🟨 Յոհանեսբուրգում հանդիպել են Հնդկաստանի և Ռուսաստանի ԱԳ նախարարներ Սուբրահմանյամ Ջայշանքարը և Սերգեյ Լավրովը։

▫️Բանակցությունները շարունակվել են փակ դռների հետևում։

🟨 Հայկ Մարությանը քիչ առաջ ի վերջո հայտնվեց և հայտարարեց, որ «Ավտոբուսները կանգնած են փողոցների չմաքրված լինելու և ձմեռային անվադողեր չունենալու պատճառով։ Բոյկոտը շարունակվում է»։ Ի՞նչ եք կարծում, արդյոք կարելի է պարոն Մարությանին անվանել սովորական պոպուլիստ, եթե պարզվի, որ իր պաշտոնավարման ընթացքում ավտոբուսները նույնպես չեն ունեցել ձմեռային անվադողեր։

▫️Իսկ իրականությունն այն է, որ չեն ունեցել, քանի որ ավտոբուսների համար երբևէ ձմեռային անվադողեր չեն ձեռքբերվում։ Դրանց համար նախատեսված են համասեզոնային անվադողեր, ինչի մասին պարոն Մարությանը կա՛մ գիտի, սակայն պոպուլիզմով զբաղվելը և իշխանությանը քննադատելու հաշվին սեփական՝ զրոյին ձգտող վարկանիշը բարձրացնելու փորձերն ավելի կարևոր են, կա՛մ չգիտի, ինչը թերևս ավելի վատ է, քանի որ շուրջ 3 տարի քաղաքապետի պաշտոնը զբաղեցրած և տրանսպորտի ոլորտում իրեն փորձագետ համարող անձը չի տիրապետում տարրական մանրամասների։

Ավագանու ՔՊ խմբակցության ղեկավար Արմեն Գալջյան

🟨 Կցված՝ Հայկ Մարությանի պաշտոնավարման ժամանակահատվածում անվադողերի ձեռքբերման մրցույթի հրավերից համապատասխան հատվածը, որից պարզ է դառնում, որ 7.7 մետրանոց Higer (Հայգեր) ավտոբուսների համար ձեռք են բերվել համասեզոնային անվադողեր (մրցույթի ծածկագիրը՝ ԵՔԵԱ-ԲՄԱՊՁԲ-20/2, ամբողջական փաթեթին հնարավոր է ծանոթանալ https://gnumner.minfin.am/hy/search/ կայքից)։

▫️Իսկ անվադողերի մասով` փոխարինված են հոկտեմբեր-նոյեմբեր Ման 87 միավոր, Ժոնգ Տոնգ 391 միավոր, փոխարինված դեկտեմբերին, Հայգեր 103 միավոր, բոլորը համասեզոնային, իսկ փոքր դաս 100 միավոր ձմեռային, Հայգերի, ԺԹ-ի, փոքր դասի անվադողերը թույլատրվում է շահագործել մինչև 75,000 կմ, Մանինը մինչև 120,000կմ։ Ներկա պահին փոքր դասի և Հայգերի անվադողերը շահագործված են մինչև 15,000 կմ, իսկ Ման ԺԹ' մինչև 25,000:

Ավագանու ՔՊ խմբակցության ղեկավար Արմեն Գալջյան

🟨 ՆԱՏՕ-ի պատվիրակության՝ ՀՀ կատարած այցի շրջանակում անցկացվում է «Գործընկերային ներդաշնակված կարողությունների գնահատում» վարժանքի առաջին փուլը։

▫️Վարժանքի նպատակը ՀՀ-ՆԱՏՕ համագործակցության ամրապնդումն է։ Վարժանքին ներկա են նաև ՆԱՏՕ-ի անդամ և գործընկեր պետությունների ներկայացուցիչներ։

ՀՀ ՊՆ

🟨 Ավան վարչական շրջանում ձնամաքրման աշխատանքները շարունակվում են։

🟨 Բաքվում շարունակվել է ԼՂ նախկին ռազմաքաղաքական ղեկավարության գործով շինծու դատավարությունը։

▫️Ըստ ադրբեջանական ԶԼՄ-ների՝ ոչ ոք իրեն մեղավոր չի ճանաչել։ Արայիկ Հարությունյանը հանդես է եկել խոսքով՝ նշելով, որ հակամարտությունը հրահրել են ԽՍՀՄ հատուկ ծառայությունները, իսկ կոնֆլիկտի կողմերը դրա զոհերն են։

🟨 Այս պահին ձնամաքրման աշխատանքներ՝ Աջափնյակ վարչական շրջանում։

🟨 Մալաթիա-Սեբաստիա վարչական շրջանում ձնամաքրման աշխատանքները շարունակվում են։

🟨 Կենտրոն վարչական շրջանում ձնամաքրման աշխատանքները շարունակվում են։

🟨 Հաշվի առնելով առատ ձյան տեղումները՝ «Երքաղլույս» ՓԲԸ-ն հայտնում է, որ Երևանի արտաքին լուսավորության ցանցը կգործի ամբողջ գիշեր:

🟨 Առատ ձյուն, բուք՝ Մ-4, Երևան-Սևան ճանապարհին։ Մաքրման և աղ-ավազով մշակման աշխատանքներ են կատարվում։

🟨 Յոհանեսբուրգում տեղի է ունեցել Ռուսաստանի և Թուրքիայի ԱԳ նախարարներ Սերգեյ Լավրովի և Հաքան Ֆիդանի հանդիպումը։

🟨 Դավթաշեն վարչական շրջանում ձնամաքրման աշխատանքները շարունակվում են։

🟨 Այս պահին ձնամաքրման աշխատանքներ են ընթանում Նոր Նորք վարչական շրջանում։

🟨 «Երևանի ավտոբուս» ՓԲԸ-ի ոչ մի ավտոբուս ամառային անվադողերով չի երթևեկում։ 2024թ. հոկտեմբեր-նոյեմբերին MAN մակնիշի 87 և ZHONGTONG մակնիշի 391 ավտոբուսի անվադողերը փոխարինվել են համասեզոնային անվադողերով, իսկ դեկտեմբերին HIGER մակնիշի 103 ավտոբուսի անվադողերը նույնպես փոխարինվել են համասեզոնայիններով։ Փոքր դասի 100 ավտոբուսի համար տեղադրվել են ձմեռային անվադողեր։

Անվադողերի շահագործման ժամկետները․

▫️HIGER, ZHONGTONG և փոքր դասի ավտոբուսների անվադողերը թույլատրվում է շահագործել մինչև 75,000 կմ։
▫️MAN ավտոբուսների անվադողերը նախատեսված են մինչև 120,000 կմ շահագործման համար։

▫️Ինչ վերաբերում է շտապօգնության մեքենաներին, տեղեկացնում ենք, որ դրանց անվադողերը փոխարինվել են ձմեռայինով դեռևս 2024թ. դեկտեմբերի 1-ից։

Երևանի քաղաքապետարան

🟨 2024թ. նոյեմբերի 1-ի դրությամբ Երևան քաղաքի շտապօգնության բոլոր ավտոմեքենաների անվադողերը փոխարինվել են նոր ձմեռային անվադողերով։

Երևանի քաղաքապետի տեղակալ Սարգիս Մադաթյան

🟨 Երևանում շարունակվող առատ ձյան տեղումները լուրջ դժվարություններ են առաջացրել ինչպես տրանսպորտի, այնպես էլ փողոցների անցանելիության առումով։ Մաքրման աշխատանքները ընթանում են արտակարգ ռեժիմով, բայց տեղումների ինտենսիվությունը դեռ շատ բարձր է, ինչի հետևանքով ճանապարհները կրկին ծածկվում են ձյունով, իսկ խցանումները հաճախ խոչընդոտում են ձնամաքրման մեքենաների օպերատիվ տեղաշարժը։

▫️Քաղաքային տրանսպորտի աշխատանքը դժվարացած է, հնարավոր են ուշացումներ։

Ի՞նչ աշխատանքներ են կատարվում այս պահին

▫️Մաքրման աշխատանքներն իրականացվում են անընդմեջ, ներգրավված է ողջ տեխնիկան և համապատասխան թիմերը։
▫️ Հատուկ ուշադրություն է դարձվում հիմնական ճանապարհներին և տրանսպորտային հանգույցներին՝ ապահովելու քաղաքացիների տեղաշարժի հնարավորությունը։

▫️Ծառայությունները շարունակում են աշխատել արտակարգ ռեժիմով՝ ապահովելու քաղաքի բնականոն գործունեությունը։ Շնորհակալ ենք ձեր ըմբռնման համար և կոչ ենք անում ցուցաբերել զգոնություն՝ պահպանելով անվտանգության կանոնները։

Երևանի քաղաքապետարան

🟨 🟥 «Երևանի ավտոբուս» ՓԲԸ-ի որևէ ավտոբուս չի երթևեկում ամառային անվադողերով։ Միայն հոկտեմբեր-դեկտեմբեր ամիսներին փոխարինվել է շուրջ 600 տ/մ-ի անվադող համասեզոնային անվադողերով։ Սա միանշանակ է ու էր, ու վաղուց կայացած փաստ։

▫️Իսկ բազմաթիվ վայրերում հանրային տրանսպորտի վարորդները, ուղղակի դրսևորելով բարձր հոգատարություն ու գիտակցություն, ուղղակի չեն վարել մեքենան՝ առատ ձյան ու սառույցի պայմաններում վտանգի տակ չդնելով մեր քաղաքացիներին։

«Երևանի ավտոբուս» ՓԲԸ խոսնակ Գեղամ Ասատրյան

🟥 Այսօր Երևանում 10 ժամվա ընթացքում տեղացել է 15 մմ ինտենսիվ ձյուն, ինչը հավասար է կես ամսվա նորմային:

Գագիկ Սուրենյան

🟨 Այս պահին ձնամաքրման աշխատանքներ՝ Շենգավիթ վարչական շրջանում։

🟨 Անվտանգության նկատառումներից ելնելով՝ մինչև ժամը 22։30-ն Պարեկային ծառայությունը փակել է Երևան-Սևան ճանապարհի՝ Աբովյանի կամուրջից մինչև Չարենցավան քաղաքի մուտք հատվածը։

ՆԳՆ մամուլի խոսնակ Նարեկ Սարգսյան