🟨 Տվյալներ են ստացվել «Բարգավաճ Հայաստան» կուսակցության ներկայացուցչի կողմից ԱԺ ընտրություններին իրենց կուսակցության օգտին քվեարկելու պայմանով ընտրակաշառք տալու և որպես ընտրակաշառք այլ ծառայություններ մատուցելու տարբեր դեպքերի մասին։

Հակակոռուպցիոն կոմիտե

🟨 Հունիսի 1-25-ն արտահանվել է՝

▫️ծիրան- 1071 տ.
▫️կեռաս- 882 տ.
▫️խնձոր- 40 տ.
▫️թութ, թուզ, հաղարջ, մոշ- 100 տ.
▫️ազնվամորի, ելակ- 87 տ.
▫️լոլիկ- 140 տ.

▫️Գնանկում կա 2 ուղղություններով՝ ծաղիկը և լոլիկը։ Առկա բերքը կամ շուկայում վաճառվում է կամ արտահանվում է։

Գևորգ Պապոյան

🟨 Հայկական գյուղատնտեսական ապրանքների համար նոր շուկաների փնտրտուքն իսկապես հետաքրքրություն է առաջացրել՝ ԵՄ շուկան, Կենտրոնական Ասիան, Արաբական երկրները, օրինակ՝ Իրաքը։ Նաև անմիջական հարևանները՝ Թուրքիան օրինակ։

Արարատ Միրզոյան

🟨 ԵԱՏՄ-ի հետ շատ սերտ ու ակտիվ աշխատում ենք․ այն կանխավարկածով չենք, որ անշրջելի բան է տեղի ունեցել, և մենք հիմա պետք է այդ ուղղությամբ չնայենք։

▫️Համոզված եմ, որ լուծումներ կլինեն, որովհետև եթե լուծումներ չլինեն, դա լրիվ ուրիշ բան է նշանակում առաջին հերթին ԵԱՏՄ-ի համար։

Նիկոլ Փաշինյան

🟨 Ես իմ գործընկերներին հարցեր ունեմ այն հայտարարության հետ կապված, որ իմ բացակայությամբ ընդունել են։ Պետք է հասկանանք՝ ինչ է դա նշանակում գործնականում, ԵԱՏՄ ցանկացած երկիր ցանկացած երկրի հետ կապված կարո՞ղ է այսպիսի որոշումներ կայացնել, մի օր արթնանան ու որոշումներ կայացնեն։

▫️Իմ գնահատմամբ՝ եթե այս հարցի պատասխանն «այո» է, ուրեմն՝ ԵԱՏՄ-ն հայտարարում է ինքնալուծարման մասին, և մենք էլ պետք է այստեղից հետևություններ անենք։

Նիկոլ Փաշինյան

🟨 Այս ամսվա ընթացքում Հայաստանից ծաղիկ ենք արտահանել 16 երկիր։

Գևորգ Պապոյան

🟨 Բջջային հեռախոսների շուկան ամենամեծ ստվերային շուկան է։

▫️Ավարտվում է բջջային հեռախոսների սև շուկայի դարաշրջանը։ ՀՀ-ում ոչ մի հեռախոս, որը չի հավաստիացվում, որ ներմուծվել է օրինական ճանապարհով, չի աշխատելու։ Դրանով մաքսիմում կարելի կլինի պոպոք կոտրել, բայց որպես հեռախոս օգտագործելու հնարավորություն չի լինի։

Նիկոլ Փաշինյան

🟨 «Հայաստան» դաշինքի համակիրների կողմից ընտրակաշառք տալու, ստանալու դեպքերի առթիվ նախաձեռնված քրեական վարույթի շրջանակում խուզարկություններ են իրականացվում։

ՔԿ/©️Radar Armenia

Ըստ ԶԼՄ-ների՝ խուզարկություններ են ընթանում Գյումրու ավագանու «Մայր Հայաստան» խմբակցության ղեկավար Կարեն Սիմոնյանի տանը:

🟨 Apple-ն առանց նախազգուշացման միակողմանիորեն հեռացրել է ռուսական VK հավելվածները App Store-ից։

РБК

🟨 Լեգիտիմության մեկ աղբյուր կա՝ ժողովուրդը։ Ժողովուրդն է գնահատում՝ իր ընտրությունը տեղի է ունեցել, թե ոչ։

▫️Եթե որևէ մեկը դիտելու գոնե բավարար հմտություն ունի, անզեն աչքով կնկատի, որ ժողովուրդն արձանագրել է, որ իր ընտրությունը տեղի է ունեցել։

Նիկոլ Փաշինյան

🟧 Այսօր ՔՊ-ում տեղի է ունենալու նիստ, որտեղ որոշում է կայացվելու՝ ԱԺ նախագահի առաջադրված թեկնածուներից փակ գաղտնի քվեարկությամբ ընտրվելու է մեկը։ Եվ ով ընտրվի, կլինի հանրային իրազեկում։

Նիկոլ Փաշինյան

🟨 Կառավարության անդամների՝ փոխվարչապետեր և նախարարներ, փոփոխություններ չեմ նախատեսում։ Այլ մակարդակներում որոշ փոփոխություններ, մտածում եմ, տեղի կունենան։

Նիկոլ Փաշինյան

🟨 Չեմ կարող չմտահոգվել։ Բայց կարծում եմ՝ ինչքան ես եմ մտահոգված, ԵԱՏՄ-ի մյուս գործընկերներն էլ պետք է մտահոգված լինեն։

▫️ԵԱՏՄ մյուս անդամ երկրները Հայաստանի փորձից, համոզված եղեք, մտահոգված են, որովհետև նույնը կարող է տեղի ունենալ նրանց հետ։ Եթե այս հարցերը արագ չկարգավորվեն, ԵԱՏՄ քայքայումը դառնալու է անխուսափելի։

Նիկոլ Փաշինյան

🟨 Ժամանակն է, որ Հարավային Կովկասի երկրներս մտածենք Հարավային Կովկասի մասին՝ որպես մեկ ընդհանուր ռեգիոն, որտեղ շատ ընդհանուր շահեր կան՝ բազմաթիվ նրբություններով։

Նիկոլ Փաշինյան

🟨 Նախընտրական քարոզարշավի ժամանակ Երևանի քաղաքապետն ուղիղ եթերում տեղեկացրեց, որ բանակցությունների արդյունքում [Կոնսերվատորիայի դիմացի] այգին վերադարձվել է համայնքին։ Այսպիսի դեպքեր ունենք բոլոր համայնքներում։

▫️Միլիարդների ունեցվածք է վերադարձվել ՀՀ-ին։

Նիկոլ Փաշինյան

Հ.Գ. Այգին վերադարձվել է համայնքին դատարանի որոշման արդյունքում, վարչապետը հավանաբար շփոթել է դեպքը։

🟩 Հայաստանում պաշտոնապես գրանցված աշխատատեղերի թիվը 2026թ․ մայիսին հասել է 823 584-ի, ինչը պատմական ամենաբարձր ցուցանիշն է։

▫️2018թ․ մայիսի համեմատ աշխատատեղերի թիվն աճել է 51.1%-ով։

Կառավարություն

🟨 Ֆրանսիական ռազմածովային ուժերը կալանավորել են Deliver տանկերը, երբ այն անցնում էր Սիցիլիայի ափերի մոտ՝ խախտելով ծովային իրավունքը։

▫️Մենք թույլ չենք տա, որ ստվերային նավատորմը խուսափի պատժամիջոցներից և ֆինանսավորի Ռուսաստանի պատերազմական ջանքերը։

Էմանուել Մակրոն

🟨 Գույների տոն՝ Մալաթիա Սեբաստիա վարչական շրջանի ծաղկանոցներում։

«Կանաչապատում և շրջակա միջավայրի պահպանություն» ՀՈԱԿ

🟨 Երևանի քաղաքապետարանում տեղի է ունեցել պաշտոնական ընդունելություն՝ նվիրված Բնության պահպանության միջազգային միության (IUCN) Հայաստանի ազգային կոմիտեի գործունեության մեկնարկին։

▫️Միջոցառման ընթացքում ներկաներին ողջունել է Երևանի քաղաքապետ Տիգրան Ավինյանը։ Քաղաքապետն իր խոսքում կարևորել է IUCN-ի Ազգային կոմիտեի ստեղծումը՝ բնապահպանական ոլորտում նոր նախաձեռնությունների իրագործման տեսանկյունից:

▫️Միջոցառման ավարտին պաշտոնապես ստորագրվել է Ազգային կոմիտեի «տեսլական և առաքելություն» փաստաթուղթը։

Երևանի քաղաքապետարան

🟨 Միքայել արքեպիսկոպոս Աջապահյանի նկատմամբ կիրառված տնային կալանքը վերացվել է․ բացակայելու արգելքը մնացել է անփոփոխ։

🟨 Վերաքննիչ դատարանը բեկանել է Աջապահյանի գործով առաջին ատյանի դատարանի որոշումն ու այն ուղարկել հետ՝ նոր քննության։