🟨 Վերջին 4 տարիների ընթացքում տեղի է ունեցել Երևան քաղաքի հանրային տրանսպորտի ամենամեծ տրանսֆորմացիան՝ շարժակազմերի փոփոխությունը, միասնական տոմսային համակարգի ներդրումը, փորձնական ավտոբուսային գծերի ներդրումը։

▫️Այն, ինչ արվել է վերջին 3-4 տարիների ընթացքում հանրային տրանսպորտի տեսանկյունից, նվազագույնն ունի պատմական նշանակություն։

Տիգրան Ավինյան

🟨 Եթե շարունակեք ձեր անպարկեշտ, ամբարտավան բերանը բացել սխալ ձևով, շատ խիստ կպատժվեք։ Ես ձեզ նախազգուշացում եմ տալիս և զրկում եմ ձայնի իրավունքից։

▫️Այլևս այս դահլիճում այդ տեսակ վիրավորական խոսքերը ամենակտրուկ ձևով պատժվելու են։

Տիգրան Ավինյանը՝ Պեդրո Զարոկյանին

🟨 2020թ․ 44-օրյա պատերազմի հետևանքով զոհվել է 3833 անձ, որոնցից 3755-ը՝ զինծառայողներ, 78-ը քաղաքացիական անձինք:

▫️Անհայտ է 191 անձի գտնվելու վայրը, որոնցից 172-ը՝ զինծառայող, 19-ը՝ քաղաքացիական անձ։

ՔԿ

🟨 Ըստ ուկրաինական ԶԼՄ-ների՝ ՌԴ-ն հարվածել է Դնեպր-Զապորոժիե միջքաղաքային գնացքին։

🟨 Թանկարժեք բրենդների պատկանող հագուստի մանրածախ առևտուր իրականացնող ընկերությունը վաճառքի մի մասի դիմաց ընդունել է կանխիկ վճարումներ, սակայն չի տրամադրել ՀԴՄ կտրոններ։

▫️Բացահայտվել է շուրջ 9.46 մլրդ դրամի թերհայտարարագրված շրջանառության դեպք։

ՊԵԿ

🟨 Չինաստանի Ցզյանսի նահանգում տեղի ունեցած սողանքի հետևանքով զոհերի թիվը հասել է 5-ի։ 7 անձ անհետ կորած է համարվում։

🟨 Ռուսաստանը սպասում է ՌԴ-ի, ԱՄՆ-ի և Ուկրաինայի միջև եռակողմ բանակցությունների վերսկսմանը։

▫️ՌԴ-ն մտադիր է հասնել ռազմական գործողության նպատակներին, բայց կնախընտրի դա անել խաղաղ ճանապարհով։

Դմիտրի Պեսկով

🟨 Սաուդյան Արաբիայի վրա Եմենի հութիների հարձակումների հետևանքով կա 73 տուժած։ Հրդեհներ են բռնկել նավթային օբյեկտներում։

🟨 Ես ակնկալում եմ հանդիպել Թրամփին սեպտեմբերի 20-ին։ Քննարկման թեմաներից մեկը կլինի ձմեռային օդային պաշտպանության փաթեթի մատակարարումը։

Վոլոդիմիր Զելենսկի

🟧 Ուիթքոֆֆը և Քուշները Կիևին խաղաղության ավելի վատ պայմաններ են ներկայացրել, քան նախկինում։

▫️Նախկինում նրանք չէին պահանջում սահմանադրական փոփոխություններ կամ տարածքային ճանաչում, իսկ հիմա դա անում են։

Գերագույն ռադայի պատգամավոր Աննա Սկորոխոդ

🟨 Երևանի քաղաքապետարանի և Steam Works Studio-ի միջազգային համագործակցությամբ իրականացվող քաղաքապետին կից STEAM ճամբարի
մասնակիցները շարունակում են կիսվել իրենց ամերիկյան փորձառությամբ:

▫️Ծանոթացե՛ք ճամբարի 4-րդ մասնակից Մարիամի հետ, ով աշխարհահռչակ The Metropolitan Museum of Art (The Met) թանգարանի մոտ պատմում է STEAM ծրագրի իր ձեռքբերումների և իր առջև բացված նոր հնարավորությունների մասին։

Երևանի քաղաքապետարան

🟨 Մենք շարժվում ենք դեպի եռակողմ բանակցային ձևաչափ։ Համաձայնության ենք եկել ամերիկյան կողմի հետ, որ այս ամենը միասին պատրաստենք, ապա ներկայացնենք հանրությանը։

Վոլոդիմիր Զելենսկի

🟨 Դոմոդեդովո օդանավակայանում ՄԹ-ից ժամանած ռուս կնոջ մոտ Առաջին համաշխարհային պատերազմի ժամանակաշրջանի սաղավարտ է հայտնաբերվել։

▫️Սաղավարտը բռնագրավվել է, հարուցվել է քրեական գործ։

🟨 Երևան քաղաքում ունենք բազմաթիվ խնդիրներ, բայց կարելի է ասել, որ բոլոր ուղղություններով տարվել են աշխատանքներ։ Գրեթե ոլորտ չկա, որ իրապես մեծ ծավալի աշխատանքներ արված չլինի։

▫️Այս պահի դրությամբ՝ Երևանի քաղաքապետարանը տեսնում է, որ մեր հիմնական խնդիրը երթևեկության կառավարման խնդիրն է։ Դրա համար է ստեղծվել Երևանի երթևեկության կառավարման կենտրոնը։

Տիգրան Ավինյան

🟨 Ռուսաստանի և Հայաստանի միջև հարաբերությունները նման են մեծ ընտանիքի, որտեղ ամեն ինչ կարող է լինել։

«Ռոսսոտրուդնիչեստվո»-ի ղեկավար Իգոր Չայկա

🟩 «Wizz Air»-ը հոկտեմբերին «Զվարթնոց» օդանավակայանում կբազավորի իր 3-րդ օդանավը և չվերթներ կսկսի 3 նոր ուղղություններով`

▫️Բազել (Շվեյցարիա)
▫️Վառնա (Բուլղարիա)
▫️Վալենսիա (Իսպանիա)

ՏԿԵՆ

🟨 Երևան քաղաքում այլևս ով ինչպես ուզի, առանց ճարտարապետական միջամտության, չի կարողանալու իրականացնել ձևափոխություններ։ Այդ աշխատանքները պահանջում են նվազագույնն էսքիզային համաձայնեցում։

Տիգրան Ավինյան

🟨 Մենք համատիրության փաստացի գործառույթը վերցրել ենք քաղաքի ուսերին, ամբողջ քաղաքով կապիտալ ներդրումն իրականացնում ենք։ Այս տարվա վերջին 3060-70 վերելակ կունենանք փոխարինված ամբողջ քաղաքում, ու կմնա մի 1300 վերելակ։

▫️Այդ հսկայական ծավալի աշխատանքը մենք արել ենք, սպասարկո՞ւմն էլ մենք անենք։

Տիգրան Ավինյան

🟨 Մարդիկ շատ լավ հասկանում են՝ իրենց համատիրություններն ինչ գործառույթներ ունեն, ու էդ գործառույթները փաստացի տեսնում են, որ չեն իրականացվում։ Պետք է նորմալ ընտրություն կազմակերպվի, ու արմատախիլ արվի էդ պորտաբույծների համակարգը։

▫️Նստած մենակ իրենց աշխատավարձը ստանան։ Նախկին իշխանությունները պորտաբույծներին օգտագործում էին ընտրությունների համար։ Պետք է էդ պորտը կտրել։

Տիգրան Ավինյան

🟨 Այսօր անակնկալ այց կատարեցի ՊՆ ուսումնական մեկ այլ կենտրոն, որտեղ ևս շուտով նոր ենթակառուցվածքներ կհանձնվեն շահագործման:

▫️Չափազանց կարևոր է օրվա կարգացուցակի ճշգրիտ պահպանումը։

Սուրեն Պապիկյան

🟨 Նալչիկում տեղի ունեցած հարսանիքի արժեքը գերազանցել է 100 միլիոն ռուբլին։

▫️Ամուսնացողը Կաբարդինո-Բալկարիայի նախկին ղեկավար և միլիարդատեր Արսեն Կանոկովի որդին է։