🟨 Ըստ ուկրաինական ԶԼՄ-ների՝ Կիևի մերձակա Պետրոպավլովսկայա Բորշչագովկա բնակավայրում զինված տղամարդիկ նկուղում շուրջ 40 մարդու են պահում։

▫️Ականատեսներից մեկի խոսքով՝ նրանք զորամասը լքած տղամարդիկ են։ Կան վիրավորներ։

🟨 Ազատության պողոտան և Հաղթանակի զբոսայգու գլխավոր մուտքը նոր լուսավորություն ու բարեկարգ տեսք են ստացել։

▫️Պողոտայի՝ զբոսայգու գլխավոր մուտքից մինչև Բաբայան փողոց հատվածում ապամոնտաժել ենք հին հենասյուները, մալուխային ցանցն անցկացրել ստորգետնյա խրամուղիներով և տեղադրել 22 նոր ցինկապատ հենասյուն ու 37 էներգախնայող LED լուսատու։

▫️Վերանորոգել ենք զբոսայգու գլխավոր մուտքի կամարն ու հարակից պատերը, որոնք առաջին անգամ են ստացել գեղարվեստական լուսավորություն։ Նոր լուսավորություն են ստացել նաև ստորգետնյա անցումը, կանգառասրահն ու Հեղափոխության 50-ամյակին նվիրված հուշարձանը։

Տիգրան Ավինյան

🟨 Նիկոլ Փաշինյանն աշխատանքային այցով մեկնել է Բրյուսել, որտեղ կմասնակցի Euronews հեռուստաընկերության կազմակերպած
«ԵՄ ընդլայնման գագաթնաժողով 2026»-ին:

Վարչապետի խոսնակ Մելանյա Հարությունյան

🟨 ՌԴ-ի, Ուկրաինայի և ԱՄՆ-ի միջև բանակցությունները տեղի կունենան նոյեմբերի 10-11-ին Աբու Դաբիում։

ԱՄՆ հատուկ բանագնաց Սթիվ Ուիթքոֆֆ

🟨 Առանձին շրջաններում սպասվում է անձրև:

Եղանակը Երևանում նոյեմբերի 3-ին՝

🌖 Ցերեկ +18 +20
🌗 Երեկո +12 +14
🌘 Գիշեր +6 +8

ՄԱՆՐԱՄԱՍՆԵՐ

🟨 Մենք 30 միլիարդ դոլար ծախսեցինք Իրանի հետ այս պատերազմի վրա։ Բայց դա չնչին գումար է։

Դոնալդ Թրամփ

ՄԱՆՐԱՄԱՍՆԵՐ

🟨 Երևանում շարունակվում է ճանապարհների միջին նորոգումը:

▫️Աշխատանքներն ընթացքում են Տիգրան Մեծի պողոտայում, Եղվարդի խճուղում, Խանջյան, Ագաթանգեղոսի և Գարեգին Նժդեհի փողոցներում։

▫️Իսկ Դերենիկ Դեմիրճյան, Տիգրան Պետրոսյան, Արամ Խաչատրյան և Վիկտոր Համբարձումյան փողոցներում դրանք արդեն ավարտվել են։

Երևանի քաղաքապետարան

🟨 ԻՀՊԿ-ն հայտնել է, որ Հորմուզի նեղուցի արևելյան հատվածում որսացել և ոչնչացրել է ամերիկյան MQ-9 ԱԹՍ։

ՄԱՆՐԱՄԱՍՆԵՐ

🟨 Երևանի քաղաքապետարանի զանգերի սպասարկման և աջակցման բաժնի 105 հեռախոսահամարն առաջացած տեխնիկական խնդրի պատճառով ներկա պահին չի սպասարկում։

Երևանի քաղաքապետարան

🟨 Կրիպտոարժույթի շուկայից թարմ տվյալներ։

▫️Bitcoin - 76 585 $
▫️Ethereum - 2 246 $

🟨 Երևանի քաղաքապետարանի զանգերի սպասարկման և աջակցման բաժնի 105 հեռախոսահամարն արդեն գործում է։

Երևանի քաղաքապետարան

🟨 Սահմանվել է արգելք ՌԴ-ից ԵԱՏՄ անդամ պետություններ՝ Հայաստան, Բելառուս, Ղազախստան ու Ղրղզստան, ինչպես նաև Ադրբեջան, Տաջիկստան և Ուզբեկստան ՌԴ կանխիկ արժույթի արտահանում՝

▪️ֆիզիկական անձանց համար՝ 1 միլիոն ռուբլին գերազանցելու դեպքում,
▪️իրավաբանական անձանց և անհատ ձեռնարկատերերի դեպքում՝ անկախ գումարի չափից, բացառությամբ՝ հրամանագրով սահմանված դեպքերի։

ՊԵԿ

🟨 Նոյեմբերի 3-ին ՊՆ վարչական համալիրում տեղի է ունեցել Վրաստանի պաշտպանական ուժերի հրամանատար, գեներալ-լեյտենանտ Գիորգի Մաթիաշվիլիի դիմավորման պաշտոնական արարողությունը՝ զինվորական նվագախմբի և պատվո պահակախմբի մասնակցությամբ:

ՊՆ

🟨 Ըստ ուկրաինական ԶԼՄ-ների՝ ՌԴ հարվածի արդյունքում վնասվել է Խարկովի հիվանդանոցը․ տուժածների թվում են պացիենտներ, բուժանձնակազմի անդամներ և մոտակա տների բնակիչներ։

🟨 Վրաստանի պաշտպանական ուժերի հրամանատար Գիորգի Մաթիաշվիլիի հետ քննարկել ենք պաշտպանության ոլորտում Հայաստանի և Վրաստանի միջև համագործակցությանը, ինչպես նաև տարածաշրջանային անվտանգությանը վերաբերող հարցեր։

Սուրեն Պապիկյան

🟨 Երևան–Աշտարակ ճանապարհին հոկտեմբերի 24-ին տեղի ունեցած վթարից տուժած երեխաներից մեկն այսօր դուրս է գրվել հիվանդանոցից, երկուսի վիճակը շարունակվում է մնալ ծայրահեղ ծանր՝ գտնվում են վերակենդանացման բաժանմունքում։

▫️Մյուս երեխայի վիճակը բավարար է։

Առողջապահության նախարարություն /©️Radar Armenia

🟨 ԿԲ խորհրդի նիստում որոշվել է բարձրացնել՝

▫️Քաղաքականության տոկոսադրույքը - 7.00%
▫️ՀՀ ԿԲ-ի կողմից տրամադրվող լոմբարդային ռեպոյի տոկոսադրույքը - 8.50%,
▫️ԿԲ-ի կողմից բանկերից ներգրավվող միջոցների տոկոսադրույքը - 5.50%:

ԿԲ

⬛️ «Տեներիֆեի» ֆուտբոլիստ Դե Միգելը մահացել է հիվանդանոցում։

▫️Նախօրեին հանդիպման ժամանակ ֆուտբոլիստի սիրտը կանգ էր առել՝ մրցակից թիմի դարպասապահի հետ բախման ու կրծքավանդակին ստացած հարվածի արդյունքում։

🟨 Ուկրաինայի պատերազմը կավարտվի առաջիկա ամիսներին. բոլորն արդեն հոգնել են դրանից։

▫️Եթե հակամարտությունը չդադարեցվի, աշխարհը կարող է հայտնվել երրորդ համաշխարհային պատերազմի շեմին. Թրամփը կարևոր գործ է կատարում՝ փորձելով կանխել էսկալացիան։

Ալեքսանդր Լուկաշենկո