ՀՀ իշխանությունները մինչև հիմա չեն պատասխանել Թուրքիայի նախագահի, այսպես կոչված, «Զանգեզուրի միջանցքի» մասին հայտարարությանը, և այդ լռությունը որոշ կասկածների տեղիք է տալիս, ասել է քաղաքագետ Բենիամին Մաթևոսյանը @ArmeniaSputnik–ի «Աբովյան Time» հաղորդաշարի եթերում։

Փորձագետի խոսքով` եթե հանկարծ Հայաստանի իշխանությունները ՌԴ սահմանապահներին խնդրեն հեռանալ Սյունիքից, ավելի կամրապնդվի այն համոզմունքը, որ 44-օրյա պատերազմը սկսվել է Արցախը հանձնելու և Ադրբեջանի համար արտատարածքային միջանցք բացելու համար։

«Եթե ոչնչացվի Հայաստանը Ռուսաստանին կապող հանգույցը, ապա գրեթե կզրոյացվի Մոսկվայի քաղաքական ազդեցությունը որոշակի գործընթացների վրա։ Արդյունքում Հայաստանը կհայտնվի ադրբեջանա-թուրքական աքցանում, առանց Իրանի հետ սահմանի, կփլուզվեն բոլոր ռազմական կապերը, իսկ տնտեսական ապաինտեգրումը կհասնի գագաթնակետին»։

⚡️Եղվարդ քաղաքի մոտակայքում, «Լճեր» կոչվող տարածքի մոտ ինքնաթիռ է վթարվել: Այս մասին ՆԳՆ–ին ահազանգել է մի քաղաքացի, @ArmeniaSputnik–ին հայտնեցին ՆԳՆ ոստիկանության մամուլի բաժնից։

✔️Պարզվել է, որ ըստ նախնական տվյալների վթարվել է ԱՆ-2 ինքնաթիռը, կա 2 զոհ։

Դեպքի վայրում աշխատանքը համակարգում է ՆԳՆ փրկարար ծառայության տնօրեն-ներքին գործերի նախարարի տեղակալի պարտականությունները ժամանակավոր կատարող, փ/ծ գնդապետ Եգոր Կարապետյանը։

@ArmeniaSputnik

❗️Վթարված ինքնաթիռն ուսումնամարզական ինքնաթիռ է. @ArmeniaSputnik–ին ասաց ՊՆ մամուլի խոսնակ Արամ Թորոսյան

Պաշտպանության նախարարությունը ցավակցում է զոհված օդաչուների ընտանիքի անդամներին, հարազատներին և ծառայակիցներին։

Ավտոբուսի վարորդը, որը ոչ պատշաճ վարք է դրսևորել ուղևորի նկատմամբ, իր սեփական դիմումի համաձայն կազատվի աշխատանքից, տեղեկացրել է Երևանի քաղաքապետի մամուլի քարտուղար Հայկ Կոստանյանը։

Համացանցում տարածված տեսանյութում երևում է, որ թիվ 3 երթուղու ավտոբուսի վարորդը, հայհոյելով, ջրի շիշը նետում է ուղևորի վրա։ Վարորդին դուր չի գալիս այն, որ ուղևորը, հեռախոսով նկարահանմանը զուգահեռ, բողոքում է տրանսպորտի ուշանալուց։

@ArmeniaSputnik