🟨 Իզմիր-Ստամբուլ մայրուղու մոտակայքում վթարի է ենթարկվել Թուրքիայի ռազմաօդային ուժերին պատկանող F-16 կործանիչը։

▫️Օդաչուն զոհվել է։

🟩 Կենսաթոշակներն ու նպաստները ապրիլի 1-ից կբարձրանան 10 000 դրամով՝ չհաշված հետվճարը, որի հիման վրա շահառուները դրանք կարող են բարձրացնել ևս 10 000 դրամով։

Աշխատանքի և սոցիալական հարցերի նախարար Արսեն Թորոսյան

🟨 Նրանք [Իրանը] սպանել են առնվազն 32 000 ցուցարարի՝ իրենց սեփական երկրում։

▫️Նրանք կրակել են ցուցարարների վրա և կախաղան բարձրացրել։

Դոնալդ Թրամփ

🟨 ԱՄՆ Կոնգրեսում Թրամփի ելույթի ժամանակ դեմոկրատ կոնգրեսականը բողոքի ակցիա է իրականացրել, որի պատճառով նրան դուրս են հանել դահլիճից։

🟨 Բիլ Գեյթսը ներողություն է խնդրել իր հիմնադրամի աշխատակիցներից Ջեֆրի Էփշտեյնի հետ կապերի համար։

▫️Նա խոստովանել է, որ երկու սիրավեպ է ունեցել ռուս կանանց հետ՝ միաժամանակ պնդելով, որ ինքը չի մասնակցել Էփշտեյնի հանցագործություններին։

The Wall Street Journal

🟨 143 մանկապարտեզի տնօրենի նկատմամբ որպես խափանման միջոց է կիրառվել բացակայելու արգելք, 2 մլն դրամ գրավ և պաշտոնավարման կասեցում:

Դատախազություն/ ©️Radar Armenia

🟨 Ըստ ադրբեջանական զլմ-ների՝ այսօր Ադրբեջանից Հայաստան կուղարկվի 4500 տոննա դիզելային վառելիք։

🟨 Դուք սպանել եք ամերիկացիների։ Դուք պետք է ամաչեք։

Կոնգրեսականը բղավել է Թրամփի ելույթի ժամանակ

🟨 Բրազիլիայում հորդառատ անձրևների հետևանքով առնվազն 30 մարդ է մահացել, ևս 39-ը անհետ կորած է համարվում։

🟨 Թուրքիայում F-16 կործանիչի կործանման կադրերը։

ՄԱՆՐԱՄԱՍՆԵՐ

🟨 Գերագույն հոգևոր խորհուրդը դժբախտաբար հեղինակազրկված է այլևս և հապճեպ որոշումներով պատճառ է դառնում, որ հակամարտությունը խորանա։ Այսպես էր Գևորգ Սրբազանին կարգալույծ անելու որոշումը։

▫️Կարիք կա սինոդական կառույց ստեղծելու, որի կազմում կներգրավվեն ընդդիմադիր եղբայրները: Այն կարող է աշխատել կառավարության հետ՝ լուծումներ որոնելու և գտնելու ուղղությամբ:

Պոլսո Հայոց պատրիարք Սահակ արքեպիսկոպոս Մաշալյան

ՄԱՆՐԱՄԱՍՆԵՐ

🟨 Արևմուտքից ակտիվ ցիկլոնի ներթափանցմամբ պայմանավորված` փետրվարի 26-ի ուշ երեկոյան, փետրվարի 27-28-ին շրջանների մեծ մասում սպասվում են տեղումներ, լեռնային շրջաններում՝ բուք, ցածր հորիզոնական տեսանելիություն։

▫️Օդի ջերմաստիճանն աստիճանաբար կնվազի 8-12 աստիճանով:

«Հիդրոօդերևութաբանության և մոնիթորինգի կենտրոն» ՊՈԱԿ

🟨 Մարտի 2-ին՝ ժամը 14:00-ին «Արմսվիթ» ՍՊԸ-ում` Մալաթիա-Սեբաստիա վարչական շրջանի Տիչինայի 136 հասցեում անցկացվելու է «Քաղաքացիական պաշտպանության միջոցառումների կազմակերպումը և իրականացումը հակառակորդի հանկարծակի հարձակման ժամանակ» թեմայով ցուցադրական հատուկ տակտիկական ուսումնավարժություն:

▫️Միջոցառման ընթացքում՝ փետրվարի 26-ին փորձի ժամանակ, ժամը 14:00-ից 14:30-ն ընկած ժամանակահատվածում և մարտի 2-ին՝ ժամը 14:00-ին գործարկվելու է ազդարարման շչակ:

Երևանի քաղաքապետարան

🟨 Նիկոլ Փաշինյանը երկօրյա պաշտոնական այցով մեկնել է Լեհաստան։

▫️Այցի շրջանակում վարչապետը հանդիպում կունենա Լեհաստանի վարչապետ Դոնալդ Տուսկի հետ։

🟨 2018թ․, երբ իշխանության էին Սերժ Սարգսյանն ու ռուսաստանցի օլիգարխ Սամվել Կարապետյանի եղբայրը, նվազագույն կենսաթոշակը կազմում էր 16 հազար դրամ:

▫️Մենք 8 տարվա մեջ նվազագույն կենսաթոշակն ավելացրել ենք 30 հազար դրամով՝ չհաշված հետվճարը։

Ռուբեն Ռուբինյան

🟨 Թրամփն ԱՄՆ հոկեյի հավաքականի հետ հանդիպման ժամանակ փորձել է օլիմպիական ոսկե մեդալը և կատակել, որ այն այլևս չի վերադարձնելու։

🟨 Լեհաստանի նախագահ Կարոլ Նավրոցկիի գրասենյակից գողացել են մոտ 141 000 դոլար։

▫️Զլմ-ների տվյալներով՝ հանցագործությանը կարող էին մասնակից լինել նախագահի գրասենյակի մի քանի աշխատակիցներ։

🟨 Ոստիկանության պետի տեղակալ Վարդան Վարդանյանն ազատվել է պաշտոնից։ Նույն պաշտոնին նշանակվել է ոստիկանության գնդապետ Արթուր Բարսեղյանը։

▫️Ոստիկանության պետի տեղակալ Կարեն Հակոբյանը ազատվել է պաշտոնից։ Ոստիկանության գնդապետ Կարեն Խաչատրյանը նշանակվել է համայնքային ոստիկանության գլխավոր վարչության պետի պարտականությունները կատարող։

ՆԳՆ

ՄԱՆՐԱՄԱՍՆԵՐ

🟨 Վլադիվոստոկում 12-ամյա տղան Կոկա-կոլա խմելուց հետո արյունային փսխումով, ծանր վիճակում տեղափոխվել է հիվանդանոց։

▫️Երեխան մեծ քանակությամբ գազավորված ըմպելիք է օգտագործել, ինչը էրոզիվ գաստրիտի սրացում է առաջացրել։

RG

🟨 Փետրվարի 26-28 ընկած ժամանակահատվածում հանրապետության առանձին շրջաններում կթափվեն ամսական նորմայի կրկնակիի չափ տեղումներ:

«Հիդրոօդերևութաբանության և մոնիթորինգի կենտրոն» ՊՈԱԿ

🟨 Ջրամատակարարման ժամանակացույցը տարվա ընթացքում փոփոխության է ենթարկվում՝ ելնելով եղանակային պայմանների փոփոխություններից, նոր ջրասպառողների թվի կտրուկ աճից:

▫️Այն նպատակ ունի նաև կանխել գիշերային ժամերին ջրի կորուստները, ինչը նպաստում է ցերեկային ժամերին սպառողներին կանոնավոր ջրամատակարարմամբ ապահովելուն:

«Վեոլիա Ջուր»

ՄԱՆՐԱՄԱՍՆԵՐ