🟨 Ավստրալիայի արևելքում ջրհեղեղի հետևանքով զոհվել է առնվազն 3 մարդ, շուրջ 23․000 տուն մնացել է ջրի տակ, 48․000 մարդ զրկված է կապի միջոցներից։

🟨 Չեխովի փողոցում հին նատրիումային լուսատուները փոխարինել ենք նոր ու ժամանակակից 125 LED լուսատուներով, որոնք ավելի պայծառ ու էներգախնայող են։

Տիգրան Ավինյան

🟨 Վշտացած ենք Վաշինգտոնում Իսրայելի դեսպանատան աշխատակիցների վրա հարձակման լուրից, որի հետևանքով զոհվել է 2 մարդ։

▫️Միանալով տարբեր երկրներից հնչող ցավակցություններին՝ մենք դեմ ենք ատելության և բռնության բոլոր ձևերին։

ՀՀ ԱԳՆ

🟨 Թուրքիան գոհ է Հայաստանի և Ադրբեջանի միջև խաղաղության պայմանագրի նախագծի վերաբերյալ ձեռք բերված համաձայնությունից։ Խաղաղության հաստատումն օգուտ կբերի ամբողջ տարածաշրջանին։

Թուրքիայի անվտանգության խորհուրդ

🟨 Երևանի Դեղատան 3 հասցեի վարչական շենքից խոշոր չափերով գումար հափշտակելու դեպքի առթիվ քրեական վարույթով ձերբակալվել է 1 անձ։

Հակակոռուպցիոն կոմիտե

Ըստ մամուլի հրատարակումների՝ այդ հասցեում գտնվող ՔԿ շենքից հափշտակել են որպես իրեղեն ապացույց պահվող 590.000 դոլար։

🟨 Ինչպես խոստացել էինք Երևանի ավագանու վերջին նիստում, հրապարակում եմ ավելի քան 45 մանկապարտեզների ցանկը, որոնք օտարվել են 1998-2018թթ. ընթացքում։

▫️Նախնական տվյալներով՝ ամեն տարի շուրջ 7,000 երեխա զրկվել է համայնքային մանկապարտեզ անվճար հաճախելու հնարավորությունից, իսկ շատերը՝ հերթում մնալով, ընդհանրապես չեն ստացել այդ հնարավորությունը։

Երևանի փոխքաղաքապետ Լևոն Հովհաննիսյան

ՑԱՆԿ

🟨 Առանձին շրջաններում սպասվում են տեղումներ:

Եղանակը Երևանում մայիսի 23-ին՝

🌖 Ցերեկ +27 +29
🌗 Երեկո +18 +20
🌘 Գիշեր +14 +16

ՄԱՆՐԱՄԱՍՆԵՐ

🟨 Թրամփի վարչակազմը չեղարկել է Հարվարդի համալսարանի՝ ուսանողների փոխանակման ծրագիր իրականացնելու վկայագիրը, ինչը նշանակում է, որ համալսարանն այլևս չի կարող ընդունել օտարերկրյա ուսանողների:

ՄԱՆՐԱՄԱՍՆԵՐ

🟩 Այսօր դպրոցներում վերջին դասն է:

▫️Համարձակ գնացեք առաջ ձեր երազանքների ու նպատակների հետևից՝ սխալներից սովորելով, երբեք չընկճվելով և աճող կենսունակությամբ։

Ժաննա Անդրեասյանը՝ շրջանավարտներին

ՄԱՆՐԱՄԱՍՆԵՐ

🟨 Վրաստանը Հայաստանի և Ադրբեջանի միջև հակամարտության դադարեցման հարցում շահագրգիռ կողմերից մեկն է։

▫️Խաղաղությունը և կայունությունը նոր հնարավորություններ են բացում 3 երկրների համար։

Վրաստանի նախագահ Միխայիլ Կավելաշվիլի

ՄԱՆՐԱՄԱՍՆԵՐ

🟨 ՀՀ ԱԺ-ում Կառավարության հետ հարցուպատասխանի ժամանակ ՀՀ վարչապետ Նիկոլ Փաշինյանի արած ձևակերպման առնչությամբ վարքագծի կանոնների առերևույթ խախտման վերաբերյալ վարույթ է հարուցվել:

Կոռուպցիայի կանխարգելման հանձնաժողով / ©️ Radar Armenia

🟨 Քննարկեցինք ԵՄ-Ադրբեջան հարաբերությունները, ԵՄ աջակցությունը Հայաստան-Ադրբեջան հարաբերությունների կարգավորման գործընթացին և տարածաշրջանային զարգացումները։

ԵՄ արտաքին կապերի ծառայության գլխավոր քարտուղարը՝ Ադրբեջանի նախագահի օգնական Հաջիևի հետ հանդիպման մասին

🟨 Աբրահամ Լինքոլնի արյունոտված ձեռնոցները, որոնք 1865թ. ապրիլի 14-ին գտնվել են գրպանում՝ նրա վրա հարձակման ժամանակ, աճուրդում վաճառվել են 1.52 միլիոն դոլարով։

ՄԱՆՐԱՄԱՍՆԵՐ

🟨 Կապիտալ նշանակում է՝ ջրագծեր, ջրահեռացման համակարգ և հիմնովին ասֆալտապատում, այսինքն՝ հիմնանորորգում։ Ուսումնասիրության արդյունքում պարզվել է, որ խնդիր կա, դրա համար քանդվում է։ Դրված է նախագծման քաղաքապետարանի շինբարեկարգման բաժնում։

Էրեբունի վարչական շրջանի ղեկավար Հակոբ Բալայանը՝ Արին Բերդի փողոցի վիճակի վերաբերյալ բնակիչների կազմակերպած ակցիային ի արձագանք

🟨 Երևանի Էրեբունի վարչական շրջանի Արին Բերդի փողոցի և Արցախի պողոտայի խաչմերուկը Արին Բերդի 5-րդ նրբանցքի խաչմերուկին միացնող ճանապարհահատվածի հիմնանորոգման նախագծանախահաշվային փաստաթղթերը Երևանի քաղաքապետարանի կողմից 2025 թվականի ապրիլի 30-ին դրվել են մրցույթի: Սակայն մրցույթին հայտ չի ներկայացվել։

▫️Նոր մրցույթի հաղթող ճանաչվելուց հետո կհայտարարվի շինարարության մրցույթ, որից հետո էլ հիմնանորոգման աշխատանքները կմեկնարկեն։

Երևանի քաղաքապետի մամուլի քարտուղար Հայկ Կոստանյան

🟨 Ժամը 12։00-ի դրությամբ պահպանվող հատուկ տարածքներ է տեղափոխվել Վերջին զանգի միջոցառումների մասնակից անձանց 109 տրանսպորտային միջոց։

▫️Դրանցից 78-ի ղեկին եղել են անչափահասներ:

ՆԳՆ

🟨 Մայիսի 20-ի դրությամբ՝ ՀՀ քաղաքացիություն ստանալու համար դիմել է ԼՂ-ից բռնի տեղահանված 9451 անձ։

▫️ՀՀ քաղաքացիություն է ստացել 8315 անձ։

ՆԳ նախարարի տեղակալ Արմեն Ղազարյան

🟨 Ուկրաինական ճգնաժամի կարգավորման փաստաթղթերի ստորագրման ժամանակ Զելենսկու լեգիտիմության հարցը վճռորոշ նշանակություն է ունենալու։

Սերգեյ Լավրով

🟨 Վարորդական վկայականները սեպտեմբերի 1-ից կթվայնացվեն։

▫️Եթե պարեկային ծառայության աշխատակիցը նույնականացնում է վարորդին, ապա վարչական իրավախախտումը, որը նախատեսված է վկայականն իր մոտ չունենալու դեպքում, չի կիրառվի։

▫️Օրենքն ուժի մեջ կմտնի ԱԺ-ում ընդունվելուց հետո։

ՆԳ նախարարի տեղակալ

ՄԱՆՐԱՄԱՍՆԵՐ

🟨 Եթե այսպես կոչված [Ուկրաինայի] կառավարությունը, հույս ունի, որ ինչ-որ կերպ կհաջողվի համաձայնության գալ մարտական գործողությունները դադարեցնելու վերաբերյալ, և Ուկրաինայի մնացած մասը կապրի իրենց ընդունած օրենքների համաձայն, ապա դա պատրանք է։

Սերգեյ Լավրով

🟨 📕 ԱՆԻՖ-ի կողմից համակարգվող ԱՌՖԻ ներդրումային ընկերությունը հայտնվել է լուծարման շեմին։ Սա առաջին պետական մասնակցությամբ ներդրումային քրաուդֆանդինգ հարթակն էր միջազգային մասշտաբով։ Նորարարական բնույթով այն նախատեսում էր վերափոխել Սփյուռք-Հայաստան տնտեսական հարաբերությունների համակարգը՝ ներդնելով «գործնական ներդրողի» տրամաբանությունը։

▫️Նախագծով ներգրավվելու էր 3.9 մլրդ ՀՀ ֏ ներդրում՝ 300+ հայտերից։

Հ.Գ. Պետական լիցենզավորված, պատրաստ մի նախագիծ այսօր անտեսվում է ոչ պրոֆեսիոնալ կառավարման պատճառով՝ ապարդյուն դարձնելով արդեն իսկ արված պետական ներդրումը։

ՄԱՆՐԱՄԱՍՆԵՐ