنك هتحاول تاني و تدعي ربنا بكل ثقه و أصدق الله يَصْدقك ، وطول ما أنت مستحضر معيه الله هتلاقي نفسك والله بتبذل مجهود في الوقت العادي ماكنتش هتقدر تبذله أبدا.

سبع دعوات أجابها الله تعالى لموسى دفعة واحدة:
"قَالَ رَبِّ اشْرَحْ لِي صَدْرِي
وَيَسِّرْ لِي أَمْرِي
وَاحْلُلْ عُقْدَةً مِّن لِّسَانِي
يَفْقَهُوا قَوْلِي
وَاجْعَل لِّي وَزِيرًا مِّنْ أَهْلِي
هَارُونَ أَخِي
اشْدُدْ بِهِ أَزْرِي
وَأَشْرِكْهُ فِي أَمْرِي
كَيْ نُسَبِّحَكَ كَثِيرًا وَنَذْكُرَكَ كَثِيرًا إِنَّكَ كُنتَ بِنَا بَصِيرًا"

فجاءته الإجابة:
"قاَلَ قَدْ أُوتِيتَ سُؤْلَكَ يامُوسَى ولَقدْ منَنَّا عَلَيْكَ مَرَّةً أُخْرَى"

.

الحمد لله بجد على نعمه المشاكل العاديه.

ممكن تبقى غير مريح والتواجد معاك مزعج رغم إنك صوّام قوّام مصّلي تحفظ من القرآن ولك نصيب من الذكر و عفيف المظهر وأمين ومتقّن وتقيّ ...

غير مريح لأنك كثير النقد
أو بتتحشر طول الوقت فيما لا يعنيك
أو مستفز قليل الذكاء العاطفي وبتعمل مشاكل ومابتعرفش تميّز تقول ايه وامتى و سليط اللسان
أو perfectionist ومفتقد للمرونة وعاوز كل حاجه تمشي بمعاييرك أنت بس و بتقرف كل اللي حواليك و فاقد الجزء الإنساني .. و غيره من الصفات المنفرة.

فالعبادات وحدها لا تكفي عشان تخليك إنسان محبوب والناس تحب تتعامل معاك.
العبادات لا تشفع للصفات السيئة عند الناس.

الشيطان رجع بقوه على فكره وأغلبنا حاسس بـ ده !
لخبطه في مواعيد النوم والفجر ماتلحقش تصليه وكأن حد بيديك منوم عشان ماتصحاش والسنن مابنركزش أوي خلاص فيها وقراءه القرآن غالبا خلصت ..
ف في دعاء جميل هتلاقوا أثره طيب إن شاء الله دايما رددوه وحاولوا تنتظموا عليه :
{اللهم أعذني من الشيطان ، اللهم أجرني من الشيطان ، اللهم أعني على ذكرك وشكرك وحسن عبادتك ، اللهم احفظني من مكائد الشيطان.}

سامحونا لو بننشر كلمات دينيه وأخلاقيه أفضل من أخلاقنا وأحسن من تصرفاتنا فلو أستسلمنا للشيطان بأننا غير أهل لده بداعي إننا مقصرون فلن تبلغ آيه ولا دعوه خير ..

كلنا بنحاول وكلنا مقصرين لعلها المنجية و لعلها سبب في هداية غيرنا ولعلها تشفع لنا عند الله وربنا يجعل كل محاولاتنا في ميزان حسناتنا ..
كلنا عيوب لولا ستر الله علينا.

"لا تنام قبل ان تصلي القيام " يعني لو مش قادر تلتزم بقيام الليل خليهم ركعتين بعد العشاء

أو حتى قبل ما تنام المهم لو بتنام ومابتقدرش تصحى يبقى صلي ونام براحتك ..
لو عايز تبقى نشيط صلي قيام
عايز تتقرب من الله صلي قيام
عايز ماتتكتبش من الغافلين صلي قيام
عايز دعوتك تستجاب صلي قيام
ولا تنقطع

وفي الحديث أن رسول الله صلى الله عليه وسلم قال : «عليكم بقيام الليل ؛ فإنه دأب الصالحين قبلكم، وقُربة إلى ربكم، ومُكفرة للسيئات، ومَنهاة عن الإثم، ومَطردة للداء عن الجسد».

وفي الحديث  أنه صلى الله عليه وسلم قال : «.. فإن صلى انحلت عقَدُه فأصبح نشيطًا طيب النفس..».

قَالَ رَسُولُ اللَّهِ ﷺ: « يَا عَبْدَ اللَّهِ لا تكن مِثْلَ فُلانٍ : كانَ يَقُومُ اللَّيْلَ فَتَرَكَ قِيَامَ اللَّيْلِ » متفقٌ عليه.

دعواتكم بالثبات ..💜