🟨 Ինդոնեզիայում երկու գնացքի բախման հետևանքով 3 մարդ զոհվել է, ևս 29-ը՝ վիրավորվել:

🟨 Հակակոռուպցիոն դատարանը որոշում է կայացրել 2 ամսով կալանավորել Արթուր Ավանեսյանին։

🟨 Շուրջ 280 երեխա հաճախում է հիմնանորոգված հ. 48 մանկապարտեզ:

◽️Երևանում վերջին տարիներին հիմնանորոգել և վերակառուցել ենք 45 մանկապարտեզ:

Տիգրան Ավինյան

🟨 Սպասվում են տեղումներ, օդի ջերմաստիճանը կնվազի:

Եղանակը Երևանում ապրիլի 28-ին՝

🌖 Ցերեկ +16 +18
🌗 Երեկո +12 +14
🌘 Գիշեր +9 +11

ՄԱՆՐԱՄԱՍՆԵՐ

🟨 Դոնալդ Թրամփը Սպիտակ տանը Չարլզ III-ին դիմավորելիս խախտել է արարողակարգը՝ հպվելով թագավորի ուսին:

ՄԱՆՐԱՄԱՍՆԵՐ

🟨 Ռուսաստանն արգելել է Հայաստանից ներմուծված «Ջերմուկ» հանքային ջրի խմբաքանակի վաճառքը։ Արգելվել են 2026թ․ փետրվարի 17-ից մարտի 5-ի ամսաթվերով արտադրված ապրանքները՝ 338,000 շիշ։

ՄԱՆՐԱՄԱՍՆԵՐ

🟨 ՀՀ նոր կենսաչափական անձնագիրը արտացոլում է մեր ինքնությունը, պատմամշակութային ժառանգությունը և պետականությունը։

Նիկոլ Փաշինյան

🟥 ՀՀ նոր կենսաչափական անձնագիրը կլինի կարմիր գույնի։

▫️Անձնագրերը կունենան բարձր մակարդակի պաշտպանական մեխանիզմներ՝ ներառյալ անվտանգային բաղադրիչներ, այդ թվում՝ ուլտրամանուշակագույն շերտեր։

🟨 Հարավային Սուդանում ուղևորատար ինքնաթիռ է կործանվել, զոհվել է 14 մարդ:

🟨 Մի շարք լրատվամիջոցներում տարածվել է «տեղեկատվություն», թե իբր սահմանազատման գործընթացի շրջանակներում ձեռք է բերվել պայմանավորվածություն, համաձայն որի՝ Հայաստանը փոխանցելու է Ալավերդի խոշորացված համայնքի Ջիլիզա գյուղը։

▫️ՀՀ ինքնիշխան տարածքի որևէ հատվածի որևէ այլ երկրի փոխանցելու մտադրության, ծրագրի կամ պայմանավորվածության մասին որևէ հայտարարություն, միտք կամ «տեղեկատվություն» չի կարող համապատասխանել իրականությանը՝ ի բնե։

▫️Հետևաբար, ինչպես նախորդիվ, այդպես էլ այս և հետայսու նման բովանդակություն ունեցող ցանկացած հրապարակում հերքել ենք, հերքում ենք և կհերքենք՝ դրանց մտացածին լինելու պատճառով։

Վարչապետի խոսնակ Նազելի Բաղդասարյան

🟨 Արտերկրում ընտրակաշառք վերցնողները Զվարթնոցում և մյուս անցակետերում անմիջապես ձերբակալվելու են։

Ռուբեն Ռուբինյան

🟨 Թումանյան փողոցի գեղեցկուհիները։

«Կանաչապատում և շրջակա միջավայրի պահպանություն» ՀՈԱԿ

🟨 Բյուրեղավանում աղիքային վարակիչ հիվանդության դեպքերով իրականացվել է խմելու ջրի նմուշառում. հայտնաբերվել են կոլիֆորմ մանրէներ:

▫️Հայտնաբերվել են ռոտավիրուս, ադենովիրուս, էնտերոհեմորագիկ և էնտերոախտածին կոլի խմբի ախտածիններ։

ՀՎԿԱԿ

🟨 Elections.mia.gov.am հարթակում հրապարակվել են հունիսի 7-ին կայանալիք ԱԺ ընտրություններին մասնակցող ընտրողների նախնական ցուցակները։

ՆԳՆ

🟨 «Ռոսպոտրեբնադզոր»-ից կամ «Ռոսսելխոզնադզորից» պաշտոնական որևէ տեղեկություն «Ջերմուկ» ապրանքանիշի խմբաքանակների արգելափակման վերաբերյալ առայժմ չենք ստացել:

ՍԱՏՄ

ՄԱՆՐԱՄԱՍՆԵՐ

🟨 Ապրիլի 29-ին Երևանում իրականացվող Պարի միջազգային օրվան նվիրված միջոցառումների շրջանակում ժամը 14:00-ից 17:30-ը կարգելվի Հանրապետության հրապարակի շրջանաձև երթևեկությունը:

▫️Փակ են լինելու Ամիրյան-Զաքյան, Արամի-Աբովյան, Արամի-Նալբանդյան, Տիգրան Մեծ-Մելիք Ադամյան խաչմերուկները, ինչպես նաև Վազգեն Սարգսյան փողոցը (Դեղատան փողոցից սկսած):

Երևանի քաղաքապետարան

🟨 Ապրիլի 30-ից Անտառային և Լեռ Կամսարի փողոցների խաչմերուկից մինչև Անտառային 190 հասցեի շենքին հարակից ճանապարհահատվածում երթևեկությունը կկազմակերպվի միակողմանի:

Երևանի քաղաքապետարան

🟨 Մոսկվայում՝ նոր կառուցվող շենքում խոշոր հրդեհ է բռնկվել, կան տուժածներ։

🟨 Երևանի քաղաքապետարանի աշխատակազմի երեխաների և սոցիալական պաշտպանության վարչությունն այս տարի ևս կազմակերպում է արդեն ավանդույթ դարձած «Երևանի քաղաքապետարանը երեխաների համար» խորագրով դպրոցական ավագանու նիստը:

▫️Միջոցառման ձևաչափը նախատեսում է Երևան քաղաքի ավագանու նիստ: Ավագանու անդամներին ընտրելու նպատակով Երևանի քաղաքապետարանի ենթակայությամբ գործող բոլոր դպրոցների 9-րդ դասարանի աշակերտներն իրենց դպրոցների մանկավարժական խորհուրդներին կարող են ներկայացնել քաղաքային խնդիրների վերաբերյալ համապատասխան զեկույցներ:

▫️Բոլոր հավաքագրված զեկույցները կգնահատվեն աշխատանքային խմբի կողմից և առավելագույն միավոր հավաքած 64 աշխատանքները ներկայացրած աշակերտները հրավիրվելու են միջոցառմանը, իսկ մինչև 7 աշակերտ ներկայացնելու են իրենց զեկույցները:

🔹Զեկույցների ընդունման վերջնաժամկետը մայիսի 15-ն է:

Երևանի քաղաքապետարան