🟩 Լոս Անջելեսում կայացել է «Գրեմմի»-ի 68-րդ մրցանակաբաշխությունը։

▫️Գլխավոր մրցանակը՝ «Տարվա ալբոմ», ստացել է Bad Bunny-ն՝ «Debí Tirar Más Fotos» ալբոմի համար։

ՄԱՆՐԱՄԱՍՆԵՐ

🟥 Դատարանը մերժել է Սամվել Շահրամանյանի հայցն ընդդեմ Նժդեհ Հովսեփյանի ու ՀՀ կրթության, գիտության, մշակույթի և սպորտի նախարարության՝ զրպարտություն համարվող փաստացի տվյալները հերքելուն պարտավորեցնելու պահանջի մասին։

🟩 Հայաստանի 5 ներկայացուցիչ փետրվարի 6-22-ը Միլանում և Կորտինա դ’Ամպեցոյում կմասնակցի Ձմեռային 25-րդ օլիմպիական խաղերին:

ԿԳՄՍՆ

Մրցելույթների ժամանակացույց

🟨 Տեղի է ունեցել պաշտոնական այցով Հայաստան ժամանած Հնդկաստանի զինված ուժերի պաշտպանության շտաբի պետ, գեներալ Անիլ Չաուհանի դիմավորման արարողությունը։

▫️Հնչել են Հայաստանի և Հնդկաստանի պետական օրհներգերը։

ՀՀ ՊՆ

🟨 Մումբայում գնացք նստելը կենաց-մահու պայքար է։

🟨 Ըստ ադրբեջանական զլմ-ների՝ Նախիջևանի Սահմանադրության նախաբանից կհեռացվեն Մոսկվայի և Կարսի՝ 1921թ․ պայմանագրերին հղումները՝ որպես ինքնավարության հիմք։ Միլի մեջլիսը երկրորդ ընթերցմամբ ընդունել է համապատասխան փոփոխությունները։

▫️Նոր տարբերակում ընդգծվում է, որ Նախիջևանը Ադրբեջանի անբաժանելի մասն է, և նշվում է, որ սահմանադրական հիմք են հանդիսանում 1991թ․ անկախության վերականգնման մասին օրենքները և 1995թ․ Ադրբեջանի Սահմանադրությունը։

ՄԱՆՐԱՄԱՍՆԵՐ

🟨 Հունվարի 31-ին անցկացված «Անգլերեն» առարկայի միասնական քննության որոշ թեստերում արձանագրվել է տեխնիկական խոտան:

▫️Հաշվի առնելով, որ քննասենյակներում ստեղծված իրավիճակը կարող էր որոշակի ազդեցություն ունենալ դիմորդների քննական արդյունքի վրա, Գնահատման և թեստավորման կենտրոնը 2026 թվականի մարտի 1-ին կկազմակերպի «Անգլերեն» առարկայի նոր քննություն:

ԿԳՄՍՆ

🟨 Պուտինի և Զելենսկու միջև բանակցությունները հնարավոր են միայն Մոսկվայում։

Դմիտրի Պեսկով

🟨 Մեդիադաշտում և սոցցանցերում տարածվող պնդումները, թե իբր Նիկոլ Փաշինյանը հավանություն է տվել ապրիլի 7-ին Երևանում ԼԳԲՏ համայնքի շքերթի անցկացմանը, չեն համապատասխանում իրականությանը։

▫️Շրջանառվող նյութը կրում է օտարերկրյա տեղեկատվական մանիպուլյացիոն միջամտության (FIMI) բնորոշ հատկանիշներ և հանդիսանում է հիբրիդային ազդեցության արշավների բաղադրիչ։

Նազելի Բաղդասարյան

ՄԱՆՐԱՄԱՍՆԵՐ

🟨 Իրանի նախագահը հրահանգել է է բանակցություններ սկսել ԱՄՆ-ի հետ։

▫️Բանակցությունները կանցկացվեն բացառապես միջուկային հարցի շրջանակներում։

Fars News Agency

ՄԱՆՐԱՄԱՍՆԵՐ

🟨 Փետրվար ամսին օդի ամսական միջին ջերմաստիճանը կանխատեսվում է նորմայից բարձր 2-3 աստիճանով, տեղումների քանակը՝ նորմայից ավել 5-10մմ-ով։

«Հիդրոօդերևութաբանության և մոնիթորինգի կենտրոն» ՊՈԱԿ

🟨 Նիկոլ Փաշինյանն ու Իլհամ Ալիևը կմեկնեն Աբու Դաբի, որտեղ փետրվարի 4-ին տեղի կունենա Շեյխ Զայեդ հիմնադրամի «Մարդկային եղբայրության համար» 2026թ․ մրցանակաբաշխությունը։

▫️Ըստ ՀՀ վարչապետի մամուլի խոսնակ Նազելի Բաղդասարյանի՝ վարչապետը կմասնակցի նշյալ մրցանակաբաշխությանը։

🟨 Իլհամ Ալիևն աշխատանքային այցով ժամանել է ԱՄԷ։

▫️Նրան դիմավորել է ԱՄԷ նախագահ Շեյխ Մոհամմեդ բին Զայեդ Ալ Նահյանը։

🟨 Ըստ ռուսական զլմ-ների՝ Արա Աբրահամյանի որդին՝ Վլադիսլավը, նշանադրվել է մոդել, Տիմատիի նախկին կին Անաստասիա Ռեշետովայի հետ:

▫️Թաթարական ծագում ունեցող ռուս մոդելը տարիներ առաջ հայտարարել էր իսլամ ընդունելու մասին։

ՄԱՆՐԱՄԱՍՆԵՐ

🟧 Չեմ ընդունում առաջադրված մեղադրանքը և այն համարում եմ անհիմն։

▫️Հարցը վերաբերում է 2023թ. Երևանում ճանապարհային նշանների տեղադրման մրցույթում հաղթող ճանաչված «Իմպեքս» ՍՊԸ-ին, որի պայմանագիրը միակողմանի լուծվել է օրենքի ուղիղ պահանջով՝ բանկային երաշխիքը չներկայացնելու պատճառով։ Գործընթացը չձախողելու նպատակով նախաձեռնել եմ նոր մրցույթ։ Մոտ 1 շաբաթ անց ստացել եմ դատական ակտ, որով արգելվում է Երևանի քաղաքապետարանին ճանապարհային նշանների տեղադրման նոր գնման գործընթաց նախաձեռնել։

▫️Ստացվում է՝ ես, մինչև դատական ակտը ստանալը, պետք է իմանայի նման ակտի մասին և չնախաձեռնեի։ Սա է ամբողջ մեղադրանքն ու իրողությունը։ Դեռևս որպես վկա հարցաքննվելիս բացի բանկային երաշխիք չներկայացնելու փաստից, «Իմպեքս» ՍՊԸ-ի մասով ներկայացրել եմ առերևույթ կեղծ տվյալներ ներկայացնելու մասին տեղեկություններ, որոնց մասով անհասկանալիորեն առ ասյօր որևէ ընթացքի մասին տեղեկություններ չկան։

Երևանի քաղաքապետարանի տրանսպորտի վարչության պետ Վազգեն Հարությունյան

ՄԱՆՐԱՄԱՍՆԵՐ

🟨 Ֆրանսիայի Թուլուզ քաղաքի հիվանդանոցներից մեկում հետազոտության արդյունքում պարզվել է, որ պացիենտի ուղիղ աղիքում հրետանային արկ կա։

▫️Հիվանդանոցի ղեկավարությունը կանչել է սակրավորներին, որոնք հաստատել, որ այն Առաջին համաշխարհային պատերազմի ժամանակաշրջանի հավաքածուի նմուշ է։

ՄԱՆՐԱՄԱՍՆԵՐ

🟨 Դոնալդ Թրամփը հեռախոսազրույց է ունեցել Հնդկաստանի վարչապետ Նարենդրա Մոդիի հետ։

🟨 1985-ին հիմնադրված Պոլիտեխնիկի նախակրթարանում վերջին տարիներին իրականացվում են բարեկարգման և արդիականացման աշխատանքներ՝ ստեղծելով ժամանակակից, անվտանգ և հարմարավետ միջավայր՝ երեխաների ստեղծագործական և ճանաչողական կարողությունների զարգացման համար։

▫️Ուսուցումը կազմակերպվում է նախադպրոցական կրթության հիմնական ծրագրով, ինչպես նաև գործում են ռոբոտաշինության, անգլերենի, ռուսերենի և շախմատի խմբակներ։

Տիգրան Ավինյան

🟨 Մոդիի հետ քննարկել ենք բազմաթիվ հարցեր, այդ թվում՝ առևտուրը և Ռուսաստանի ու Ուկրաինայի միջև պատերազմի ավարտը։

▫️Նա համաձայնել է դադարեցնել ռուսական նավթի գնումները և ավելի շատ գնել ԱՄՆ-ից, հնարավոր է՝ նաև Վենեսուելայից։ Սա կօգնի վերջ դնել Ուկրաինայում ընթացող պատերազմին։

Դոնալդ Թրամփ

🟨 Վստահ ենք, որ Հարավային Կովկասի երկրները, այդ թվում՝ Հայաստանը, հասկանում են, որ Բրյուսելի և Վաշինգտոնի ենթադրաբար բարի մտադրությունների հետևում թաքնված են սառը հաշվարկներ:

▫️Նրանց համար այս տարածաշրջանը, որի հետ ՌԴ-ն պատմականորեն և անբաժանելիորեն կապված է, ոչ այլ ինչ է, քան պոտենցիալ ցավոտ կետ, որի վրա սեղմելով՝ նրանք կարող են փորձել վնասել մեր երկրին:

Սերգեյ Լավրով

ՄԱՆՐԱՄԱՍՆԵՐ

🟨 Ես որևէ կապ չունեմ Ջեֆրի Էփշտեյնի հետ։ Արդարադատության նախարարությունն արդեն հրապարակել է նյութերի միլիոնավոր էջեր, և դրանք ոչինչ չեն պարունակում իմ դեմ։

Դոնալդ Թրամփ