🟨 Այսօր Ստամբուլում տեղի կունենա երկու եռակողմ հանդիպում՝ Թուրքիայի, ԱՄՆ-ի, Ուկրաինայի, ինչպես նաև Թուրքիայի, Ռուսաստանի և Ուկրաինայի մասնակցությամբ:

Anadolu Agency

🟨 ԱՄՆ պետքարտուղար Մարկո Ռուբիոն ժամանել է Ստամբուլ:

🟨 Ֆուտբոլային խաղի ժամանակ դաշտ ներխուժած երիտասարդի նկատմամբ բռնություն կիրառած անձը, իմ խորին համոզմամբ, այլևս տեղ չի կարող ունենալ ոչ մի խաղի ժամանակ անվտանգության իրականացնելու համար՝ անկախ նրանից, թե ինչն է եղել պատճառը:

Ալեն Սիմոնյան

ՄԱՆՐԱՄԱՍՆԵՐ

🟨 Ստամբուլում մեկնարկում են ԱՄՆ-ի, Թուրքիայի և Ուկրաինայի բանակցությունները:

🟨 Տիրանայում կայացել է Իլհամ Ալիևի հանդիպումը ԵՄ խորհրդի նախագահ Անտոնիո Կոշտայի և Ուրսուլա Ֆոն դեր Լյայենի հետ:

🟨 🟧 Հայաստան-Վրաստան սահմանային գոտի՝ Բավրա գյուղից 8 կմ հյուսիս-արևելք, օջախի 10 կմ խորությամբ, 2․3 մագնիտուդով երկրաշարժ է գրանցվել:

▫️Էպիկենտրոնային գոտում ստորգետնյա ցնցման ուժգնությունը կազմել է 3 բալ:

ՆԳՆ

🟨 Ադրբեջանն ու Հայաստանը շատ մոտ են համաձայնությանը:

▫️Կարծում եմ՝ բոլորի շահերից է բխում, որ նրանք ստորագրեն խաղաղության համաձայնագիրը:

ԵՄ բարձր ներկայացուցիչ Կայա Կալաս

🟨 Թուրքիայի, ԱՄՆ-ի և Ուկրաինայի եռակողմ բանակցություններն ավարտվել են Ստամբուլում:

▫️Դրանք ընթացել են ավելի քան մեկ ժամ:

🟩 Երևանի քաղաքապետարանի ենթակայությամբ գործող «Մհեր Մկրտչյան» արտիստական թատրոնը կառուցումից ի վեր առաջին անգամ հիմնանորոգվել ու վերազինվել է:

Նախագծի շրջանակում տրվել են համալիր լուծումներ.
▫️ջրահեռացման համակարգի փոխարինում,
▫️տանիքի վերանորոգում,
▫️դռների ու պատուհանների փոխարինում,
▫️հակահրդեհային անվտանգության նոր համակարգերի տեղադրում:

Թատրոնը հագեցվել է լուսաձայնային նոր սարքավորումներով, նորոգվել են բեմն ու դահլիճը:

Տիգրան Ավինյան

🟨 Ադրբեջանական ԶԼՄ-ները կադրեր են հրապարակել Նիկոլ Փաշինյանի և Իլհամ Ալիևի հանդիպումից, որը տեղի է ունեցել Եվրոպական քաղաքական համայնքի 6-րդ գագաթնաժողովի շրջանակում:

🟨 «Քաղաքացիական պայմանագրից» հեռացված Հովիկ Աղազարյանն ու Հակոբ Ասլանյանը նախաձեռնում են վարչապետի իմպիչմենտի գործընթաց՝ այդ պաշտոնում առաջադրելով Էդմոն Մարուքյանին:

🟨 Նիկոլ Փաշինյանը ևս հայտնել է Տիրանայում Իլհամ Ալիևի հետ հանդիպման մասին և կադրեր հրապարակել:

🟨 Պուտինի և Թրամփի շփումները չափազանց կարևոր են ուկրաինական կարգավորման համատեքստում:

▫️Կրեմլը համաձայն է այդ թեզի հետ:

Դմիտրի Պեսկով

🟨 Տիրանայում Նիկոլ Փաշինյանը շփում է ունեցել Ռեջեփ Էրդողանի հետ. ապա առանձնազրույց են ունեցել Էրդողանն ու Ալիևը։

🟨 Ստամբուլում մեկնարկում են Ռուսաստանի, Ուկրաինայի և Թուրքիայի ներկայացուցիչների բանակցությունները:

🟨 Մակրոնն ու Ալիևը ջերմ զրույցի են բռնվել։

🟨 ԵՄ խորհրդի նախագահը և ես շնորհավորեցինք Հայաստանի և Ադրբեջանի առաջնորդներին խաղաղության պայմանագրի վերջնականացման կապակցությամբ։ Սպասում ենք դրա՝ արագ ստորագրմանը։

▫️ԵՄ-ն պատրաստ է ներդրումներ կատարել տարածաշրջանային հաղորդակցությունների ոլորտում։

Եվրահանձնաժողովի նախագահ Ուրսուլա ֆոն դեր Լայեն

🟨 Եվրոպական համայնքի 6-րդ գագաթնաժողովի ժամանակ ցուցադրվել է «Բարի գալուստ, Ալբանիա» խորագրով տեսահոլովակ, որտեղ Եվրոպայի՝ արհեստական բանականության միջոցով մանկացած առաջնորդները ողջունում են բոլորին։

🟨 «Երկիր մեդիա» հ/ը-ն դադարեցրել է իր գործունեությունը։ Ըստ լուրերի՝ պատճառը ֆինանսական խնդիրներն են։

◽️Հ/ը-ի տնօրեն Բագրատ Եսայանը Radar Armenia-ի հետ զրույցում ասաց, որ դադարի նպատակը բովանդակային և ծրագրային թարմացումն է, տեխնիկական վերազինումը. «Ֆինանսական պարտավորություն չունենք, բացի ընթացիկ գործունեության հետ կապված ֆինանսական հարցերից»։

ՄԱՆՐԱՄԱՍՆԵՐ

🟨 Նիկոլ Փաշինյանն ու Իլհամ Ալիևը կարևորել են Հայաստան-Ադրբեջան խաղաղության համաձայնագրի տեքստի համաձայնեցումը։

▫️Կողմերը քննարկել են ընթացիկ վիճակը և կարևորել ստորագրման ուղղությամբ գործընթացի շարունակականությունը:

ՄԱՆՐԱՄԱՍՆԵՐ

🟨 ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասի հետ քննարկեցինք ՀՀ-ԵՄ համագործակցության հետագա զարգացմանը վերաբերող հարցեր:

Նիկոլ Փաշինյան