🟨 Իրանի խորհրդարանը քվեարկել է Հորմուզի նեղուցը փակելու օգտին։

▫️Վերջնական որոշումը պետք է կայացնի Ազգային անվտանգության խորհուրդը։

🟨 Հեռախոսազրույց է տեղի ունեցել Իրանի նախագահ Մասուդ Փեզեշքիանի և Հնդկաստանի վարչապետ Նարենդրա Մոդիի միջև։

▫️Մոդին մտահոգություն է հայտնել ներկայիս զարգացումների վերաբերյալ և ընդգծել հակամարտության անհապաղ դադարեցման անհրաժեշտությունը երկխոսության միջոցով։

🟨 Հորմուզի նեղուցում նավագնացությունը խափանելու Իրանի փորձն «ինքնասպանություն» կլինի երկրի համար։

ԱՄՆ փոխնախագահ Ջեյ Դի Վենս

🟨 ԱՄՆ-ն չի կարող 100% հաստատել, որ Իրանի միջուկային օբյեկտներն ամբողջությամբ ոչնչացվել են։ Հարվածները թույլ են տվել հետաձգել Իրանի կողմից միջուկային զենքի ստեղծումը։

▫️ԱՄՆ-ն հետաքրքրված չէ Իրան ցամաքային զորքեր ուղարկելով կամ նրա հետ երկարատև հակամարտությամբ։

ԱՄՆ փոխնախագահ Ջեյ Դի Վենս

🟨 Մենք իսկապես խաղաղություն ենք ուզում, բայց այն պայմաններում, երբ Իրանը միջուկային ծրագիր չունենա։ Եվ դա այն է, ինչին նախագահը հասավ։

ԱՄՆ փոխնախագահ Ջեյ Դի Վենս

🟨 Եթե ​​Իրանը հակահարված տա, դա կլինի նրա կողմից երբևէ թույլ տրված ամենամեծ սխալը։

▫️ԱՄՆ-ն պատրաստ է նույնիսկ վաղվանից Իրանի հետ բանակցել։

ԱՄՆ պետքարտուղար Մարկո Ռուբիո

🟨 ԱՄՆ-ի նպատակը՝ ոչնչացնել Իրանի միջուկային օբյեկտները, իրականացել է, Վաշինգտոնի հետագա գործողությունները կախված կլինեն Թեհրանի արձագանքից։

Մարկո Ռուբիո

🟨 Իրանի միջուկային օբյեկտների վրա ԱՄՆ հարձակման վերաբերյալ ՄԱԿ-ի Անվտանգության խորհուրդն այսօր՝ 23։00-ին, արտակարգ նիստ կանցկացնի։

🟨 Իրանի նախագահ Մասուդ Փեզեշքիանը միացել է Իրանի վրա ԱՄՆ-ի հարձակումները դատապարտող հանրահավաքին։

🟨 Հայաստանը միանում է Չարլի Չապլինի «Ոսկու տենդը» ֆիլմի 100-ամյակին նվիրված համաշխարհային ցուցադրությանը՝ 4K որակով։

▫️Մեկօրյա բացառիկ ցուցադրություն հունիսի 26-ին՝ ժամը 19:00-ին, 5 քաղաքներում՝ Երևանում, Գյումրիում, Վանաձորում, Կապանում ու Քաջարանում:

🟨 Դամասկոսի եկեղեցում ահաբեկչություն է տեղի ունեցել։ Կան զոհեր և տուժածներ։

🟨 Իրանի Նաթանզ քաղաքում գտնվող ուրանի հարստացման գործարանը հարվածներից առաջ և հետո։

🟨 Սուրբ Եղիա եկեղեցում տեղի ունեցած պայթյունի հետևանքով զոհվել է առնվազն 5 մարդ, վիրավորվել 30-ը։

▫️Պայթուցիկ սարքը եկեղեցի է բերել մահապարտ ահաբեկիչը։

Al Hadath

🟨 Սուրբ Եղիա եկեղեցում ահաբեկչական հարձակման հետևանքով զոհվել է 9-ը քաղաքացիական անձ, 13-ը՝ վիրավորվել։

Սիրիայի առողջապահության նախարարություն

🟨 Ահաբեկչական հարձակման զոհերի թիվը հասել է 13-ի, վիրավորվել է 53 մարդ։

Սիրիայի առողջապահության նախարարություն

🟨 Իրանին ԱՄՆ-ի հարվածներից հետո Իսրայելի վարչապետ Նեթանյահուն նամակ է թողել «Լացի պատի» մոտ և աղոթել։

🟨 Երեկ տպավորիչ ռազմական հաղթանակ ունեցանք՝ «ռումբը» հանելով Իրանի քթի տակից (և նրանք կօգտագործեին այն, եթե կարողանային):

▫️Շնորհակալություն մեր անհավանական զինվորականներին երեկ երեկոյան կատարած հրաշալի աշխատանքի համար: Սա իսկապես հատուկ իրադարձություն էր։

Դոնալդ Թրամփ

🟨 Դպրոցահասակ երեխաների շրջանում բասկետբոլի մասսայականացման և առողջ ապրելակերպի խթանման նպատակով անցկացվեց «Դպրոցականների բասկետբոլի լիգա» մրցաշարը:

▫️Երևանն աջակցում է նման նախաձեռնություններին և շարունակելու է հետևողականորեն խթանել երեխաների առողջ, ակտիվ և լիարժեք զարգացումը։

Տիգրան Ավինյան

🟨 Ֆրանսիայի և Իրանի նախագահներ Մակրոնն ու Փեզեշքիանը հեռախոսազրույց են ունեցել։

▫️Մակրոնն Իրանին զսպվածության և դիվանագիտության ուղուն վերադառնալու կոչ է արել։ Փեզեշքիանը նշել է, որ ԱՄՆ-ն պետք է պատասխանատվություն կրի ագրեսիայի համար։

ՄԱՆՐԱՄԱՍՆԵՐ

🟨 Իրանի ԱԳ նախարար Աբբաս Արաղչին ժամանել է Մոսկվա։

▫️Նա հանդիպում կունենա ՌԴ նախագահ Վլադիմիր Պուտինի և բարձրաստիճան այլ պաշտոնյաների հետ։

🟨 Դամասկոսի Սուրբ Եղիա եկեղեցում կատարված ահաբեկչության հետևանքները։ Վերջին տվյալներով՝ կա 20 զոհ, 52 վիրավոր։