🟨 Խորապես վշտացած ենք ապրիլի 8-ին Լիբանանում ավիահարվածների հետևանքով հարյուրավոր զոհերի և հազարից ավելի վիրավորների կապակցությամբ։

▫️Մեր ցավակցությունն ենք հայտնում զոհվածների ընտանիքներին և մաղթում արագ ապաքինում տուժածներին։ Հույս ունենք, որ լարվածությունը կթուլանա և բոլոր ռազմական գործողությունները կդադարեն։

ՀՀ ԱԳՆ

🟨 Կառավարության որոշմամբ՝ հաստատվել է Մերձավոր Արևելքում ռազմական գործողություններով պայմանավորված՝ ՀՀ
վերադարձի ավիատոմսերի համար փոխհատուցում տրամադրելու կարգը։

▫️Որոշումը տարածվում է 2026թ․ փետրվարի 28-ից մարտի 25-ն ընկած ժամանակահատվածում ՀՀ քաղաքացու անձնագրով գնված ավիատոմսերի վրա։

ՓՈԽՀԱՏՈՒՑՄԱՆ ԿԱՐԳ

⬛️ 35 տարեկանում մահացել է դերասան Մայքլ Պատրիկը, որ հայտնի էր «Գահերի խաղը» սերիալում իր դերակատարմամբ։

▫️2023-ին նրա մոտ ախտորոշվել էր շարժիչ նեյրոնների հիվանդություն, որը առաջացնում է մկանային դիսֆունկցիա։

🟨 ՀՀ ԱԳՆ-ում կայացել է Արարատ Միրզոյանի և Ղազախստանի ԱԳ նախարար Երմեկ Կոշերբաևի առանձնազրույցը:

🟨 Լիբանանը և Իրանի դաշնակից խմբավորումները պաշտոնապես ներառված են հրադադարի շրջանակներում։ Պակիստանի վարչապետը հրապարակավ հաստատեց, որ այս դիրքորոշումը անսասան է և անքննարկելի։

▫️Հրադադարի խախտումները ենթադրում են պատասխաններ։

Իրանի խորհրդարանի խոսնակ Մոհամմադ Բաղեր Ղալիբաֆ

🟨 Լիբանանի դեմ կրկնվող ագրեսիան հրադադարի սկզբնական համաձայնագրի կոպիտ խախտում է և խաբեության ու հնարավոր համաձայնագրերի նկատմամբ անվստահության վտանգավոր նշան։

Մասուդ Փեզեշքիան

🟨 ՌԴ-ում շենքերից մեկի շքամուտքի դռան ապակին հանել են, և մարդիկ չնկատելով՝ ընկնում են։

🟨 Վրաստանի Նինոծմինդա սահմանային անցակետը բաց է։

▫️Բավրայի մաքսային անցման կետով երթևեկությունը թույլատրված է բոլոր տեսակի տրանսպորտային միջոցների համար։

ՊԵԿ

🟨 Երևանի քաղաքապետարանի աշխատակազմի հասարակական կարգի պահպանության ծառայությունում առկա են թափուր հաստիքներ։

▫️«Վարչական իրավախախտումների վերաբերյալ» օրենսգրքում կատարված փոփոխությունների շրջանակում իրականացնելու եք ստուգայցեր հանրային տրանսպորտում՝ վերահսկելով ուղեվարձի վճարումները։

ՄԱՆՐԱՄԱՍՆԵՐ

🟨 Ռուսաստանի և ԱՄՆ-ի միջև ուկրաինական հարցով շուրջ շփումները շարունակվում են ոչ պաշտոնական, մասնավոր պայմաններում։

▫️Ամերիկացի միջնորդները ներկայումս զբաղված են այլ գործերով։ Քանի որ նրանք ունեն միջնորդների միասնական թիմ արտաքին քաղաքականության բոլոր ոլորտների համար, այժմ որոշակի դադար է առաջացել։

Սերգեյ Լավրով

🟨 Ըստ իրանական զլմ-ների՝ Իրանի պատվիրակությունը ԱՄՆ-ի հետ բանակցություններում կգլխավորի խորհրդարանի խոսնակ Մոհամմադ Բաղեր Ղալիբաֆը։ Պատվիրակության կազմում են նաև Ազգային անվտանգության գերագույն խորհրդի քարտուղար Մոհամմադ Բաքեր Զոլքադրը և Աբբաս Արաղչին։

▫️Ամերիկյան պատվիրակության կազմում են Ջեյ Դի Վինսը, Սթիվ Ուիթքոֆֆը, Ջարեդ Քուշները և ԱՄՆ կենտրոնական հրամանատարության ղեկավար Բրեդ Քուփերը։

🟨 Իրանական կողմի նախաձեռնությամբ տեղի է ունեցել Արաղչի-Լավրով հեռախոսազրույց։

▫️Լավրովը հույս է հայտնել, որ ԱՄՆ-ի հետ պայմանավորվածությունները վերաբերում են նաև Լիբանանին:

ՌԴ ԱԳՆ

🟨 Իսրայելի պաշտպանության բանակը պատրաստ է ուժ գործադրել, եթե Իրանը կրակ բացի Իսրայելի ուղղությամբ։

Իսրայելի ՊՆ Իսրայել Կաց

🟨 Radar Armenia-ի ձեռքի տակ է հայտնվել Վարչական դատարանի դատավոր Աննա Դիլբարյանի կայացրած հերթական որոշումը (ՎԴ/5029/05/22), որով օրինականացվել է ցելաֆոնապատ դռներով ու տանիքով ավտոտնակի տպավորություն թողնող կառույցը։

▫️Դատավորի որոշմամբ՝ Երևան համայնքին պարտավորեցվել է սեփականության իրավունքով տրամադրել վերջինիս զբաղեցրած և դրա սպասարկման ու պահպանման համար անհրաժեշտ 25.7 քմ մակերեսով Ամիրյան փողոց 11/2 հասցեում գտնվող ընդհանուր օգտագործման համայնքային հողատարածքը, որը գտնվում է ներբակային կանաչապատ տարածքում:

🟨 Երևանի ենթակայության 4 երաժշտական և արվեստի դպրոցներում մեկնարկել է երաժշտության տեսության՝ սոլֆեջոյի և երաժշտական գրականության դասասենյակների վերազինման և տեխնիկական արդիականացման պիլոտային ծրագիրը։

▫️Նոր, ժամանակակից և ինտերակտիվ կրթական միջավայրը նրանց հնարավորություն է տալիս ոչ միայն սովորել, այլև ավելի զարգացնել երաժշտական լսողությունը, ռիթմի զգացողությունն ու տեսական գիտելիքները։

Տիգրան Ավինյան

🟨 Եթե ԱՄՆ-ն ցանկանում է կործանել իր տնտեսությունը՝ թույլ տալով Նեթանյահուին կործանել դիվանագիտությունը, դա նրա ընտրությունը կլինի: Պատրաստ ենք նաև նման սցենարի:

Աբբաս Արաղչի

🟨 Իսրայելի և Լիբանանի միջև հաջորդ շաբաթ Վաշինգտոնում տեղի կունենան բանակցություններ:

Axios-ի լրագրող Բարաք Ռավիդ

🟨 TRIPP-ը շարունակում է մնալ ԱՄՆ-ի առաջնահերթություններից։

▫️ՀՀ-ն համագործակցում է ԱՄՆ-ի և ընտրված 3-րդ կողմերի հետ՝ TRIPP-ի իրականացման ուղղությամբ։ TRIPP-ի և հարակից պայմանավորվածությունների մեկնարկին աջակցելու նպատակով ԱՄՆ-ն ստանձնել է 145 մլն դոլարի պարտավորություն։

ԱՄՆ պետդեպարտամենտի խոսնակ/©️Արմենպրես

ՄԱՆՐԱՄԱՍՆԵՐ

🟨 Նոր փուլ կտեղափոխենք Հորմուզի նեղուցի կառավարումը, կպահանջենք փոխհատուցում պատճառված յուրաքանչյուր վնասի համար։

▫️Իրանի հարևաններ, ականատես եք լինում հրաշքի։ Ճիշտ տեսեք, ճիշտ հասկացեք, ճիշտ դիրքորոշում ընդունեք և զգույշ եղեք սատանայի կեղծ խոստումներից։

Մոջթաբա Խամենեի

🟨 Պուտինը հայտարարել է Զատկի զինադադար։

▫️Այն ուժի մեջ կմտնի ապրիլի 11-ի ժամը 16:00-ից մինչև ապրիլի 12-ի ավարտը։ Մոսկվան ակնկալում է, որ Ուկրաինան կհետևի ՌԴ օրինակին։

Կրեմլի մամուլի ծառայություն

🟨 Ժամը 22:44-ին ՀՀ-Վրաստան սահմանային գոտի՝ Բավրայից 17 կմ հյուսիս-արևելք 3.3 մագնիտուդով երկրաշարժ է գրանցվել։

▫️Էպիկենտրոնային գոտում ստորգետնյա ցնցման ուժգնությունը կազմել է 4-5 բալ: Ցնցումները զգացվել են Շիրակի և Լոռու մարզերում 3 բալ ուժգնությամբ:

ՀՀ ՆԳՆ