🟩 Հունահռոմեական ոճի ըմբիշ Կարեն Ասլանյանը (63 կգ) 8։0 հաշվով ժամանակից շուտ հաղթել է ուկրաինացի Անդրեյ Սեմենչուկին և դուրս եկել Եվրոպայի առաջնության եզրափակիչ։

🟨 Ֆլորիդայում Cessna 310R ինքնաթիռ է կործանվել։ Ըստ նախնական տեղեկությունների՝ 3 մարդ մահացել է։

🟨 170 երեխայի համար նախատեսված Կապանի թիվ 1 մանկապարտեզը սուբվենցիոն ծրագրով հիմնանորոգվել է:

Նիկոլ Փաշինյան

🟩 Մալխաս Ամոյանը (77 կգ) 5։1 հաշվով հաղթել է Բուլղարիայի ներկայացուցիչ Հայկ Մնացականյանին և դուրս եկել Եվրոպայի առաջնության եզրափակիչ։

🟨 Վլադիմիր Պուտինի և Սթիվեն Ուիթքոֆֆի հանդիպումն ընթանում է փակ դռների հետևում։

Դմիտրի Պեսկով

🟨 Սյունիքում գործարկվեց էկոպարեկային ծառայությունը։

Նիկոլ Փաշինյան

🟨 Անթալիայում Վրաստանի վարչապետ Իրակլի Կոբախիձեն հանդիպել է Ադրբեջանի նախագահ Իլհամ Ալիևի հետ։

▫️Ընդգծվել է երկու երկրների միջև ռազմավարական գործընկերության զարգացման դրական դինամիկան, տարածաշրջանում խաղաղության և կայունության ապահովման հարցում համատեղ ջանքերի անհրաժեշտությունը։

🟨 Արգենտինացի ֆուտբոլիստ Լիոնել Մեսսին Instagram-ի իր պաշտոնական էջում հայկական «Թումո» ընկերությունը ներկայացնող story է հրապարակել։

🟨 Երևանցիների համար բարեկարգ, կանաչ և հարմարավետ բակեր ունենալը մեզ համար սկզբունքային է։ Աջափնյակում փուլ առ փուլ մաքրում ենք տարիներով ցանկապատված տարածքները և վերադարձնում բակային կյանքը։

▫️Այստեղ կստեղծվեն զրուցարաններ, ժամանակակից խաղահրապարակներ, հանգստի գոտիներ։ Կանաչապատելու ենք հարակից հատվածները՝ ձևավորելով միջավայր, որը հաճելի է թե՛ մեծ, թե՛ փոքր երևանցիների համար։

Տիգրան Ավինյան

🟨 Ըմբիշ Արթուր Ալեքսանյանը սեղմման ուժի նոր համաշխարհային ռեկորդ է սահմանել։

▫️Ալեքսանյանի սեղմման ուժը կազմել է 195 ֆունտ: Նա գերազանցել է իրանցի Ամիրրեզա Մասումիի ռեկորդը՝ 186.6 ֆունտ։

🟨 Պուտին-Ուիթքոֆֆ բանակցություններն ավարտվել են։ Հանդիպումը տևել է շուրջ 4,5 ժամ։

🟨 Սպասվում են տեղումներ:

Եղանակը Երևանում ապրիլի 12-ին՝

🌖 Ցերեկ +13 +15
🌗 Երեկո +8 +10
🌘 Գիշեր +4 +6

ՄԱՆՐԱՄԱՍՆԵՐ

🟨 Հակամարտությունից հետո Ուկրաինան կարող է բաժանվել վերահսկողության գոտիների, ինչպես Բեռլինը՝ Երկրորդ համաշխարհային պատերազմից հետո։

▫️ՄԹ և Ֆրանսիայի զորքերը կարող են տեղակայվել Ուկրաինայի արևմուտքում՝ որպես անվտանգության երաշխավոր։

Թրամփի հատուկ բանագնաց Քիթ Քելլոգ

The Times

ՄԱՆՐԱՄԱՍՆԵՐ

🟨 Անթալիայում հանդիպել են Ադրբեջանի և Թուրքիայի ԱԳ նախարարներ Ջեյհուն Բայրամովն ու Հաքան Ֆիդանը։

▫️Բայրամովը Ֆիդանին տեղեկացրել է Բաքվի և Երևանի միջև հարաբերությունների կարգավորման գործընթացի մասին։

🟨 Times-ի հոդվածը խեղաթյուրում է իմ ասածը: Ես խոսում էի Ուկրաինայի ինքնիշխանությանն աջակցող պահպանման ուժերի մասին հրադադարից հետո, հղում էի անում դաշնակից ուժերի պատասխանատվության գոտիներին՝ առանց ամերիկյան զորքերի:

▫️Ես նկատի չունեի Ուկրաինայի մասնատումը։

Թրամփի հատուկ բանագնաց Քիթ Քելլոգ

🟨 Իրանական պատվիրակությունը՝ ԱԳ նախարար Աբբաս Արաղչիի գլխավորությամբ, Թեհրանից մեկնել է Օման՝ Իրան-ԱՄՆ բանակցություններին մասնակցելու։

🟨 Դատապարտում ենք ԵԽԽՎ նախագահ Թեոդորոս Ռուսոպուլոսի կողմից Բաքվի հասցեին հնչեցրած մեղադրանքները։

▫️Ադրբեջանի ղեկավարին բռնապետ անվանելը միանգամայն անընդունելի է։ Ռուսոպուլոսի անունը ԵԽԽՎ 76 անդամների հետ ընդգրկված է Ադրբեջանի ԱԳՆ սև ցուցակում։

Ադրբեջանի ԱԳՆ

🟨 Եթե ​​բանակցությունների մյուս կողմը հանդես գա հավասար դիրքերից, ապա հնարավորություն կստեղծվի նախնական փոխըմբռնման հասնելու, որը կարող է ճանապարհ բացել դեպի բանակցային գործընթաց։

Իրանի արտգործնախարար Աբբաս Արաղչի

🟧 Անթալիայում մեկնարկել է Արարատ Միրզոյանի և Ջեյհուն Բայրամովի երկկողմ հանդիպումը:

ԱԳՆ մամուլի խոսնակ Անի Բադալյան

🟨 Թումանյան փողոցում ապամոնտաժել ենք սյուների գովազդային վահանակները:

Երևանի քաղաքապետարան

🟨 Արարատ Միրզոյանն ու Ջեյհուն Բայրամովը քննարկել են Հայաստանի և Ադրբեջանի միջև խաղաղության և միջպետական ​​հարաբերությունների հաստատման մասին համաձայնագրի տեքստի ավարտից հետո կարգավորման գործընթացում առկա իրավիճակը:

▫️Նախարարները պատրաստակամություն են հայտնել շարունակել երկխոսությունը։

ՀՀ ԱԳՆ