🟨 Չեմ պատրաստվում հրաժարական տալ։

▫️Պատրաստ եմ առաջիկա 3-4 ամիսների ընթացքում նոր ընտրությունների, եթե դա պահանջի ընդդիմությունը, բայց կարծում եմ, որ այդ ընտրություններն ինձ ավելի համոզիչ հաղթանակ կտան։

Սերբիայի նախագահ Ալեքսանդր Վուչիչ

🟨 Տեղի է ունեցել Նիկոլ Փաշինյանի հեռախոսազրույցը Մասուդ Փեզեշքիանի հետ։ 
 
▫️Վարչապետն Իրանի նախագահին տեղեկացրել է Հայաստանի և Ադրբեջանի միջև խաղաղության համաձայնագրի նախագծի տեքստի համաձայնեցման շուրջ բանակցությունների ավարտի մասին։ 

🟨 Թրամփի և Պուտինի հանդիպումը կկազմակերպվի, հենց անհրաժեշտություն լինի։ Մինչ այդ շփումները շարունակվում են այլ մակարդակներում։

ՌԴ նախագահի օգնական Յուրի Ուշակով

🟨 Ադրբեջանի ՊՆ հաղորդագրությունը, թե իբր մարտի 16-ին՝ ժամը 09։45-ի սահմաններում, ՀՀ ԶՈՒ ստորաբաժանումները կրակ են բացել սահմանագոտու հարավարևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը։

ՀՀ ՊՆ

🟨 Մարտի 18-ի երեկոյան ժամերից մինչև 22-ը հանրապետության տարածքում սպասվում են տեղումներ, առանձին հատվածներում կդիտվեն գարնան առաջին ամպրոպները։

Գագիկ Սուրենյան

🟨 Հյուսիսային Մակեդոնիայի Կոչանի քաղաքի գիշերային ակումբներից մեկում հրդեհ է բռնկվել․ կա առնվազն 51 զոհ և 100-ից ավելի վիրավոր։

🟨 Ակնկալվում է, որ Պուտինը և Թրամփը հեռախոսազրույց կունենան հաջորդ շաբաթ։

ԱՄՆ նախագահի հատուկ բանագնաց Սթիվ Ուիթքոֆ

🟨 Պուտինն ընդունում է Թրամփի փիլիսոփայությունը: Նա ցանկանում է վերջ տալ այս պատերազմին:

ԱՄՆ նախագահի հատուկ բանագնաց Սթիվ Ուիթքոֆ

🟨 ԱՄՆ-ի և Թուրքիայի նախագահներ Թրամփն ու Էրդողանը հեռախոսազրույց են ունեցել։

▫️Քննարկվել են երկկողմ և տարածաշրջանային հարցեր։

🟨 Զելենսկու հրամանագրով՝ Անդրեյ Գնատովը նշանակվել է Ուկրաինայի ԶՈՒ գլխավոր շտաբի պետ՝ փոխարինելով Անատոլի Բարգիլևիչին։

🟨 Ադրբեջանի ՊՆ-ն կրկին ապատեղեկատվություն է տարածել։

▫️Ադրբեջանի ՊՆ հաղորդագրությունը, թե իբր մարտի 16-ին՝ ժամը 18։35-ի սահմաններում, ՀՀ ԶՈՒ ստորաբաժանումները կրակ են բացել սահմանագոտու հարավարևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը։

ՀՀ ՊՆ

🟨 Ադրբեջանի ՊՆ-ն շարունակում է ապատեղեկատվություն տարածել։

▫️Ադրբեջանի ՊՆ հաղորդագրությունը, թե իբր մարտի 16-ին՝ ժամը 20։10-20։45-ն ընկած ժամանակահատվածում, ՀՀ ԶՈՒ ստորաբաժանումները կրակ են բացել սահմանագոտու հարավարևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը։

ՀՀ ՊՆ

🟨 Տեղի է ունեցել Նիկոլ Փաշինյանի հեռախոսազրույցը Էմանուել Մակրոնի հետ։
 
▫️Վարչապետը Ֆրանսիայի նախագահին տեղեկացրել է Հայաստանի և Ադրբեջանի միջև խաղաղության համաձայնագրի նախագծի տեքստի համաձայնեցման շուրջ բանակցությունների ավարտի մասին։

🟨 ՀՀ վարչապետի աշխատակազմը քանիցս առաջարկել է հրադադարի ռեժիմի խախտման դեպքերի և/կամ այդ մասին տեղեկությունների հետաքննության Հայաստան-Ադրբեջան համատեղ մեխանիզմ ստեղծել, ինչին մինչև օրս Ադրբեջանը չի արձագանքել։

ՀՀ ՊՆ

🟨 Վատիկանը հոսպիտալացումից հետո առաջին անգամ հրապարակել է Հռոմի Ֆրանցիսկոս պապի լուսանկարը։

▫️Նա հիվանդանոցի մատուռում մասնակցել է պատարագի։

🟧 Հվ. Կովկասում հակամարտությունը պետք է ավարտվի։ Խոսել եմ Հիքմեթ Հաջիևի հետ։ Նրան ասացի, որ պահն է վերջնականացնել պայմանագիրը, ազատել ձերբակալվածներին և տարածաշրջանը դարձնել ավելի անվտանգ ու բարգավաճ։

▫️Ուրախ ենք, որ Հայաստանն ու Ադրբեջանը մեծ քայլ են կատարել և համաձայնեցրել խաղաղության պայմանագիրը։ Ամերիկյան ոսկեդարը խաղաղություն և զարգացում կբերի աշխարհին, և մենք կանգ չենք առնի, մինչ չհասնենք դրան։

ԱՄՆ Նախագահի ազգային անվտանգության գծով խորհրդական Մայք Ուոլթս

🟨 Օդի ջերմաստիճանն աստիճանաբար կբարձրանա ևս 1-3 աստիճանով:

Եղանակը Երևանում մարտի 17-ին՝

🌖 Ցերեկ +22 +24
🌗 Երեկո +14 +16
🌘 Գիշեր +4 +6

ՄԱՆՐԱՄԱՍՆԵՐ

🟨 Մարտի 16-17-ին Եվրամիության դիտորդական առաքելությունը պարեկներ է ուղարկել Հայաստան-Ադրբեջան սահմանի տարբեր հատվածներ: Իրավիճակը մնում է հանգիստ և խաղաղ, և որևէ անսովոր գործողություն չի արձանագրվել:

ՀՀ-ում ԵՄ դիտորդական առաքելություն

🟨 Դոնալդ Թրամփը հայտարարել է, որ երեքշաբթի օրը հեռախոսազրույց կունենա Վլադիմիր Պուտինի հետ:

🟨 Մարտի 3-ից 16-ն ընկած ժամանակահատվածում տոմսային համակարգում արձանագրվել է 4.640.181 վավերացում, որից՝

▫️տրոլեյբուս - 157.192
▫️մետրո - 1.700.615
▫️ավտոբուս - 3.475.374:

🟨 Տոմսային համակարգում կրիչների կիրառությունը՝

▫️QR - 14.811.893
▫️տրանսպորտային քարտ - 1.701.908
▫️բանկային քարտ - 3.102.227