🟨 Օդի ջերմաստիճանը կնվազի:

Եղանակը Երևանում օգոստոսի 9-ին՝

🌖 Ցերեկ +35 +37
🌗 Երեկո +30 +32
🌘 Գիշեր +19 +21

ՄԱՆՐԱՄԱՍՆԵՐ

🟨 Ադրբեջանի և Հայաստանի միջև Վաշինգտոնում ստորագրված խաղաղության համաձայնագիրը պատմականորեն կարևոր է։ Համաձայնագրի ստորագրումը հնարավոր դարձավ Թրամփի միջնորդական առաքելության շնորհիվ։

▫️Ղազախստանը նույնպես իր ներդրումն է ունեցել՝ առաջարկելով Ալմաթան որպես հարթակ՝ խաղաղության պայմանագրի հիմնական պարամետրերի շուրջ արտգործնախարարների միջև բանակցությունների համար։

Ղազախստանի նախագահ Կասիմ-Ժոմարտ Տոկաև

🟨 Չկա այնպիսի բանակցություն, որտեղ մենք Ադրբեջանում անազատության մեջ գտնվող մեր հայրենակիցների թեման չենք բարձրացնում։ Այդ թեման քննարկվել և բարձրացվել է բարձրագույն մակարդակով։ Այլ մանրամասների մեջ չեմ մտնի։ Քննարկումների արդյունքների մասին էլ ձեռնպահ կմնամ որևէ բան ասել, քանի դեռ արդյունք չկա։

Նիկոլ Փաշինյան

🟨 Խաղաղության համաձայնագիրը նախաստորագրվել է, ինչը նշանակում է, որ պաշտոնապես արդեն գրավոր կերպով կողմերը արձանագրել են, որ այդ փաստաթուղթն իրենց համար ընդունելի է և այլևս անփոփոխելի։ Հիմա պետք է աշխատենք հաջորդ փուլի վրա, որպեսզի ստորագրենք։

Նիկոլ Փաշինյան

🟨 Սահմանազատման պրոցեսը պետք է շարունակվի։

Նիկոլ Փաշինյան

🟨 Մենք իրար հետ շատ բարդ ճանապարհ ենք անցել, ըստ էության՝ դժոխքի միջով ենք անցել, և հույս ունեմ, որ տեղի կունենա ՀՀ քաղաքացիների համախմբումը խաղաղության օրակարգի շուրջ։ Դա կլինի նոր՝ ոչ պակաս կարևոր հեղափոխություն մեր երկրի ապագայի տեսակետից։

Նիկոլ Փաշինյան

🟨 Ադրբեջանի և Թուրքիայի ԱԳ նախարարներ Բայրամովն ու Ֆիդանը հեռախոսազրույց են ունեցել։

▫️Թուրքիայի ԱԳ նախարարը շնորհավորել է Ադրբեջանին «Վաշինգտոնում ադրբեջանա-հայ առաջնորդների հանդիպման ժամանակ ձեռք բերված պատմական նվաճումների կապակցությամբ»։

🟨 Ֆրանսիան ողջունում է Թրամփի հովանու ներքո Հայաստանի և Ադրբեջանի միջև հարաբերությունների կարգավորմանն ուղղված համաձայնագրի մասին հայտարարությունը։ Խաղաղության պայմանագրի հնարավորինս շուտ ստորագրումը և վավերացումը կամբողջացնի այս գործընթացը։

▫️Ֆրանսիան աջակցում է կողմերի համատեղ կոչին՝ սկսելու ԵԱՀԿ Մինսկի խմբի կառույցների լուծարումը։

Ֆրանսիայի ԱԳՆ

🟨 Ուկրաինայի տարածքային հարցի պատասխանն արդեն իսկ Ուկրաինայի Սահմանադրության մեջ է։ Ոչ ոք չի նահանջի դրանից։

▫️Մեր դեմ ցանկացած որոշում, Ուկրաինայից դուրս ցանկացած որոշում միաժամանակ խաղաղության դեմ որոշում է։ Դա երբեք չի աշխատի։

Վոլոդիմիր Զելենսկի

🟨 Հայաստանի և Ադրբեջանի միջև խաղաղության և միջպետական հարաբերությունների հաստատման համաձայնագրի նախաստորագրման արարողություն Վաշինգտոնում։

ՀՀ ԱԳՆ

🟨 Սպիտակ տունը տեսանյութ է հրապարակել Թրամփի, Փաշինյանի և Ալիևի երեկվա հանդիպումից։

🟨 Օգոստոսի 8-ին, ժամը 19:50-ից ահազանգեր են ստացվել, որ քամու հետևանքով Երևանում տապալվել են ծառեր, վնասվել շինության տանիքներ, պոկվել շենքի արտաքին երեսպատման սալիկներ, թուլացել լուսացույց։

▫️Փրկարարներն արձագանքել են բոլոր ահազանգերին։

ՆԳՆ փրկարար ծառայություն

🟨 Իրանը ողջունում է Հայաստանի և Ադրբեջանի միջև խաղաղության համաձայնագրի տեքստի վերջնական մշակումը՝ այն համարելով տարածաշրջանում կայուն խաղաղության հասնելու կարևոր քայլ։

▫️Միաժամանակ, Իրանը մտահոգություն է հայտնում ցանկացած արտաքին միջամտության հնարավոր բացասական հետևանքների վերաբերյալ, հատկապես ընդհանուր սահմանների մոտ, որոնք կարող են խաթարել տարածաշրջանի անվտանգությունն ու կայունությունը։

Իրանի ԱԳՆ

ՄԱՆՐԱՄԱՍՆԵՐ

🟨 Բաթումին հեղեղվել է տեղատարափ անձրևից հետո։

🟨 «Թրամփի ուղու» մասին խոսելիս չի կարող միջանցքային տրամաբանություն լինել, որովհետև եռակողմ հռչակագրում նշվում է, որ ապաշրջափակումը տարածաշրջանում տեղի է ունենալու ինքնիշխանության, իրավազորության, տարածքային ամբողջականության, ինչպես նաև փոխադարձության սկզբունքի հիման վրա։

ԱԽ քարտուղար Արմեն Գրիգորյան

🟨 Շինարարի օրվան ընդառաջ՝ շինարարության և քաղաքաշինության ոլորտում ներդրած նշանակալի ավանդի համար, ոլորտի մի շարք ներկայացուցիչներ պարգևատրվել են Էրեբունի Երևան 2800-ամյակի հուշամեդալով, Երևանի քաղաքապետի շնորհակալագրով, արժանացել «Երևան քաղաքի պատվավոր շինարար» կոչմանը։

▫️Երևանի քաղաքապետարանի պարգևները հանձնել է Երևանի փոխքաղաքապետ Սուրեն Գրիգորյանը։

Երևանի քաղաքապետարան

🟨 Ցանկանում ենք, որ մեր տարածքով անցնող միջանցքները ավելի ակտիվորեն ներգրավված լինեն բեռնափոխադրումների մեջ։ Սա բերում է գումար, ստեղծում է աշխատատեղեր, ստեղծում է քաղաքական ազդեցություն։

Իլհամ Ալիև

ՄԱՆՐԱՄԱՍՆԵՐ

🟨 Նուբարաշենի աղբավայրում երեկ գիշերից բռնկված հրդեհի առնչությամբ տեղեկացնում եմ, որ ամբողջ գիշերվա ընթացքում իրականացվել են հրդեհաշիջման աշխատանքներ։ Այս պահին իրականացվում են հովացման աշխատանքներ, սահմանվել է հերթապահություն։

▫️Աղբավայրում մոբիլիզացված են Երևանի քաղաքապետարանի ենթակա կառույցների ջրատար մեքենաները, իսկ քաղաքապետարանի կոմունալ վարչության և վարչական շրջանների կոմունալ բաժինների կողմից նշված հատվածներում կատարվում են հողային աշխատանքներ։

▫️Աշխատանքները համակարգում է Երևանի քաղաքապետի խորհրդական Կամո Արեյանը։

Երևանի քաղաքապետի խոսնակ Հայկ Կոստանյան/ © Radar Armenia

🟨 Վրաստանը ողջունում է այս պատմական պահը Հայաստանի և Ադրբեջանի, տարածաշրջանի և աշխարհի համար:

▫️Վրաստանը միշտ պաշտպանել է տարածաշրջանային խաղաղությունն ու համագործակցությունը և շարունակելու է վճռականորեն աջակցել այս մոտեցմանը:

Իրակլի Կոբախիձե

🟨 Գրեթե 40 տարվա զինված հակամարտությունից հետո ԱՄՆ միջնորդությամբ Ադրբեջանի և Հայաստանի միջև կնքված խաղաղության համաձայնագիրը պատմական շրջադարձային պահ է և հույսի նշան։ Երբ դիվանագիտությունը փոխարինում է զենքին, դա միշտ հիանալի նորություն է։

Իտալիայի փոխվարչապետ Մատտեո Սալվինի

🟨 Շնորհավորում ենք երկու կողմերին՝ Ալիևին և Փաշինյանին, ինչպես նաև Թրամփին՝ տարածաշրջանում խաղաղության, հաշտեցման և ավելի մեծ բարգավաճման ճանապարհ բացելուն նպաստելու համար։

Մոլդովայի նախագահ Մարիա Սանդու