🟨 Վիկտոր Օրբանը Հունգարիայի իշխանության ղեկին էր 16 տարի։

▫️Կիրակի օրը նա պարտություն կրեց ընտրություններում՝ զիջելով իշխանությունը։ Ընտրողները ռեկորդային ակտիվությամբ աջակցել են եվրոպամետ ուղղությանը։

ՄԱՆՐԱՄԱՍՆԵՐ

🟨 Լիբանանում գործողության ժամանակ Իսրայելի պաշտպանության բանակի զինվորները հայտնաբերել և ոչնչացրել են ստորգետնյա թունելային երթուղի, որն օգտագործվում էր «Հեըզբոլլահի» կողմից՝ իսրայելցի զինվորների դեմ ահաբեկչական գործողություններ պլանավորելու և իրականացնելու համար։

Իսրայելի պաշտպանության բանակ

🟩 Հայաստանի սամբոյի հավաքականի անդամները 1 ոսկե և 11 բրոնզե մեդալ են նվաճել Երևանում անցկացված սամբոյի աշխարհի գավաթի խաղարկությունում։

ԿԳՄՍՆ

🟨 Հունգարիայի «Տիսա» կուսակցության ղեկավար Պետեր Մադյարի կողմնակիցները նրան համեմատում էին գարնանային քամու հետ, որը պետք է ցրի այն «քաղաքական մառախուղը», որ ձևավորվել էր Օրբանի 16-ամյա իշխանության տարիներին։

ՄԱՆՐԱՄԱՍՆԵՐ

🟨 ԱՄՆ-Իրան համաձայնագրով հնարավոր է նոր հրադադար։

▫️Եթե կողմերը զգալի առաջընթաց գրանցեն, օրակարգում կարող է դրվել լրացուցիչ հրադադարի ժամկետի՝ հնարավոր է՝ 45 կամ նույնիսկ 60 օրվա հարցը, որը թույլ կտա շարունակել բանակցությունները և լուծել խնդիրները։

Հաքան Ֆիդան

🟨 Մարոկկացի Դրիս Էլ Ջաբլիի՝ տուգանային հրապարակից դուրս խփած գոլը սոցցանցերում համարում են Պուշկաշի մրցանակի հիմնական հավակնորդ։

🟨 Չեմ ցանկանում բանավեճի մեջ մտնել Թրամփի հետ։ Չեմ կարծում, որ Ավետարանի ուղերձը նախատեսված է չարաշահելու համար, ինչպես որոշ մարդիկ են անում։

▫️Ես շարունակելու եմ խոսել պատերազմի դեմ՝ ձգտելով խթանել խաղաղությունը, երկխոսությունը։

Հռոմի Լեւոն XIV պապ

🟨 Իրանից հետո Իսրայելը չի ​​կարող ապրել առանց թշնամու։ Մենք տեսնում ենք, որ նրանք փնտրում են Թուրքիային որպես նոր թշնամի հայտարարելու հնարավորություն։

Հաքան Ֆիդան

🟨 Այս օրերին Երևանում մեկնարկել է Գեղարվեստական տպագրության 1-ին մանկապատանեկան փառատոնը։

▫️Այս նախագիծը բացառիկ է իր ընդգրկմամբ ոչ միայն տարածաշրջանում, այլև ամբողջ աշխարհում՝ միավորելով արվեստի կրթությունը, միջազգային փորձի փոխանակումը և մանկապատանեկան ստեղծագործ ներուժը մեկ հարթակում։

▫️Ծրագրին մասնակցում են Երևանի երաժշտական, արվեստի և կերպարվեստի դպրոցների շուրջ 500 սաներ։ Երկու ամիս շարունակ նրանց հետ դասընթացներ կանցկացնեն Հայաստան ժամանած աշխարհահռչակ արվեստագետներ՝ Տիագո Մոդեստո (Բրազիլիա), Մատեուշ Օտրեմբա (Լեհաստան), Մինճիե Ժանգ (Չինաստան) և Վիկտոր Մանուել Հերնանդեզ Կաստիյո (Մեքսիկա)։

Տիգրան Ավինյան

🟨 Հղում եմ իմ ջերմ շնորհավորանքները Պետեր Մադյարինին և հունգար ժողովրդին՝ հունգարական ընտրություններում տարած հաղթանակի կապակցությամբ։

▫️Այս ժողովրդավարական ընտրությունները արտացոլում են հունգար ժողովրդի կամքը և երկրի ապագայի տեսլականը։

Նիկոլ Փաշինյան

🟨 Կարևոր հանդիպում՝ Հայաստանի խոշոր գործատուների ներկայացուցիչների հետ։

Նիկոլ Փաշինյան

🟨 Հունգարացիները կատարել են իրենց ընտրությունը, և Ռուսաստանը հարգում է այն։ Մնում է տեսնել, թե ինչ գործողություններ կձեռնարկի Հունգարիայի նոր ղեկավարությունը։

Դմիտրի Պեսկով

ՄԱՆՐԱՄԱՍՆԵՐ

🟨 Ինդոնեզիայի Սեմերու հրաբուխը վեց անգամ ժայթքել է՝ մինչև 4,7 կիլոմետր բարձրությամբ մոխիր արտանետելով։

🟨 Հունգարիայի ժողովուրդը վերականգնել է իր եվրոպական ուղին։

▫️Մեր միությունն ավելի ուժեղ է և ավելի միասնական։

Ուրսուլա ֆոն դեր Լայեն

🟨 Պակիստանը, Եգիպտոսը և Թուրքիան մտադիր են համոզել ԱՄՆ-ին և Իրանին բանակցությունների նոր փուլ անցկացնել մինչև ապրիլի 21-ը:

Axios

🟨 Ադրբեջանի և Հայաստանի միջև խաղաղության հասնելու գործում մենք հսկայական ջանքեր ենք գործադրել՝ սկսած ուժի չափավոր կիրառումից մինչև որակյալ դիվանագիտություն` հաշվի առնելով տարածաշրջանային երկրների և համաշխարհային տերությունների շահերը, որպեսզի հակամարտությունը չտարածվի Թուրքիայի վրա։

Հաքան Ֆիդան

🟨 Կրեմլը չի ​​շնորհավորի Մադյարին Հունգարիայի խորհրդարանական ընտրություններում տարած հաղթանակի կապակցությամբ։

▫️Ռուսաստանի և ԵՄ-ի հարաբերությունները չեն կարող վատանալ Հունգարիայի ընտրություններից հետո․ դրանք արդեն իսկ վատթարագույն վիճակում են։

Դմիտրի Պեսկով

🟨 ՀՀ գլխավոր դատախազությունը վերաքննիչ բողոք կներկայացնի Գարեգին Բ-ի նկատմամբ կիրառված խափանման միջոցի վերացման դեմ։

Դատախազություն/©️Radar Armenia

🟨 Իրանի ազգի անունից դատապարտում եմ Հռոմի Լեւոն XIV պապին ուղղված վիրավորանքը։

Մասուդ Փեզեշքիան

🟨 Մեսրոպ Մանուկյանը, անդրադառնալով տրանսպորտի վճարումների թեմային, հայտարարել է. «Եթե չեն կարողանում աշխատել, թող դիմում գրեն, «ռադները» քաշեն՝ գնան»։

▫️Սակայն Մանուկյանն այսօր զբաղեցնում է մի անձի ղեկավարած ցուցակի 13-րդ հորիզոնականը, որի կառավարման տարիներին Երևանից վերացվեցին տրամվայի գծերը՝ այն տրանսպորտային միջոցը, որը ներկայում աշխարհում համարվում է ամենաարդյունավետներից մեկը։

▫️Նա նաև պնդում է, թե ստեղծվել է մենաշնորհ՝ տրվելով «Թելսելին»։ Իրականում «Թելսել»-ը միայն իրականացնում է ծրագրային ապահովումը, իսկ հավաքագրված միջոցները ուղղվում են քաղաքային բյուջե։ Մինչդեռ իրական մենաշնորհը ձևավորվել էր Քոչարյանի ժամանակաշրջանում՝ գծատերերի համակարգի միջոցով, որը ոչ միայն չվերացվեց տարիներ շարունակ, այլև փաստացի դարձավ միակ գործող «համակարգը»՝ վերանալով միայն հեղափոխությունից հետո։

▫️Նման հայտարարություններ անելուց առաջ արժե հիշել սեփական քաղաքական պատասխանատվությունը։ Տրանսպորտի մասին ով ինչ խոսի, դուք ձեր թիմով մի խոսեք:

Ավագանու «Քաղաքացիական պայմանագիր» խմբակցության անդամ Նատալի Սինորյան

🟨 Եթե Պուտինը զանգահարի ինձ, ես կպատասխանեմ, բայց ինքս նրան չեմ զանգի։

▫️Եթե դա տեղի ունենար, ես կասեի՝ դադարեցրեք պատերազմը։

Պետեր Մադյար