🟨 Ռուսաստանի և Ուկրաինայի միջև շփումները շարունակվում են, դրանք տեղի են ունենում հետախուզական գործակալությունների մակարդակով։

▫️Ռուսաստանը և Ուկրաինան իրենք նախ պետք է համաձայնության գան, մյուսները կարող են միայն օգնել։

Վլադիմիր Պուտին

🟨 LES MILLS EXPERIENCE Yerevan՝ տարվա ամենաէներգետիկ մարզական իրադարձությունը։

▫️Մասնակիցներին սպասվում են LES MILLS-ի հանրահայտ խմբային մարզումները՝ միջազգային մարզիչներ Սեբաստիան Խարամիլյոյի և Ալդրին Դելա Վեգայի մասնակցությամբ։

▫️Սեպտեմբերի 13
▫️ 19:30 — BODY JAM (մուտքը անվճար՝ գրանցումով )
▫️20:30 — BODYPUMP ( 5000 AMD )
▫️21:30 - BODYCOMBAT ( 5000 AMD )
▫️Ազատության հրապարակ։

Երևանի քաղաքապետարան

🟨 ԱՄՆ դատարանը ՀՀ քաղաքացուն դատապարտել է 2 տարի 2 ամիս ազատազրկման՝ ԱՄՆ-ից Հայաստանի միջոցով Ռուսաստան ապրանքներ անօրինական կերպով արտահանելուն մասնակցելու համար։

▫️Կամո Կիրակոսյանն ամերիկյան ընկերություններին ներկայացել է որպես գնորդ Հայաստանից՝ թաքցնելով ապրանքների վերջնական ստացողներին։

ՄԱՆՐԱՄԱՍՆԵՐ

🟨 Չեմ բացառում, որ Ադրբեջան այց կունենամ, բայց որևէ ժամկետ չեմ կարող նշել հիմա։

Ալեն Սիմոնյան

🟨 Դրական էր աշխատանքային մթնոլորտը, առաջին հերթին այն, որ պայմանավորվեցինք, որ առաջիկայում ես այց կունենամ Մոսկվա, ու կքննարկենք, նաև աշխատանքային որոշակի պայմանավորվածություններ ձեռք բերեցինք։

▫️Գաղափար առաջացավ, որ մենք պետք է գույքագրման ենթարկենք Հայաստան-Ռուսաստան հարաբերություններ հասկացությունը։ Այսինքն՝ ինչ տողեր կան, և որ տողերն են, որի հետ կապված երկուստեք ունենք նույն դիրքորոշումը, և որ տողերն են, որի հետ կապված՝ այլ դիրքորոշումներ։

Նիկոլ Փաշինյանը՝ Վլադիմիր Պուտինի հետ հանդիպման մասին

🟧 Սեպտեմբերին մենք սպասում ենք «Ռոսատոմի» ղեկավարին, որպեսզի նա ներկայացնի այն առաջարկները, որ այսօր ՌԴ-ն կարող է անել Հայաստանին՝ նոր ատոմակայանի կառուցման վերաբերյալ։

Նիկոլ Փաշինյան

🟨 Ինչ վերաբերում է ռազմաբազային, նման քննարկում չի եղել։ Այս ընթացքում ոչ մի անգամ Հայաստանում տեղակայված ռուսական 102-րդ ռազմաբազայի հարցը չենք բարձրացրել։ Այնպես էլ չի, որ մենք համարում ենք, որ ռազմաբազայի ներկայությունը Հայաստանում կենսական անհրաժեշտություն է։

▫️Եթե ՌԴ-ն որոշի դուրս բերել ռազմաբազան Հայաստանից, չենք առարկի, բայց եթե ցանկություն արտահայտեն մնալու, պատրաստ ենք նաև դա քննարկել։

Նիկոլ Փաշինյան

🟨 Ես սրտի օլիգարխ չունեմ, և եթե ՀՀ տնտեսական դաշտում կա մեկը, որ ինձ և իմ ընտանիքին նյարդայնացնում է արդեն տանելիության բոլոր սահմաններից դուրս, դա Նարեկ Նալբանդյանն է։ Եվ ես հանձնարարել եմ, որ իրավապահ մարմինները վարույթներ նախաձեռնեն, և եթե ստանանք ապացույց, որ որևէ գործարար, այդ թվում՝ Նարեկ Նալբանդյանը, փորձում է տպավորություններ ստեղծել, որ ինքը մեր ընտանիքի հետ որևէ կապ ունի, մեր արձագանքը կլինի շատ դաժան։

Նիկոլ Փաշինյան

🟨 Ես Տիգրանաշենի մասին ոչինչ չեմ ասել, ասել եմ Քյարքիի մասին։

▫️Ինչ որ ասել եմ, ասել եմ նաև նախընտրական շրջանում, խոսել եմ անկլավների մասին, որևէ նորություն դրանում չկա։

Նիկոլ Փաշինյան

🟨 Ասում եք՝ խայտառակ տեսարան Գագիկ Խաչատրյանի հետ կապված։

▫️Ես ընդհակառակը, ուզում եմ շնորհակալություն հայտնել իրավապահ համակարգի բոլոր անդամներին, սկսած պատգարակը բռնող աշխատակիցներից, որ սիմուլյանտին տարել են ճիշտ էն տեղը, որտեղ պետք է տանեն։ Հայաստանից միլիարդներ գողացողը չի կարող պատգարակի տակ թաքնված՝ պատասխանատվությունից խուսափել։

Նիկոլ Փաշինյան

🟨 Ադրբեջանի նախագահի հետ քննարկել ենք մեր օրակարգի բոլոր հարցերը։ Բայց Սահմանադրությունը մեր օրակարգի մեջ չի մտնում, ընդհակառակը՝ մենք արձանագրում ենք՝ արտաքին գործընկերների և այլ երկրների հետ մեր Սահմանադրության օրակարգն ու հարցը չենք քննարկում։

Նիկոլ Փաշինյան

🟨 Ձեր թվարկումը լիարժեք լեգիտիմություն է տալիս, որ նման աշխատանքային վաստակ ունեցող մարդուն պետք է շտապ ուղարկել Պալմա դե Մայորկա՝ վերականգնողական հանգստի, հակառակ դեպքում կնշանակի, որ ՀՀ-ն սադիստական պետություն է և կտտանքների է ենթարկում այդ մարդուն։

▫️Բայց իմ անձնական կարծիքն այն է, որ որպես այնտեղ եղած մարդ՝ «Երևան» ՔԿՀ-ն տվյալ դեպքում վատ փոխարինող չի Պալմա դե Մայորկայի կուրորտներին։

Նիկոլ Փաշինյանը հեգնեց

🟨 Իսկ ով է նման բան քննարկել։ Մենք բացարձակ նման բան անելու մտադրություն չունենք։

▫️Մենք հակառակը՝ մեծ հաճույքով ենք ընդունում ՌԴ-ից եկող զբոսաշրջիկներին և տեսնում ենք, որ նրանք ՀՀ զբոսաշրջային առավելությունները առաջ մղող շատ ակտիվ դերակատար են դարձել։

Նիկոլ Փաշինյանը՝ Մարիա Զախարովայի հայտարարության մասին

🟨 Գերիների, անհետ կորածների վերաբերյալ հարցերը, բնականաբար, եղել են քննարկման մաս։ Մանրամասներ չեմ կարող հայտնել, քանի որ այս թեմայով հրապարակայնությունը որևէ կերպ չի կարող օգուտ տալ։

Նիկոլ Փաշինյանը՝ Ալիևի հետ հանդիպման մասին

🟨 Ռուսաստանի հետ քննարկում ենք նաև մետրոյի «Աջափնյակ» կայարանի կառուցմանն իրենց մասնակցության հարցը, որովհետև իրենք մեծ փորձ ունեն։ Ուրախ կլինենք, որ այդ հարցում մեզ աջակցեն։

Նիկոլ Փաշինյան

🟨 Ես կարծում եմ՝ առաջին գործարքն արդեն տեղի է ունեցել, բայց ընկերություններն իրենք դրա մասին կհայտարարեն։ Դա կառավարության հայտարարության տիրույթում չի։ Մեր խնդիրն է քաղաքական պայմաններ ստեղծել, որպեսզի գործարար համայնքներն իրար հետ աշխատեն։

Նիկոլ Փաշինյանը՝ Հայաստանից Ադրբեջան արտահանման մասին

🟨 Քրեական վարույթի շրջանակում ձերբակալվել է 6 անձ, այդ թվում՝ ՀՀ քաղաքաշինության, տեխնիկական և հրդեհային անվտանգության տեսչական մարմնի տարածքային բաժանմունքների ղեկավար պաշտոններ զբաղեցրած անձինք:

▫️Վերջիններս մեղադրվում են քաղաքաշինական նորմերի խախտմամբ կառուցված շինությունների համար դրական եզրակացություն տալու գործընթացն անխոչընդոտ կազմակերպելու դիմաց կաշառք ստանալու համար։

Հակակոռուպցիոն կոմիտե/ ©️Radar Armenia

🟨 Ֆիլիպինցի զույգը պսակադրվել է հորդառատ անձրևների հետևանքով հեղեղված եկեղեցում։

▫️Զույգը խորանին հասնելու համար քայլել է մինչև գոտկատեղ հասնող ջրի միջով։

🟨 Նիկոլ Փաշինյանն ու Կիպրոսի նախագահ Նիկոս Քրիտոստոդուլիդիսը հեռախոսազրույց են ունեցել․ քննարկվել են երկկողմ հարաբերությունների օրակարգին և դրա հետագա առաջմղմանը վերաբերող տարբեր հարցեր։

Կառավարություն

🟨 ՀՀ և ԱՄՆ համատեղ պատվիրակությունը այցելում է Սյունիք՝ քննարկելու TRIPP-ը և տարածաշրջանային տնտեսական հնարավորությունները։

ՀՀ-ում ԱՄՆ դեսպանություն

ՄԱՆՐԱՄԱՍՆԵՐ

🟨 Թրամփը դարձել է վերջին 100 տարվա մեջ ԱՄՆ առաջին գործող նախագահը, որի դիմանկարով ամերիկյան դրամ է թողարկվել։

ՄԱՆՐԱՄԱՍՆԵՐ