🟨 Ֆրանսիայի և Իրանի նախագահներ Մակրոնն ու Փեզեշքիանը հեռախոսազրույց են ունեցել։

▫️Մակրոնն Իրանին զսպվածության և դիվանագիտության ուղուն վերադառնալու կոչ է արել։ Փեզեշքիանը նշել է, որ ԱՄՆ-ն պետք է պատասխանատվություն կրի ագրեսիայի համար։

ՄԱՆՐԱՄԱՍՆԵՐ

🟨 Իրանի ԱԳ նախարար Աբբաս Արաղչին ժամանել է Մոսկվա։

▫️Նա հանդիպում կունենա ՌԴ նախագահ Վլադիմիր Պուտինի և բարձրաստիճան այլ պաշտոնյաների հետ։

🟨 Դամասկոսի Սուրբ Եղիա եկեղեցում կատարված ահաբեկչության հետևանքները։ Վերջին տվյալներով՝ կա 20 զոհ, 52 վիրավոր։

🟨 ԱՄՆ-ի կողմից Իրանի միջուկային օբյեկտների ռմբակոծությունը վտանգավոր զարգացում է տարածաշրջանում, ուր իրավիճակն արդեն իսկ կրիտիկական էր։

▫️Բախումները պետք է անհապաղ դադարեցվեն, և Իրանի միջուկային ծրագրի վերաբերյալ բանակցությունները վերսկսվեն։

ՄԱԿ-ի գլխավոր քարտուղար Անտոնիու Գուտերեշ

🟨 Իրանի միջուկային օբյեկտներին հասցված վնասը գնահատվում է որպես «մոնումենտալ»։ Հարվածները հզոր էին և ճշգրիտ։ Մեր զինվորականները մեծ հմտություն դրսևորեցին։

Դոնալդ Թրամփ

🟨 Իսրայել ՊԲ-ն հայտնել է, որ հարվածներ է հասցրել Իրանի արևմուտքում գտնվող Քերմանշահ և Համադան քաղաքներում գտնվող հրթիռային պահեստներին։

🟨 ԱՄՆ-ն Իրանին հարվածներով՝ բացել է «Պանդորայի արկղը». ոչ ոք չգիտի, թե դա ինչ հետևանքների կհանգեցնի։

ՄԱԿ-ում ՌԴ ներկայացուցիչ Նեբենզյա

🟨 Մենք խստորեն դատապարտում ենք ԱՄՆ-ի հարձակումներն Իրանի վրա։

ՄԱԿ-ում Չինաստանի մշտական ​​ներկայացուցիչ

🟨 Միացյալ Նահանգները կրկին անզգուշորեն զոհաբերեց սեփական անվտանգությունը՝ միայն Նեթանյահուին պաշտպանելու համար։

▫️Իրանը պահպանում է ԱՄՆ-ի և Իսրայելի ագրեսիայից պաշտպանվելու իրավունքը։ Մեր զինված ուժերը կորոշեն համապատասխան արձագանքի ժամանակը, բնույթը և շրջանակը։

ՄԱԿ-ում Իրանի մշտական ​​ներկայացուցիչ

🟨 «Ռեժիմի փոփոխություն» տերմինի կիրառությունը քաղաքականապես ճիշտ չէ, բայց եթե Իրանի ներկայիս ռեժիմը չի կարողանում Իրանը կրկին մեծ դարձնել, ապա ինչո՞ւ ռեժիմի փոփոխություն տեղի չունենա։

Դոնալդ Թրամփ

🟨 ՌԴ-ն գիշերը հրթիռակոծել է Կիևը, նախնական տվյալներով՝ կա 4 զոհ, 21 տուժած։

🟨 Հնարավոր է կարճատև անձրև և ամպրոպ:

Եղանակը Երևանում հունիսի 23-ին՝

🌖 Ցերեկ +27 +29
🌗 Երեկո +21 +23
🌘 Գիշեր +13 +15

ՄԱՆՐԱՄԱՍՆԵՐ

🟨 Իսրայելի ՊՆ-ն հայտնում է, որ հրթիռակոծում է Իրանի Քերմանշահ քաղաքում գտնվող ռազմական ենթակառուցվածքների օբյեկտները։

🟨 Ծանր վնաս է հասցվել Իրանի բոլոր միջուկային օբյեկտներին: «Հիմնահատակ ոչնչացում»-ը ճիշտ ձևակերպում է։

Դոնալդ Թրամփ

🟨 Երևանի քաղաքապետարանի գործակարգավարական խորհրդակցությունը, որը նախատեսված էր այսօր, կկայանա հունիսի 30-ին։

Երևանի քաղաքապետի մամուլի քարտուղար Հայկ Կոստանյան

🟨 Ըստ իրանական ԶԼՄ-ների` Խորամաբադ քաղաքում Իրանը խոցել է իսրայելական «Հերմես» տեսակի ԱԹՍ։

🟨 Ըստ ԶԼՄ-ների` կադրում Ֆորդոուի ստորգետնյա օբյեկտներն են` ԱՄՆ հարվածներից հետո:

🟨 Երևանում երթևեկության կազմակերպման մեջ մի շարք փոփոխություններ են կատարվել։

▫️Դրանց նպատակը հասարակական տրանսպորտին առաջնահերթություն տալն է՝ այն դարձնելով ավելի արդյունավետ և ժամանակին հասանելի։

▫️Որոշ հատվածներում երթևեկությունը դարձել է ավելի հագեցած, ինչը բնական է նման ընդգրկուն գործընթացների դեպքում։

▫️Քաղաքապետարանն այժմ իրականացնում է մշտադիտարկում լրացուցիչ կարգավորումներով իրավիճակը մեղմելու և երթևեկությունն ավելի հավասարակշռված կազմակերպելու համար։

Հայկ Կոստանյան

🟨 Իսրայելի ՊՆ-ն հայտնել է, որ հարվածել է իրանական 6 ավիաբազայի՝ ոչնչացնելով 15 ինքնաթիռ և ուղղաթիռ, այդ թվում՝ F-14 և F-5 կործանիչներ։

ՄԱՆՐԱՄԱՍՆԵՐ

🟨 Կրիպտոարժույթի շուկայից թարմ տվյալներ։

▫️ Bitcoin - 101848 $
▫️ FTN - 4.4 $
▫️ Ethereum - 2243 $

🟨 ՀՀ ԱԳ նախարար Արարատ Միրզոյանը հունիսի 24-27-ը պաշտոնական այցով կմեկնի Չինաստան։

Չինաստանի ԱԳՆ