🟨 Հունիսի 6-ին և 7-ին՝ ժամը 20։00-ին, Թումանյանի անվան զբոսայգում երևանցիներն ու քաղաքի հյուրերը բացառիկ հնարավորություն կունենան վայելելու Մոսկվայի Մեծ թատրոնի «Ժիզել» և «Գալա բալետ» ներկայացումները: Մուտքն ազատ է:

Երևանի քաղաքապետարան

⬛️ Մայիսի 25-ին, ժամը 13:33-ին ահազանգ է ստացվել, որ Շենիկ գյուղի ջրանցքում հատնաբերվել է մայիսի 24-ից որոնվող Վ. Գ.-ի (ծնված 2009 թ.) դին։

▫️Փրկարարները դին դուրս են բերել ջրանցքից:

ՆԳՆ փրկարար ծառայություն

🟨 Ալեն Սիմոնյանի հրավերով Հայաստան է ժամանել Ղրղզական Հանրապետության Ժոգորկու Քենեշի տորագա (նախագահ) Նուրլանբեկ Տուրգունբեկ ուուլուի գլխավորած պատվիրակությունը:

🟨 Տարեցների աշխույժ ժամանցն ապահովելու նպատակով «Արժանավայել ծերություն» տարեցների շահերի պաշտպանություն ՀԿ-ն նախաձեռնել է մի ծրագիր, որի ընթացքում մեծահասակները մասնակցում են օտար լեզուների, պարի և երգի դասընթացների:

▫️Նախագծին աջակցում է Կենտրոն վարչական շրջանը:

Երևանի քաղաքապետարան

🟨 Գյումրի–Երևան երթուղով ընթացող էլեկտրագնացքի մեքենավարական անձնակազմը, շարժվելով սահմանված արագությամբ, նկատել է երկաթուղային գծերի վրա կանգնած անձի, որը գտնվել է գնացքից մոտ 130 մետր հեռավորության վրա՝ մեջքով դեպի գնացքը։

▫️Մեքենավարը անմիջապես կիրառել է ձայնային ազդանշաններ և արտակարգ արգելակում, սակայն բախումը կանխել չի հաջողվել։ Երիտասարդ տղան մահացել է ստացած ծանր վնասվածքներից։

«Հարավկովկասյան երկաթուղի» ՓԲԸ

🟨 Երկօրյա պաշտոնական այցով Հայաստան է ժամանել Սլովակիայի վարչապետ Ռոբերտ Ֆիցոն:

▫️Նախատեսված են հանդիպումներ Նիկոլ Փաշինյանի, Վահագն Խաչատուրյանի հետ:

🟨 Օդի ջերմաստիճանն էապես չի փոխվի:

Եղանակը Երևանում մայիսի 26-ին՝

🌖 Ցերեկ +28 +30
🌗 Երեկո +20 +22
🌘 Գիշեր +14 +16

ՄԱՆՐԱՄԱՍՆԵՐ

🟨 Ես միշտ լավ հարաբերություններ եմ ունեցել Պուտինի հետ, բայց նրա հետ ինչ-որ բան է պատահել: Նա լրիվ խելքը գցել է։ Անիմաստ սպանում է բազմաթիվ մարդկանց, այդ թվում՝ ոչ միայն զինվորների:

▫️ Զելենսկին իր խոսքերով վնաս է հասցնում իր երկրին: Նրա ամեն ասածը խնդիրներ է ստեղծում, և դա ինձ դուր չի գալիս։ Ավելի լավ կլինի՝ նա պարզապես դադարեցնի։

Դոնալդ Թրամփ

ՄԱՆՐԱՄԱՍՆԵՐ

🟨 Թրամփը` ֆոն դեր Լայենի հետ հեռախոսազրույցից հետո որոշել է հետաձգել ԵՄ-ից ներկրվող ապրանքների վրա 50% մաքսատուրք սահմանելու առաջարկը մինչև հուլիսի 9-ը:

🟨 Երևանում մեկնարկել է «Երևանյան երկխոսություն» երկրորդ միջազգային ֆորումը:

🟨 Երևանի փոքր կենտրոնի համար մշակվում է շարժունակության հայեցակարգ։

▫️Բացի առանձնացված ավտոբուսային գծերի ընդլայնումից այն կներառի նաև մի շարք փողոցներ, որտեղ կկիրառվեն երթևեկության սահմանափակումներ՝ այդ փողոցները դարձնելով հետիոտնի համար նախատեսված հատվածներ։

🟨 Այն հրապարակներում, որտեղ ավտոմեքենաների շարժը էականորեն կնվազի, ավելի լայն հնարավորություններ կստանան զարգացման, հատկապես Հանրապետության հրապարակը։

Տիգրան Ավինյան

🟨 Մենք առաջարկում ենք ստորագրել խաղաղության պայմանագիրը և զուգահեռ դիմել ԵԱՀԿ-ին Մինսկի խմբի կառույցները լուծարելու հարցով։

▫️Դա կառուցողական մոտեցում է` ունենալ 2 փաստաթղթեր սեղանին դրված և ստորագրել դրանք միաժամանակ նույն պահին նույն վայրում։

Նիկոլ Փաշինյան

🟩 Բուռն, միջոցառումներով լի ժամանակահատված է մեզ սպասվում։ Ունենք բալետային փառատոն, գինու օրեր, հունիսմեկյան միջոցառումներ։

▫️Առաջարկում ենք լինել ակտիվ, մասնակցել բոլոր միջոցառումներին։

Տիգրան Ավինյան

ՄԱՆՐԱՄԱՍՆԵՐ

🟨 Հայաստանի տեսլականը հստակ է՝ մեր հարևաններից 2-ի հետ հարաբերությունների կարգավորում, միմյանց ինքնիշխանության նկատմամբ լիակատար հարգանք և որևէ մեկի կողմից ներկայացվող տարածքային պահանջների անվերապահ մերժում, ինչպես նաև մյուս երկրների հետ ավանդական հարաբերությունների խորացում։

ԱԳ նախարար Արարատ Միրզոյան

ՄԱՆՐԱՄԱՍՆԵՐ

🟨 Նորագյուղի վերակառուցման ծրագրի իրականացման աշխատանքների հետ կապված քաղաքապետին համապատասխան լիազորություն վերապահելու նախագիծը լրամշակվել է։

▫️Սահմանել ենք բոլոր կարգավորումներն ու դրույթները, որ հնարավորություն կտան կառավարելի դարձնել ծրագրի իրականացման հետ կապված բոլոր բարձրաձայնված ռիսկերի հետ կապված հարցերը։

Սոնա Թևանյան

🟧 Խաղաղության պայմանագիրը ստորագրելուց հետո մենք պարտավոր ենք այն ուղարկել Սահմանադրական դատարան։

◽️Եթե ՍԴ-ն որոշի, թեպետ, մեր փորձագետներն ասում են, որ մեծ չէ հավանականությունը, որ այն չի համապատասխանում Սահմանադրությանը, ազնիվ կասեմ. ես այդ դեպքում կնախաձեռնեմ սահմանադրական փոփոխություններ։ Այս խաղաղության գործընթացը և խաղաղության պայմանագիրը չպետք է բաց թողնվեն։

Նիկոլ Փաշինյան

🟨 Բալետային փառատոնի օրերից առաջ պետք է սկսել աշխատանքներ հարակից ռեստորանների հետ, որպեսզի Մոսկվայի «Большой» թատրոնի ներկայացման ժամանակ նաև բարձրաձայն կլկլոցներ չլսենք այդ հարթակից։

▫️Ցանկալի է՝ այդ օրերին բոլորը համեստ, չափի մեջ լինեն, որովհետև կարևոր միջոցառումներ են քաղաքում։

Տիգրան Ավինյան

🟨 Մենք տեսնում ենք, որ Ադրբեջանի Սահմանադրության մեջ կան որոշ տարածքային պահանջներ ընդդեմ Հայաստանի։ Բայց մենք այդ հարցը առանձին չենք բարձրացրել, քանի որ համարել ենք՝ պայմանագրի համաձայնեցված տեքստում այդ խնդիրը կհասցեագրվի։ Մեր մոտեցումը սա է։

Նիկոլ Փաշինայն

🟨 Չկա և չի կարող լինել «Արևմտյան Ադրբեջան» ՀՀ ինքնիշխան տարածքում։

◽️«Արևմտյան Ադրբեջան» չի կարող լինել Ադրբեջանի արևմտյանի տարածքից դուրս։ Դրա քննարկումը մեզ համար բացառված է։ Դա իրավաչափ դիրքորոշում է։

Նիկոլ Փաշինյան

🟧 Ի՞նչ է առաջարկում Հայաստանը՝ ապահովելու կապակցվածություն Նախիջանի և Ադրբեջանի հիմնական մասի միջև։ Այս առաջարկը պաշտոնական է և սեղանին է։

◽️Գնացքները կարող են գալ, անցնել անձնագրային, սահմանային վերահսկողություն և հասնել մինչև Նախիջևան և հակառակ ուղղությամբ։

◽️Մեզ համար շատ կարևոր է համանման կապակցվածություն ունենալ. Ադրբեջանից Ադրբեջան (նկատի ունի՝ Նախիջևան) Հայաստանի տարածքով և Հայստանից Հայաստան՝ Ադրբեջանի տարածքով։ Պետք է հարգվի երկրների տարածքային ամբողջականությունը և իրավազորությունը։

Նիկոլ Փաշինյան