🟨 Կոլումբիան պաշտոնապես խզել է դիվանագիտական ​​հարաբերությունները Իրանի հետ։ Որոշումը պատճառաբանվում է Իրանի՝

▫️ահաբեկչական խմբավորումների և նարկո-ահաբեկչական կազմակերպությունների հետ ենթադրյալ կապերով,
▫️մարդու իրավունքների հաստատված խախտումներով։

Կոլումբիայի ԱԳՆ

🟨 «Bentley»-ն ներկայացրել է իր պատմության առաջին ամբողջությամբ էլեկտրական մեքենան՝ «Torcal»-ը, որը շուկա դուրս կգա 2028-ին։

ՄԱՆՐԱՄԱՍՆԵՐ

🟨 Հայաստանի օպերայի և բալետի ազգային թատրոնում կներկայացվի «ԹԱՄԱՐ» բալետը՝ Ախթամարի լեգենդի ժամանակակից վերաիմաստավորումը։

▫️Ներկայացումը Ախթամարի լեգենդի ժամանակակից վերաիմաստավորումն է։ Բալետի գործողությունները ծավալվում են մեր օրերում․ գլխավոր հերոսները ֆոտոլրագրող Արամն ու նկարչուհի Թամարն են, որոնց հանդիպմամբ անցյալից եկող պատմությունը նոր ընթացք է ստանում՝ անդրադառնալով սիրո, ընտրության, հիշողության և անդառնալի կորստի թեմաներին։

▫️ Հոկտեմբերի 17, 18։

Երևանի քաղաքապետարան

🟨 Հռոմի Լեւոն XIV պապը քառօրյա այցով ժամանել է Ֆրանսիա։

▫️Օդանավակայանում նրան դիմավորել է Էմանուել Մակրոնը։

🟨 Եղանակային տեսանկյունից աշունը Հայաստան կգա եկող շաբաթվանից։

Գագիկ Սուրենյան

🟨 Ռուսական գազից հրաժարվելը Հայաստանի համար շատ ավելի ցավոտ կլինի, քան Գերմանիայի կամ եվրոպական այլ երկրների համար։

▫️Ռուսական գազը Հայաստանի համար զգալիորեն ավելի էժան է, քան այլ երկրներից իրականացվող մատակարարումները։

ՌԴ անվտանգության խորհուրդ

🟨 Պուտինն ու Թրամփը քննարկել են Ռուսաստանի, ԱՄՆ-ի և Ուկրաինայի ներկայացուցիչների միջև հանդիպման հնարավորությունը, սակայն կոնկրետ մանրամասներ դեռ չկան:

Դմիտրի Պեսկով

🟨 Երկիր Մեդիա՝ 792.000 դրամ` մեր ընտանիքին պատկանող տան մասին կեղծ լուրեր տարածելու համար։

▫️Ռոբերտ Քոչարյանից` 50.000 դրամ փաստաբանի ծախս` անհիմն ինձ դատի տալու համար:

▫️Ինչպես ասվում է` կոպեկ առ կոպեկ։

Ալեն Սիմոնյան

🟨 Մ-3 միջպետական ավտոճանապարհի՝ «Զվարթնոց» թաղամասից դեպի Ոսկեհատ և Մարգարա տանող հատվածում գտնվող Ոսկեհատի կամուրջը վթարային վիճակում է, այն երկկողմանի փակ է երթևեկության համար։

▫️Վարորդներին հորդորում ենք նշված փակ ճանապարհահատվածը շրջանցել Մ-5 ավտոճանապարհից դեպի Մ-3 ավտոճանապարհ, Վաղարշապատ քաղաքի Մեսրոպ Մաշտոցի, Արարատյան և Կամոյի փողոցներով։

Ճանապարհային դեպարտամենտ

🟨 Նոր, ժամանակակից ու հարմարավետ խաղահրապարակ՝ Էրեբունի վարչական շրջանում:

Երևանի քաղաքապետարան

🟨 Վերսկսվել է Հայաստան բնական գազի մատակարարումը «Հյուսիսային Կովկաս - Անդրկովկաս» մայրուղային գազատարով։
 
▫️Բնական գազի փոխադրումը ժամանակավորապես դադարեցվել էր՝ ՌԴ տարածքում նշված գազատարի վրա  պլանային պրոֆիլակտիկ և վերանորոգման աշխատանքներով պայմանավորված։

Գազպրոմ Արմենիա

🟨 Ամերիկյան կողմն առաջարկել է եռակողմ հանդիպում կազմակերպել ԱՄԷ-ում։

▫️Սպասում ենք առաջարկների՝ կապված ժամկետի հետ։

Վոլոդիմիր Զելենսկի

🟨 Կաշառք ստանալու, դրան օժանդակելու և կաշառք տալու համար քրեական հետապնդումներ են հարուցվել 6 անձի, այդ թվում՝ Կոտայքի մարզի Աբովյանի համայնքապետարանի համապատասխան բաժնի պետի ու ևս մեկ պաշտոնատար անձի նկատմամբ։

▫️Նրանք ձերբակալվել են։

Հակակոռուպցիոն կոմիտե/ ©️Radar Armenia

🟨 Սխալ պատկերացում կա, թե միջուկային զենք ունենալը անվտանգության երաշխիք է, ինչը խթանում է սպառազինությունների նոր և դժվար վերահսկելի մրցավազքը։

▫️Մինչդեռ խաղաղությունը ուժերի հավասարակշռություն չէ, այն ամեն օր կերտվում է երկխոսության և արդարության միջոցով։

Հռոմի Լեւոն XIV պապ

🟨 ՄԻԵԴ-ը մերժել է Գագիկ Խաչատրյանի փաստաբանական թիմի կողմից միջանկյալ միջոց կիրառելու վերաբերյալ ներկայացված պահանջը։

▫️Խաչատրյանը դիմել էր ՄԻԵԴ՝ խնդրելով պարտավորեցնել ՀՀ կառավարությանը՝ վերացնել նրա նկատմամբ ընտրված խափանման միջոց կալանավորումը և որևէ կերպ չսահմանափակել նրա ազատությունը։

©️Արմենպրես

🟨 Կիևի մարզի Բրովարիի շրջանում ԱԹՍ հարվածի հետևանքով հրդեհ է բռնկվել McDonald's-ի պահեստում։

🟨 Վրաստանի պատրիարքարանի՝ Կուրմուխի եկեղեցու վերաբերյալ հայտարարությունը հակասում է Ադրբեջանի և Վրաստանի միջև բարեկամության ոգուն։

▫️Անհասկանալի է Վրաստանի պատրիարքարանի մոտեցումը, որը ենթադրում է տարածքային հավակնություններ՝ կապված Ադրբեջանի տարածքային ամբողջականության և ինքնիշխանության հետ։

Ադրբեջանի ԱԳՆ

ՄԱՆՐԱՄԱՍՆԵՐ

🟨 Վերահսկողություն է սկսվել հանրապետության 969 պետական և ոչ պետական դպրոցներում գործող ճաշարաններում և բուֆետներում։

ՍԱՏՄ

🟨 Հորդորում ենք շինարարական աղբը չթողնել աղբամանների մոտ։

▫️Աղբամանները նախատեսված են բացառապես կենցաղային աղբի համար։

«Երևանի աղբահանություն և սանիտարական մաքրում» համայնքային հիմնարկ

🟨 Ցուցահանդես Փարիզում։

Նիկոլ Փաշինյան

🟨 Երևանի քաղաքապետին կից երիտասարդական խորհրդի անդամ Նոննա Հովհաննիսյանի նախաձեռնած «Մաքուր Երևան» մրցույթի շրջանակում ընտրված մասնակիցների գաղափարներն արդեն ներկայացված են «Արդի արվեստի կենտրոնում»։

▫️Նախագծերն ընդգրկում են վիզուալ, տեխնոլոգիական, տարածական և հաղորդակցական լուծումներ՝ ուղղված քաղաքային մաքրության վերաբերյալ հանրային իրազեկվածության բարձրացմանն ու քաղաքացիների մասնակցության խրախուսմանը։

▫️Դուք ևս կարող եք ծանոթանալ ներկայացված գաղափարներին և «Ակտիվ քաղաքացի» հարթակի միջոցով քվեարկել ձեր նախընտրած նախագծի օգտին։

▫️Քվեարկությունը բաց է մինչև հոկտեմբերի 23-ը։

Երևանի քաղաքապետարան