🟨 Իրանի հետ ժամանակավոր հրադադարը չի ներառի Լիբանանը։ Այսօր մենք «Հըզբոլլահին» հասցրեցինք ամենածանր հարվածը։

Բենիամին Նեթանյահու

🟨 Իրանն սկզբում առաջարկեց 10 կետից բաղկացած ծրագիր, որն անընդունելի էր։ Ապա առաջարկեցին ավելի ողջամիտ, բոլորովին այլ և հակիրճ ծրագիր։

▫️Նախագահ Թրամփի կարմիր գծերը, մասնավորապես՝ Իրանի ուրանի հարստացման դադարեցումը, չեն փոխվել։

Սպիտակ տան խոսնակ Քերոլայն Լևիթ

🟨 Ավարտվեց «Ուժեղ Հայաստան» կուսակցության համագումարը, որի մասին, զարմանալիորեն, որևէ հրապարակային ինֆո չկար, եթեր չկար և որին ԶԼՄ-ները հրավիրված չէին: Ընդ որում՝ այդ համագումարը տեղի ունեցավ ոչ այն ժամին, որը հրապարակվել էր Azdarar կայքով, իսկ ներսում հայտարարվեց, որ այն «փակ համագումար է»:

▫️Այդուհանդերձ, «Անկախ դիտորդ» դաշինքի ընդլայնված երկարաժամկետ առաքելությանը հաջողացրել է դիտարկել «գաղտնի» համագումարը, քանի որ մեզանից ոչինչ թաքցնել չի լինի, մենք բոլոր ուժերի համագումարներն էլ դիտարկում ենք: Միայն չեմ հասկանում, թե ո՞րն է «փակ» համագումար անելու իմաստը: Իրոք չեմ հասկանում:

▫️Հ.Գ. Քանի որ հրապարակային ինֆո չկա, ես հրապարակեմ, որ հաստատեցին ցուցակի առաջին 30 թեկնածուներին, առաջին համարը Նարեկ Կարապետյանն է, ապա Արամ Վարդևանյան, Գոհար Մելոյան, Դավիթ Ղազինյան, Ռուբեն Մխիթայան, Արեգա Հովսեփյան, Մամիկոն Ասլանյան։

Դանիել Իոաննիսյան

🟨 Իսլամաբադում ԱՄՆ-Իրան բանակցություններից առաջ սահմանափակվել է դեպի կառավարական շենքերի համալիր մուտքը։ Ապրիլի 9-ը և 10-ը հայտարարվել են ոչ աշխատանքային։

🟨 Ֆրանսիայի և Իրանի նախագահները հեռախոսազրույց են ունեցել։

▫️Մակրոնն ընդգծել է Լիբանանում մարտական ​​գործողությունները դադարեցնելու անհրաժեշտությունը։ Փեզեշքիանը նշել է, որ Ֆրանսիայի դերն այս փուլում կարևորագույն նշանակություն ունի։

🟨 Ղազախստանի ԱԳ նախարար Երմեկ Կոշերբաևը ժամանել է Հայաստան: Միրզոյանի հետ քննարկումները մեկնարկել են աշխատանքային ընթրիքի ձևաչափով:

ՀՀ ԱԳՆ

🟨 Սպասվում են տեղումներ, քամի, ամպրոպ:

Եղանակը Երևանում ապրիլի 9-ին՝

🌖 Ցերեկ +11 +13
🌗 Երեկո +11 +13
🌘 Գիշեր +4 +6

ՄԱՆՐԱՄԱՍՆԵՐ

🟨 Լիբանանի վրա Իսրայելի հարձակումների հետևանքով նախօրեին զոհվել է 254 մարդ, կա 1165 տուժած։

🟨 ԱՄՆ նավերը, ինքնաթիռները և զինվորական անձնակազմը՝ լրացուցիչ զինամթերքով, զենքով և այն ամենով, ինչ անհրաժեշտ է արդեն իսկ զգալիորեն քայքայված թշնամու մահացու հետապնդման և ոչնչացման համար, կմնան Իրանում և նրա շրջակայքում, մինչև այն պահը, երբ ձեռք բերված իրական համաձայնագիրը լիովին կատարվի։

Դոնալդ Թրամփ

ՄԱՆՐԱՄԱՍՆԵՐ

🟨 Այսօր ցերեկը մի փոքր արև տեսնենք, որ գիշերը դիմավորենք հաջորդ ակտիվ ցիկլոնին։

Գագիկ Սուրենյան

🟨 ԱՄՆ-ն եվրոպացի դաշնակիցներին խնդրել է Հորմուզի անվտանգության ապահովման համար կոնկրետ ծրագրեր ներկայացնել մի քանի օրվա ընթացքում՝ հրադադարից հետո։

Bloomberg

🟨 Խոսել եմ և՛ Մասուդ Փեզեշքիանի, և՛ Դոնալդ Թրամփի հետ։ Երկուսին էլ ասել եմ, որ հրադադար ընդունելու իրենց որոշումը լավագույնն էր։

▫️Հույս հայտնեցի, որ հրադադարը լիովին կհարգի հակամարտող կողմերից յուրաքանչյուրը՝ բախման բոլոր ոլորտներում, այդ թվում՝ Լիբանանում։ Սա անհրաժեշտ պայման է, որպեսզի հրադադարը լինի հավաստի և երկարատև։

Էմանուել Մակրոն

🟨 Հաստատվել է «Հայաստան» դաշինքի նախընտրական ցանկը։ Առաջին տասնյակը․

▫️ Ռոբերտ Քոչարյան
▫️ Իշխան Սաղաթելյան
▫️ Աննա Գրիգորյան
▫️Սևակ Խաչատրյան
▫️Արթուր Խաչատրյան
▫️Քրիստինե Վարդանյան
▫️Աղվան Վարդանյան
▫️ Գեղամ Մանուկյան
▫️ Ագնեսա Խամոյան
▫️Լևոն Քոչարյան

ՄԱՆՐԱՄԱՍՆԵՐ

🟨 Հրազդանի կիրճի բարեկարգման ծրագիրը ներառում է.

▫️նոր լանդշաֆտ,
▫️ճարտարապետական լուծումներ,
▫️հարմարավետ զբոսայգի,
հանգստի գոտիներ,
▫️սպորտային միջոցառումների անցկացման հարթակներ,
▫️կինոդիտման վայր, նաև սրճարան, որը կդառնա սոցիալական շփումների կենտրոնը կիրճում։

▫️Սրճարանի պահանջը կար, կիրճում սպորտով բազմաթիվ զբաղվողների խնդրանքն ու պահանջն էր։

Տիգրան Ավինյան

ՄԱՆՐԱՄԱՍՆԵՐ

🟨 Մենք իրականացրել ենք խորը վերլուծություն ամբողջ կիրճի վերաբերյալ, ֆլորան և ֆաունան ենք ուսումնասիրել, մշակութային ժառանգություն հանդիսացող հատվածները, հստակ սահմանագծել ենք կիրճը և սպասում ենք ՇՄ նախարարության կողմից օրենսդրական փոփոխություններին, որից հետո Երևանի ավագանին ամբողջ կիրճը կճանաչի համայնքային հատուկ պահպանվող տարածք։

Տիգրան Ավինյան

🟨 Հրազդանի կիրճի մասով սկսում ենք նախագծի իրականացումը։ Կարևոր է, որ տվյալ հատվածն արդեն ապրում է՝ որպես էդպիսին։ Մարզվող, վազքով, քայլով զբաղվող, ձկնորսությամբ զբաղվող քաղաքացիները հիմնականում կենտրոնանում են այդտեղ։ Մեր խնդիրն այդ ժամանցն ավելի հարմարավետ դարձնելն է։

Նիկոլ Փաշինյան

ՄԱՆՐԱՄԱՍՆԵՐ

🟨 Վերջին 4 տարիների ընթացքում Երևան քաղաքում ստեղծվել է մոտ 60 հա կանաչապատ տարածքներ՝ բոլորն իրենց ոռոգման համակարգերով։

▫️Վերջին 4 տարիների արված աշխատանքն ավելին է, քան դրան նախորդող 22 տարիներինը միասին վերցրած։

Տիգրան Ավինյան

🟨 Ամեն օր նամակներ ենք ստանում՝ կապված խցանումների խնդրի հետ։ Աշխատանքային խումբ ենք ստեղծել, հույս ունեմ, որ այն լուծումներ կառաջարկի։

▫️Ոնց որ թե արհեստական բանականությանը այդտեղ ավելի մեծ դերակատարում պիտի վերապահենք։ Մյուս կողմից էլ՝ պետք է հասկանանք՝ ոչ մի փողոց, ոչ մի քաղաք անսահմանափակ չի, չափ ունի։ Մեքենաների ներմուծման վիճակագրությունը պետք է տեսնենք, հասկանանք, որ այդ մեքենան գալիս, մտնում է այդ նույն փողոցը։

Նիկոլ Փաշինյան

🟨 Շուտով կքննարկենք Երևանի ՏԻՄ նոր օրենքը, որտեղ ունենք նոր կարգավորումներ։ Ավտոմեքենաների՝ սխալ վայրում կայանման դեպքերում քարշակ ծառայությունն արտապատվիրակելու հնարավորություն ենք ստեղծում։

▫️Խցանումների 3 կոմպոնենտ կա՝

▫️Ավտոմեքենաների քանակ,
▫️Վարելու պրակտիկա,
▫️Լուծումներ։

Տիգրան Ավինյան