🟨 Պայմանավորված տոնական միջոցառումներով` այսօր Հանրապետության հրապարակով ու հարակից փողոցներով անցնող թիվ 22, 33, 44, 97, 54, 58, 67, 7, 11, 16, 20, 23, 27, 34, 43, 61, 47 երթուղիները սպասարկող տրանսպորտային միջոցները կշրջանցեն նշված հատվածները։

Երևանի քաղաքապետարան

🟨 Սուրեն Պապիկյանը ողջունում է զինծառայողներին։

🟨 2026թ․ Հանրապետության այս օրը նշում ենք բոլորովին նոր՝ պատմական պայմաններում։ Շուրջ 35-ամյա հակամարտությունից հետո ՀՀ-ի և Ադրբեջանի միջև խաղաղություն է հաստատված։

▫️Խաղաղությունն այն է, ինչ Հայաստանի առաջին Հանրապետությանը չհերիքեց՝ անկախությունը պահպանելու և զարգացնելու համար։

Նիկոլ Փաշինյան

🟨 Այսօր մենք հաղթահարում ենք Առաջին Հանրապետության ժամանակներից մնացած պետության ժամանակավորության բարդույթը և որդեգրում ենք պետության հարատևության օրակարգ՝ առաջնորդվելով տրամաբանությամբ, որ Հայաստանի պետությունը պետք է գոյություն ունենա հավիտյան։

Նիկոլ Փաշինյան

🟨 Այսօր ՀՀ բանակը ոչ թե պատերազմի, այլ խաղաղության գործոն է, որովհետև պաշտպանունակ և ուժեղ բանակ չունեցող երկիրը կարող է գայթակղիչ լինել ագրեսիայի համար։

▫️Այսօր ձեզ ենք ներկայացնում ՀՀ նոր բանակը՝ նոր սպառազինությամբ, նոր համազգեստով և նոր գաղափարաբանությամբ:

Նիկոլ Փաշինյան

🟨 2022թ․-ից առաջ սպառազինության և ռազմական տեխնիկայի միջազգային շուկաները հիմնականում փակ կամ դժվար հասանելի էին ՀՀ-ի համար։

▫️Եվ միայն 2022թ․ հոկտեմբերի 6-ին Պրահայում ձեռք բերված համաձայնություններից հետո, երբ Հայաստանն ու Ադրբեջանը 1991թ․ Ալմաթիի հռչակագրի հիման վրա ճանաչեցին միմյանց տարածքային ամբողջականությունը, սպառազինությունների միջազգային շուկան բացվեց Հայաստանի համար։

Նիկոլ Փաշինյան

🟨 Հրետանային համազարկ՝ ի հիշատակ նահատակների։

🟨 Հանրապետության հրապարակում հնչեց ՀՀ օրհներգը։

🟨 ՀՀ ԶՈւ ժամանակակից հետախուզահարվածային «Գայլ» ռոբոտները:

🟨 «Մառախուղ» համալիրը, որը նախատեսված է տարբեր տեսակի օդային թիրախների հայտնաբերման և դրանց կողմից օգտագործվող արբանյակային տեղորոշման համակարգերի ընդունիչների ճնշման համար։

🟨 Ֆրանսիական «Բաստիոն» զրահապատ մեքենան ներկայացվեց Հանրապետության հրապարակում։

🟨 Ծանր հրետանային համակարգ՝ ՏՕՍ-1Ա։

▫️Նախատեսված են հրաձգային և տանկային ստորաբաժանումների կրակային աջակցման, մարտերի ընթացքում կրակային տարբեր դիրքերից մինչև 6 կմ հեռավորության և 1 համակարգով 40,000 քմ մակերեսով հակառակորդի կենդանի ուժի ոչնչացման, ինչպես նաև զրահապատ տեխնիկայի շարքից դուրս բերման համար։

🟨 Հրապարակ է մուտք գործում «Սարդ» համալիրը։

🟨 ՏՈՐ-Մ2ԿՄ զենիթահրթիռային համալիրն ունի կիրառման բարձր արդյունավետություն և նախատեսված է ինքնաթիռների, ուղղաթիռների, թևավոր հրթիռների, հակառադիոլոկացիոն և այլ կառավարվող հրթիռների, կառավարվող ավիառումբերի և անօդաչու թռչող սարքերի հարվածներից ռազմական ու պետական կարևորագույն օբյեկտների հակաօդային պաշտպանության համար՝ ցերեկը և գիշերը, բարդ եղանակային պայմաններում։

🟨 Հայկական արտադրության «Ատլանտ» համակարգը։

🟨 Հրապարակ են մտնում «Նիզակ» հակատանկային կառավարվող հրթիռային համալիրները։

▫️Դրանք վերջին սերնդի «կրակիր, մոռացիր» սկզբունքով հակատանկային կառավարվող հրթիռային համալիրներ են։

🟨 Ըստ ադրբեջանական ԶԼՄ-ների՝ Ռուսաստանից Ադրբեջանի տարածքով Հայաստան է ուղարկվել պարարտանյութ և ալյուր։

🟨 Հրապարակ է մտնում «Արսենալ» ընկերության հայրենական արտադրության 120 մմ տրամաչափի «Սևան» ականանետների շարասյունը։

🟨 Հրապարակում են 122 մմ տրամաչափի գործարանային արտադրության Դ-30 հաուբիցները։

🟨 🟧 Գերժամանակակից, հայկական արտադրության ԱԹՍ-ները։

🟨 Հայրենական արտադրության, հետախուզահարվածային F11 ԱԹՍ-ները։