🟨 Իսկ այս ընթացքում, րոպեներ առաջ Իտալիայի Սենատը միաձայն՝ 112 կողմ ձայնով, ընդունեց «Հայաստանի և Ադրբեջանի միջև խաղաղ գործընթացին աջակցելուն ուղղված նախաձեռնությունների մասին» բանաձևը:

▫️Շնորհակալ եմ մեր իտալացի գործընկերներին այսօրվա քննարկումների, հանդիպումների և Հարավային Կովկասում կայուն խաղաղության հաստատման ուղղությամբ ձեռնարկվող քայլերի համար:

ՀՀ ԱԺ նախագահ Ալեն Սիմոնյան

🟨 Զելենսկու ​​լեգիտիմությունը հերքելը պարզապես սխալ է և վտանգավոր։

▫️Այն, որ ընտրություններ չեն կարող անցկացվել պատերազմի պայմաններում, համահունչ է Ուկրաինայի սահմանադրության և ընտրական օրենսդրության պահանջներին։

Օլաֆ Շոլց

🟨 Դոնալդ Թրամփը մտադիր չէ հանդուրժել Վոլոդիմիր Զելենսկու հռետորաբանությունը։

▫️Նախագահ Մակրոնը և վարչապետ Սթարմերը հաջորդ շաբաթ կժամանեն Վաշինգտոն։ Բոլոր կողմերի հետ համագործակցում ենք Ուկրաինայի հակամարտությունը կարգավորելու հարցի շուրջ:

Թրամփի խորհրդական Մայք Ուոլց

ՄԱՆՐԱՄԱՍՆԵՐ

🟨 Ձյուն է սպասվում:

Եղանակը Երևանում փետրվարի 20-ին՝

🌖 Ցերեկ +0 +2
🌗 Երեկո -2 -4
🌘 Գիշեր -1 +1

ՄԱՆՐԱՄԱՍՆԵՐ

🟨 Լոռու մարզի բոլոր ավտոճանապարհները դժվարանցանելի են։

▫️Տավուշի մարզի միջպետական ավտոճանապարհները փակ են կցորդիչով բեռնատարների համար, դժվարանցանելի՝ մյուս տրանսպորտային միջոցների համար։

ՄԱՆՐԱՄԱՍՆԵՐ

🟨 Առատ ձնից մաքրվում է Երևան-Գյումրի ճանապարհը:

🟩 Նոր Նորքի 5-րդ զանգվածի Սուրբ Սարգիս եկեղեցու հարակից այգու բարեկարգման աշխատանքներն ավարտական փուլում են։

▫️Այգու բարեկարգման աշխատանքներում առանձնահատուկ դեր ունի կասկադաձև համալիրի կառուցումը:

Երևանի քաղաքապետարան

🟨 Apple-ը ներկայացրել է նոր բյուջետային սմարթֆոն՝ iPhone 16e:

▫️Հեռախոսի արժեքը 599 ԱՄՆ դոլար է: Սա Apple-ի կողմից նախագծված ամենաէժան iPhone-ն է, որն աշխատում է Apple Intelligence-ով:

🟨 Այսօր լրանում է Ղարաբաղյան շարժման 37-ամյակը։

ՄԱՆՐԱՄԱՍՆԵՐ

🟨 Ուկրաինայի պատերազմը կարող է ավարտվել մեկ տարվա ընթացքում, այլապես երրորդ համաշխարհային պատերազմի վտանգը մեծանում է։

▫️Ուկրաինան խափանել է ԱՄՆ-ին՝ իր հազվագյուտ մետաղական հանածոներին հասանելիություն տալու գործարքը։

Դոնալդ Թրամփ

ՄԱՆՐԱՄԱՍՆԵՐ

🟨 Երբ ԱՄՆ ֆինանսների քարտուղար Սքոթ Բեսենթն այցելեց Կիև, նրան այնտեղ շատ կոպիտ ընդունեցին։ Միանգամից մերժել էին, ասել էին` Զելենսկին քնած է, չի կարող հանդիպել։ Նա այնտեղ էր հազվագյուտ մետաղների հասանելիության պայմանագիրը կնքելու համար, բայց ուկրաինացիները չստորագրեցին։

Դոնալդ Թրամփ

🟨 Միքայել Մինասյանի գործով ևս երեք մեղադրյալի քրեական վարույթն ուղարկվել է դատարան:

ՄԱՆՐԱՄԱՍՆԵՐ

🟨 Համայնքային բյուջեները 2018թ. ի վեր կրկնապատկվել են, ինչպես կրկնապատկվել է բյուջեն։

▫️Որ ասում են՝ թալանվածը վերադարձրին, չվերադարձրին։ Բա էս գումարները որտեղի՞ց են եղել։ Մեկ էլ՝ հոպ, օդից թափվե՞լ են համայնքների վրա։

Նիկոլ Փաշինյան

ՄԱՆՐԱՄԱՍՆԵՐ

🟨 Վարորդների 9 տուգանային բալային համակարգից անցում կկատարվի 13 տուգանային միավորի համակարգի: Կառավարությունը հավանություն է տվել Ալեն Սիմոնյանի և Ռուբեն Ռուբինյանի օրենսդրական փոփոխության նախագծին, որը ուժի մեջ կմտնի 2025թ. մայիսի 1-ից:

▫️Այդ օրվա դրությամբ այն քաղաքացիները, որ կունենան տուգանային միավորների չսպառված պաշար, իրենց մոտ այս թիվն ավտոմատ կդառնա 13 միավոր, իսկ եթե 9 միավորից, օրինակ՝ 2-ը սպառվել է, մայիսի 1-ից կդառնա 13 միավոր։

ՆԳ նախարար Արփինե Սարգսյան

ՄԱՆՐԱՄԱՍՆԵՐ

🟨 Ավտոմեքենան դուրս է եկել ճանապարհի երթևեկելի հատվածից և հայտնվել Աղստև գետում: 

🟨 Կառավարությունը ՀՊՃՇՀ ռեկտորի պաշտոնում հաստատեց Մանուկ Բարսեղյանին:

🟨 Հայաստանի շուրջ մեծ փոփոխություններ են տեղի ունեցել, նաև այդ դինամիկան հաշվի առնելով որոշել ենք Ազգային անվտանգության նոր ռազմավարություն ունենալ:

▫️Աշխատանքների մեկնարկն արդեն տրված է, շուտով կսկսենք աշխատանքային հանդիպումները:

ԱԽ քարտուղար Արմեն Գրիգորյան

ՄԱՆՐԱՄԱՍՆԵՐ

🟨 Հիմա մեր խնդիրը ոչ թե նոր հայեցակարգի, այլ Սահմանադրության նոր տեքստի մշակումն է: Այս պահին աշխատանքներն այդ ուղղությամբ կատարվում են:

▫️Նախորդ տարիներին փորձեր եղել են Սահմանադրության նոր նախագծի հայեցակարգերի մշակման, և դրանք, ըստ էության, մշակված են:

Արդարադատության նախարար Սրբուհի Գալյան

🟨 Նոր սահմանադրության մեջ կառավարման համակարգի փոփոխություն նախատեսված չէ։

▫️Պետք է ամեն ինչ անենք, որ սահմանադրության նոր նախագծի տեքստը պատրաստ լինի մինչև նոր ընտրությունները, դրանից հետո արդեն որոշում կկայացվի հանրաքվեի դնելու հարցը:

Սրբուհի Գալյան

ՄԱՆՐԱՄԱՍՆԵՐ

🟨 Իհարկե, հանցավոր երևույթներ մեր երկրում կարող են լինել, բայց ընդդիմադիրների խոշտանգումների երևույթ ինքս չեմ հանդիպել:

Սրբուհի Գալյան

🟨 Վաղ առավոտից Երևանի բոլոր վարչական շրջանների այգիներում, պուրակներում, ստորգետնյա և վերգետնյա անցումների աստիճաններին, կազմակերպության աշխատակիցները ձնամաքրման աշխատանքներ են իրականացրել: Ծառերից ևս ձյան շերտը հեռացվել է:

«Կանաչապատում և շրջակա միջավայրի պահպանություն» ՀՈԱԿ