🟨 Ի պատասխան «Հետքում» հրապարակված «Ինչ կապ ունեն ԱՆԻՖ-ը, Դելավերի օֆշորային ընկերությունները և Տիգրան Ավինյանի կնոջ ընկերուհին» վերնագրով հոդվածի՝ հայտնում եմ հետևյալը։

▫️Հոդվածում նշված «Սի Էֆ Դաբլյու» ընկերության 51%-ի բաժնեմասի սեփականատերը հանրահայտ ամերիկյան Orbis Operations ընկերությունն է։ Ամերիկյան կողմը ձեռք է բերել իր մասնաբաժինը՝ ներդնելով 5.8 միլիոն ԱՄՆ դոլար արժողությամբ տեխնոլոգիա։

▫️2023թ. վերջի դրությամբ ընկերությունում աշխատում էին 12 բարձրակարգ մասնագետ, ովքեր անցնում էին մասնագիտական պատրաստություն կիբերանվտանգության ոլորտում՝ կիրառելով նորագույն տեխնոլոգիաներ։

▫️Ընկերությունը հաստատել էր համագործակցություն մի շարք բանկերի, նախարարությունների և պետական այլ կառույցների հետ՝ նրանց կիբերանվտանգությունը բարձրացնելու նպատակով։

▫️Տեղեկությունն այն մասին, թե ընկերությունը հաշվետվություն չի տրամադրել, չի համապատասխանում իրականությանը։

▫️Ինչ վերաբերում է այն հանգամանքին, որ ներկայումս ընկերությունում աշխատում է միայն մեկ անձ, ապա այս հարցի պարզաբանումը պետք է տրամադրեն այն պաշտոնյաները, ովքեր ստանձնեցին այդ պատասխանատվությունը՝ փոփոխություններ կատարելով ԱՆԻՖ-ի հիմնադիր կազմում։

▫️Ինչ վերաբերում է ընկերության տնօրենի անձնական կապերին, նշեմ, որ նա նախկինում աշխատել է «Ֆլայ Արնա» ընկերությունում՝ զբաղեցնելով բարձր պաշտոններ, որի կառավարումը իրականացվում էր արաբական «Էյր Արաբիա» ավիաընկերության գործընկերների կողմից։

▫️Հիշեցնեմ, որ ԱՆԻՖ-ի դուստր ընկերությունը՝ «Ձեռնարկատեր+պետություն» հիմնադրամը, ներդրել է 1 մլրդ 539 մլն 580 հազար դրամ, ձեռք բերելով ընկերության 49% բաժնեմասը։

▫️Միևնույն ժամանակ տեղեկացնում եմ, որ ՀՀ նախկին փոխվարչապետ, ներկայումս Երևանի քաղաքապետ Տիգրան Ավինյանը, որպես ԱՆԻՖ-ի հոգաբարձուների խորհրդի նախագահ, որևէ կերպ չի խառնվել ԱՆԻՖ-ի և դուստր կազմակերպությունների կադրային քաղաքականությանը կամ նշանակումների գործընթացին։

Երևանի քաղաքապետի մամուլի խոսնակ Հայկ Կոստանյան

🟨 Մեր տարածաշրջանում առկա է առաջնորդության համար գլոբալ պայքար։

▫️Մենք չենք կարող իրադարձություններին հետևել տրիբունայից։ Պետք է պատրաստ լինենք ցանկացած սցենարի։

Ռեջեփ Էրդողան

🟨 Բրյուսելում տեղի է ունեցել Ֆրանսիայի և Ուկրաինայի նախագահներ Էմանուել Մակրոնի և Վոլոդիմիր Զելենսկու հանդիպումը։

🟨 ԱՄՆ-ի և Ուկրաինայի բանակցությունները խաղաղ կարգավորման շուրջ կմեկնարկեն մարտի 11-ին՝ Սաուդյան Արաբիայում:

▫️ ԱՄՆ պետքարտուղար Մարկո Ռուբիոն, հատուկ բանագնաց Սթիվ Ուիտկոֆը և Թրամփի խորհրդական Մայք Ուոլցը կհանդիպեն Ուկրաինական պատվիրակության, այդ թվում՝ Զելենսկու գրասենյակի ղեկավար Անդրեյ Երմակի հետ։

Fox News

🟨 Մեքսիկան մինչև ապրիլի 2-ը մաքսատուրքեր չի վճարի ԱՄՆ-Կանադա-Մեքսիկա առևտրի համաձայնագրով նախատեսված ապրանքների համար։

▫️Ես դա արեցի Մեքսիկայի նախագահ Կլաուդիա Շեյնբաումի հանդեպ հարգանքից դրդված։

Դոնալդ Թրամփ

🟨 ԱՄՆ-Ուկրաինա հանդիպման օրակարգում կներառվեն խաղաղ համաձայնագրի հիմունքները և զինադադարը։

Սպիտակ տան բանագնաց Սթիվ Ուիտկոֆ

🟨 Օդի ջերմաստիճանը զգալի կբարձրանա:

Եղանակը Երևանում մարտի 7-ին՝

🌖 Ցերեկ +14 +16
🌗 Երեկո +8 +10
🌘 Գիշեր -1 +1

ՄԱՆՐԱՄԱՍՆԵՐ

🟨 Քաղաքացիների հետ շփվելով` ավտոբուսով եկա աշխատավայր:

Նիկոլ Փաշինյան

🟨 Զելենսկին հաստատել է, որ հաջորդ շաբաթ Սաուդյան Արաբիայում տեղի կունենան Ուկրաինայի և ԱՄՆ-ի պատվիրակությունների բանակցությունները։

ՄԱՆՐԱՄԱՍՆԵՐ

🟨 Հայտնաբերվել և նախաքննական մարմին է ներկայացվել շուրջ 30 կիլոգրամ մարիխուանա տեսակի թմրամիջոց:

▫️Թմրանյութն առգրավվել է: Կանխվել է շուրջ 450 միլիոն դրամի թմրամիջոցը մանր չափերով Հայաստանում իրացնելու փորձը:

ՆԳՆ

ՄԱՆՐԱՄԱՍՆԵՐ

🟨 SpaceX-ը կորցրել է կապը Starship-ի հետ իր ութերորդ փորձնական արձակման ժամանակ։

Ենթադրվում է, որ այն պայթել է օդում:

🟨 Եթե Հայաստանը մինչև 2025 թ. վերջը չկատարի ՀԱՊԿ բյուջեի վճարումները, ապա կազմակերպության անդամ երկրները կարող են տարբեր սցենարներ դիտարկել, բայց, հավանաբար, ոչ մեկին դուրս չեն մղի:

ՌԴ ԱԳ փոխնախարար Ալեքսանդր Պանկին

ՄԱՆՐԱՄԱՍՆԵՐ

🟨 Սաուդյան Արաբիային խնդրել եմ առաջիկա 4 տարիների ընթացքում 1 տրիլիոն դոլար ներդնել ամերիկյան ընկերություններում, և նրանք համաձայնել են:

▫️Հաստատումից հետո գարնանը կայցելեմ Սաուդյան Արաբիա։

Դոնալդ Թրամփ

🟨 Դոնալդ Թրամփը հրամանագիր է ստորագրել՝ Բիթքոինի ռազմավարական պետական պահուստ ստեղծելու մասին:

🟨 ՄԹ-ն ևս կշարունակի կիսվել Ուկրաինայի հետ հետախուզական տվյալներով, թեև Լոնդոնը և մյուս եվրոպական մայրաքաղաքները կկարողանան առաջարկել ավելի սահմանափակ հնարավորություններ, քան ԱՄՆ-ն:

The Guardian

ՄԱՆՐԱՄԱՍՆԵՐ

🟨 Տղամարդը Tiffany&Co խանութից 769 հազար դոլար արժողությամբ ադամանդե ականջօղեր է գողացել և կուլ տվել:

▫️Ոստիկանները հանցագործին բռնել են, սակայն խուզարկության ժամանակ ականջօղերը չեն գտել: Միայն իր հարցից հետո, թե արդյոք կարող են մեղադրանք առաջադրել որովայնի պարունակության համար, ոստիկանները հասկացել են ողջ եղելությունը:

🟨 Սիրիայի Լաթակիա նահանգում ծանր բախումներ են տեղի ունեցել անվտանգության ուժերի և նախկին նախագահ Բաշար Ասադի կողմնակիցների միջև։

Կա առնվազն 70 զոհ։

ՄԱՆՐԱՄԱՍՆԵՐ

🟨 Հրազդան գետի վրա կառուցվել են 2 աղբաորսիչ սարքեր, որոնք նպատակաուղղված են կանխելու գետի և Երևանյան լճի աղտոտումը:

▫️Աղբաորսիչ հարմարանքների նախագծման և տեղադրման նպատակով ծախսվել է շուրջ 122 մլն դրամ:

Երևանի քաղաքապետարան

🟨 Երևան քաղաքի ավագանու «Մայր Հայաստան» խմբակցության ավագանի Զարուհի Փոստանջյանը Երևանի քաղաքապետարանի դիմաց բողոքի ակցիայի ընթացքում արել է մի շարք անհիմն հայտարարություններ, որոնց վերաբերյալ հայտնում եմ հետևյալը․

Արաբկիր վարչական շրջանի Ն. Զարյան փողոց 11-13 հասցեում բազմաբնակարան շենք կառուցելու նպատակով Վահրամ Ադամյանին 18.09.2023թ. տրամադրվել է նախագծման թույլտվություն (հ.01/18-07/1-Դ-112575-671): Շինարարությունը դասվում է 4-րդ (բարձր) ռիսկայնության օբյեկտների շարքին և անցել է բոլոր անհրաժեշտ փորձաքննությունները, այդ թվում՝ պետական համալիր փորձաքննություն։

18.09.2023թ. տրված թույլտվությամբ նախատեսվում է 8 վերգետնյա և 1 մասնակի նահանջ հարկ։ Նախագիծը ստուգվել և հաստատվել է համապատասխան պետական մարմինների կողմից՝ ներառյալ ՀՀ քաղաքաշինության կոմիտեն, «Արտագերատեսչական փորձաքննություն» ՓԲԸ-ն և ՀՀ քաղաքաշինության, տեխնիկական ու հրդեհային անվտանգության տեսչական մարմինը։

14.11.2024թ. համաձայնեցվել է շինարարական նախագիծը (հ.01/50-03-910-24), և «ԱԴԱՄԻՈՒՄ» ՍՊԸ-ին տրամադրվել է շինարարության թույլտվություն (հ.01/50-02-1985-24)՝ 3 տարի ժամկետով (մինչև 14.11.2027թ.)։

Նշված հողատարածքը Երևանի գլխավոր հատակագծով և Արաբկիր թաղային համայնքի գոտիավորման նախագծով ներառված է բազմահարկ բազմաբնակարան շենքերով բնակելի կառուցապատման գոտում։

Կառուցապատողի և Երևանի քաղաքապետ Տիգրան Ավինյանի միջև ենթադրյալ քավոր-սանիկական հարաբերությունների մասին պնդումները ևս չեն համապատասխանում իրականությանը։

Երևանի քաղաքապետի մամուլի խոսնակ Հայկ Կոստանյան

🟩 Գարնանային տոներին ընդառաջ Team Telecom Armenia-ի հաճախորդները հնարավորություն ունեն ձեռք բերելու Honor X8c սմարթֆոնը և ստանալ բազմաֆունկցիոնալ Honor Choice Watch 2i սմարթ ժամացույց, հատուկ հեռախոսահամար, Team Tok փաթեթ՝ 1 ամսով և 100 ԳԲ ինտերնետ, որը կարելի է օգտագործել 6 ամսվա ընթացքում:

#RadarAds
ՄԱՆՐԱՄԱՍՆԵՐ

🟨 2024 թ. ընթացքում ՀՀ զինված ուժերում զոհվել (մահացել) է 40 զինծառայող՝

▫️Ծառայության հետ կապված հանգամանքներում՝ 27 զինծառայող:
▫️Ծառայության հետ չկապված հանգամանքներում՝ 13 զինծառայող:

ՄԱՆՐԱՄԱՍՆԵՐ