🟨 Ապրիլի 8-ից Պարոնյան փողոց, 22/1 հասցեի շինությանը հարակից ճանապարհահատվածից մինչև Պարոնյան փողոց, 22 հասցեի շենքին հարակից ճանապարհահատված կանգառը կարգելվի:

Երևանի քաղաքապետարան

🟨 Այս պահին ուժեղ հանրահավաք է ԱԺ-ի դիմաց կամ ուժեղ ճեպազրույց:

Ալեն Սիմոնյան

🟨 Իլհամ Ալիևը հանդիպել է Վրաստանի իշխող՝ «Վրացական երազանքի» պատվավոր նախագահ Բիձինա Իվանիշվիլիի հետ։

▫️Հանդիպմանը ներկա է եղել նաև վարչապետ Իրակլի Կոբախիձեն։

🟨 Հյուսիս-արևմուտքից ցուրտ ճակատի ներխուժմամբ պայմանավորված՝ ապրիլի 9-10-ին ողջ հանրապետությունում սպասվում են տեղումներ, Շիրակում, Գեղարքունիքում, Լոռիում, Տավուշի նախալեռներում, Կոտայքի, Արագածոտնի և Վայոց ձորի լեռնային շրջաններում՝ ձյան տեսքով։

▫️Կանխատեսվում է ձյան ծածկի ավելացում 20-50սմ-ով, սպասվում է նաև բուք, ցածր հորիզոնական տեսանելիություն, ճանապարհներին մերկասառույց։

ՇՄ նախարարություն

🟨 «Հըզբոլլահը» հրթիռներ է արձակել իսրայելական Նահարիա քաղաքի վրա։

🟨 Ջեյ Դի Վենսը ժամանել է Բուդապեշտ՝ հանդիպելու վարչապետ Օրբանի հետ։

▫️Հունգարիայում ապրիլի 12-ին խորհրդարանական ընտրություններ կանցկացվեն։

🟨 Ամերիկա-իսրայելական ուժերը «Tomahawk» հրթիռով հարվածել են Թեհրանի Մոլավի շուկային։

▫️Հրթիռի մարտագլխիկը չի աշխատել, ոչնչացվել է երկու խանութ:

Tasnim

🟨 Զինված հարձակում՝ Ստամբուլում Իսրայելի հյուպատոսության վրա․ կա 3 զոհ։

▫️Երկու ոստիկան վիրավորվել է։

🟩 Մարտի 31-ից ապրիլի 3-ը ՀՀ վարչապետի հովանու ներքո անցկացված «Դպրոցականների բասկետբոլի լիգա» մրցաշարին մասնակցեցին Երևանի 10 դպրոցների թիմեր՝ շուրջ 180 դպրոցական՝ երկու տարիքային խմբով։

▫️5-6-րդ դասարանների մրցապայքարում հաղթեց Երևանի Խրիմյան Հայրիկի անվան հ. 10 հիմնական դպրոցի թիմը, իսկ 7-9-րդ դասարանների մրցապայքարում` Երևանի Վարդգես Պետրոսյանի անվան հ. 51 հիմնական դպրոցի թիմը. վերջիններս կմասնակցեն նաև եզրափակիչ փուլին։

Երևանի քաղաքապետարան

🟨 Երևանի քաղաքապետի հանձնարարությամբ քաղաքապետարանի ենթակայության 9 դպրոցներում գործում են խոսակցական անգլերենի ակումբներ, որոնք վարում են բուհերի այն ուսանողները, ովքեր ազատորեն տիրապետում են այդ լեզվին և նախապես անցել են համապատասխան վերապատրաստում։

▫️Մասնակցությունը համայնքի երեխաների համար անվճար է: Գործարկված ակումբներում ներկայում ընդգրկված է միջին և ավագ դասարանների՝ ընդհանուր առմամբ շուրջ 300 սովորող: Հաշվի առնելով ծրագրի նկատմամբ առկա մեծ հետաքրքրությունը՝ նախատեսվում է ակումբների ցանցի մեծացում:

Երևանի քաղաքապետարան

🟨 Հանրահավաքն այս պահին ավելի է ուժեղացել. ենթադրում եմ, որ ՀԱԿ-ը և «Ժառանգություն»-ը ամբողջ կազմով միացան այս ուժեղ պրոցեսին:

▫️Պրոցեսն ուղղորդում է «Ուժեղ Հայաստան» միավորման ԱԳՆ ապագա նախարար Էդգար Ղազարյանը, իսկ ռեժիմը խուճապի մեջ է:

Ալեն Սիմոնյան

🟨 «Էլեկտրատրանսպորտ»-ի վարչական շենքում շարունակվում են ներքին հարդարման, դռների, պատուհանների տեղադրման աշխատանքները: Տանիքի վերակառուցումը գրեթե ավարտված է, զուգահեռաբար տեղադրվում է արևային կայանը:

▫️Վերանորոգման արտադրամասում սկսվել է քանդման գործընթացը, շարունակվում են մետաղական կոնստրուկցիաներով ամրացման աշխատանքները:

Երևանի քաղաքապետարան

🟨 Ալեն Սիմոնյանը և Վալենտինա Մատվիենկոն քննարկել են միջխորհրդարանական կապերին և երկկողմ օրակարգին վերաբերող հարցեր:

▫️Ալեն Սիմոնյանը շնորհավորել է ռուս գործընկերոջը ծննդյան տարեդարձի առթիվ:

ՀՀ ԱԺ

🟨 Բագրատունյաց հ. 48/1 հասցեում գտնվող գեղասահքի և տափօղակով հոկեյի մանկապատանեական մարզադպրոցի վերակառուցման նախագիծն ավարտված է:

▫️Ստացվել է համալիր փորձաքննության դրական եզրակացությունը, այն ներառվել է գնումների պլանում, որին կհաջորդի շինարարության մրցույթը:

Երևանի քաղաքապետարան

🟨 ԱՄՆ-ն հարվածներ է հասցրել Իրանի Խարգ կղզուն։

🟨 Իրանական զլմ-ները հայտնել են Քարաջ քաղաքում երկաթուղային գծին Իսրայելի ավիահարվածի մասին։

🟨 ԻՀՊԿ-ն հայտարարել է պատերազմի նոր փուլի մասին․ նշվում է, որ «Ֆաթեհ» և «Խեյբար-Շեկան» հրթիռների համար կրկնակի արձակման կայանքներ են տեղակայվում։

🟨 Եվրոպան շարժվում է դեպի բոլոր ժամանակների ամենածանր էներգետիկ ճգնաժամերից մեկը։

▫️Եթե ժամանակին միջոցներ չձեռնարկենք, կտեսնենք էներգիայի, նավթի և գազի պակաս։

Վիկտոր Օրբան

🟨 Նախկին օլիգարխիկ խմբերը, արտաքին աջակցությամբ փորձում են ազդել ընտրությունների վրա` օգտագործելով մեծ ֆինանսական ռեսուրսներ:

▫️Չնայած դրան՝ մենք վստահ ենք, որ հայ ժողովուրդը կընտրի ժողովրդավարության ճանապարհը, բայց Եվրոպայի խորհրդի աջակցությունը մեզ համար շատ կարևոր է Հայաստանում թափանցիկ ընտրություններ ապահովելու գործում։

▫️Առաջին ելույթս Եվրոպայի խորհրդի կոնգրեսի նիստում:

Երևանի ավագանու ՔՊ խմբակցության ղեկավար Արմեն Գալջյան

🟨 Մայրաքաղաքում լայնածավալ ծառատունկը շարունակվում է:

▫️Նալբանդյան փողոցում, մետրոյի «Հանրապետության հրապարակ» կայարանի մոտ նոր բացված բնաբաժակներում տնկվել են հասուն և գեղազարդ կատալպաներ:

«Կանաչապատում և շրջակա միջավայրի պահպանություն» ՀՈԱԿ

🟨 🟥 Այսօր երեկոյան մի ամբողջ քաղաքակրթություն կմահանա։ Ես չեմ ուզում, որ դա տեղի ունենա, բայց հավանաբար այդպես կլինի։

▫️Մենք այսօր երեկոյան կիմանանք՝ աշխարհի երկար և բարդ պատմության ամենակարևոր պահերից մեկը։ 47 տարվա շորթումը, կոռուպցիան և մահը վերջապես կավարտվեն։ Աստված օրհնի Իրանի մեծ ժողովրդին։

Դոնալդ Թրամփ