كل ما تلاقي الذنب ماسك فيك، مكتفك، مستحوذ عليك ومش عارف تفك من سيطرته، اوعى تفكر في الذنب لأنه هيتملكك أكتر.
خد قرار إنك تزاحم الذنب بالحسنات، اتنفس هوا نضيف بين صفحات القرآن، في سجدة تستجير بالله من سوء نفسك، بدموع التوبة والندم.
لا تيأس فإن مت فلتمت وأنت تجاهد الذنب مقبلا على طاعته غير مدبر.

"وَآخَرُونَ اعْتَرَفُوا بِذُنُوبِهِمْ خَلَطُوا عَمَلًا صَالِحًا وَآخَرَ سَيِّئًا عَسَى اللَّهُ أَنْ يَتُوبَ عَلَيْهِمْ ۚ إِنَّ اللَّهَ غَفُورٌ رَحِيمٌ."

‏لا شيء يمنحك السّكينة مثل أن تعيش لله وأن تمضي في طرقات الحياة متوكلا على الله .. فإن تعثّرت فحسبك أن الله يعلم محاولاتك
وإن أحرزت نجاحا كنت لله عبدا شكورا
فمن عاش على مراد الله أحاطه الله بمعيّته وفتح له أبواب التوفيق والبركات ثق بربك. 💜

"متى فتح الله لك باب الفهم في المنع ، صار المنع عين العطاء."
ربنا من كرمه و رحمته بينا منعه عننا عطاء ما احنا عايزينه هنكتشف بعدين بجد إنه فيه هلاك لينا.

نقاء قلبك هيبان مع أول تأنيب ضمير بيجيلك لو حسيت إنك زعلت حد ، ومع نغزة قلبك لو شوفت موقف فيه ضرر لحد ، بتبان بردو لما يصعب عليك غيرك وإنك تحط نفسك مكان الشخص اللي ادامك ، وعُمر الرحمه و الحنيه واللين ما يقللوا من شأنك ، العيب الحقيقي على الناس القاسيه اللي هيتكرهوا في الدنيا
ومش هيشوفوا راحه في أخرتهم.

في صحيح ابن حبان عن أبي هريرة ـ رضي الله عنه ـ عن النبي صلى الله عليه وسلم قال :
"من قال حين يأوي إلى فراشه : لا إله إلا الله وحده لا شريك له، له الملك وله الحمد وهو على كل شيء قدير، لا حول ولا قوة إلا بالله، سبحان الله، والحمد لله، ولا إله إلا الله، والله أكبر، غفر الله ذنوبه أو خطاياه وإن كان مثل زبد البحر."

لا تَسْتَعْجِلُوا بما لَمْ يعجِّله اللهُ لكُمْ فَاللهُ لا يُخلِفُ المِيْعَاد.

‏ربنا لما بيعوض بيعوض لدرجة تخليك خايف تكون مقصر في شكرك له، بيعوض لدرجة تخليك تزعل إنك في يوم من الأيام زعلت على حاجه راحت منك، هتكتشف إن الأبواب اللي إتقفلت في وشك اتقفلت عشان توصل لشئ أفضل.

‏"عوض الله اذا احل أنساك ما فقدت". 💜

الإنسان بيواسي نفسه دايما بإن الخيرة فيما اختاره الله وإنه مأجور على صبره وتحمله، مأجور على كتمانه ، مأجور على حزنه وقلة حيلته، مأجور على رضاه وتعامله مع ناس ماتمناهمش ومشيه في دروب وسكك صعبه لفتره طويله من حياته.
بنواسي نفسنا دايما بأن الله قدّر هذا والله كفيل به و واثقين إن ربنا هيعوضنا ويراضينا على ده كله في يوم. 💜

عبقرية دعوة "لا تكلني إلى نفسي طرفة عين." في إنك بتسلم وبكامل إرادتك كل اللي جاى في مستقبلك لـ ربنا .. اللي هو أنا ضعيف وعايز أمشي كل طرقي وأشوف كل تفاصيلي من خلال ربنا مش بحساباتي أنا ، اعتراف منك إنك راضي، ومتقبل، ومطمئن، ومصدق في بكره مادام كله بإيد ربنا وتحت رعايته ورحمته. 💜

الواحد قاعد يتطلع في مخيلته لأيام جميلة مليئة بالهناء والسرور والرغد والعيش الهادئ وتحقيق الأحلام ..
محسن الظن بربه وصابر حتى يمل الصبر منه.
مُتيقّن أن وما ذلك على الله بعزيز. 💜

الإنسان كل ما بيكبر كل ما يدرك إن نعم ربنا بتكون على هيئه إنه يرزقه الثبات و القدره على تجاوز الأوقات الصعبه و إن ده المهم لإن الحياة مش خاليه الضغوط المختلفه و الصدمات و الحزن ، لكن الأهم هو القدرة على إنه يبدأ من جديد من غير ما يكون موجوع بسبب لحظات فاتت وقلبه يكون هادي و بخير على رغم من كل ده.