🟨 Լոռու մարզում ենք։ Աղետի հետևանքների վերացման ուղղությամբ ՆԳՆ-ն, ՏԿԵՆ-ը, մարզպետարանները, ՏԻՄ-երը և համապատասխան մյուս կառույցները իրականացնում են իրենց լիազորություններից բխող անհրաժեշտ միջոցառումներ։

Նիկոլ Փաշինյան

🟨 Վատ եղանակը հասել է նաև Վրաստան։

▫️Հորդառատ անձրևները հեղեղել են Մառնեուլին և Բոլնիսին, իսկ մի քանի գետեր դուրս են եկել ափերից։

▫️Վնասվել են կապերն ու ճանապարհային ենթակառուցվածքները, ջրի տակ են անցել գյուղատնտեսական նշանակության հողերն ու տների առաջին հարկերը։

🟨 Այսօրվա հավաքի մասնակիցներին և կազմակերպիչներին հորդորում ենք զերծ մնալ հասարակական կարգի խախտմանն ուղղված գործողություններից, հարգել համաքաղաքացիների իրավունքները և ենթարկվել հասարակական կարգի պահպանություն իրականացնող ոստիկանության ծառայողների օրինական պահանջներին:

ՆԳՆ ոստիկանություն

🟨 Հեղեղումների առաջացրած արտակարգ իրավիճակով պայմանավորված՝ փակ են Մ-4, Երևան-Սևան-Իջևան-ՀՀ սահման (Դիլիջանից մինչև Իջևան) և Մ-6, Վանաձոր (Մ-3 հատման կետ)-Ալավերդի-ՀՀ սահման (Վանաձորից Ալավերդի մինչև Բագրատաշենի անցակետ) ճանապարհատվածները։

Ճանապարհային դեպարտամենտ

ՄԱՆՐԱՄԱՍՆԵՐ

🟨 Նիկոլ Փաշինյանն այցելել է Ալավերդի, զրուցել հեղեղումների հետևանքով տուժած բնակչության հետ։

🟨 Լոռու և Տավուշի մարզերում տեղացած հորդառատ անձրևների հետևանքով տեղի ունեցած հեղեղումների արդյունքում ինտերնետ և հեռախոսային կապը գործում է խափանումներով, վնասվել են օպտիկական մալուխները և շարժական կապն ապահովող կայանները։

▫️Օպերատիվ կապի մեջ ենք կապի հայաստանյան օպերատորների հետ՝ աջակցելով առաջացած խոչընդոտների արագ լուծման աշխատանքներում:

ԲՏԱ նախարարություն

🟨 Ժամը 15:30-ի դրությամբ որոնողափրկարարական և անհետաձգելի վթարավերականգնողական աշխատանքները շարունակվում են։

▫️Արդյունքում Լոռու և Տավուշի մարզերում տարբեր բնակավայրերից տարհանվել է 190 մարդ, փրկարարները փրկել են 73 մարդու:

ՆԳՆ մամուլի խոսնակ Նարեկ Սարգսյան

🟨 Հանրապետության հրապարակում այսօր անցկացվում է Բագրատ արքեպիսկոպոս Գալստանյանի նախաձեռնած հանրահավաքը։

▫️Հրապարակը` 16:30-ի դրությամբ։

🟨 Հանձնարարել եմ սեղմ ժամկետում գնահատել աղետից տուժած բնակիչների հրատապ կարիքները, օպերատիվ կերպով հատկացնել անհրաժեշտ օգնություն, այնուհետև կիրականացնենք աղետի հետևանքների վերացման ծրագրեր:

Նիկոլ Փաշինյան

🟨 Չեղարկվել են Երևան - Թբիլիսի - Երևան ուղղություններով միջազգային գնացքները:

Վրաստանի հետ երկաթուղային կապն ընդհատվել է: Ուղևորները գիշերել են «Այրում» կայարանում, առավոտյան նրանց տրամադրվել են նախաճաշ և ավտոբուսներ՝ Երևան տեղափոխվելու համար:

Թե որքանով է վնասվել երկաթուղային գիծը, և երբ կվերականգնվի երթևեկությունը, պարզ կլինի միայն այն բանից հետո, երբ ջուրը կիջնի, և հնարավոր կլինի գնահատել ավերածությունների մասշտաբները:

«Հարավկովկասյան երկաթուղի» ՓԲԸ

🟨 Հանրապետության հրապարակը 17:00-ի դրությամբ։

🟨 Տավուշի մարզում փլուզվել է 1 բնակելի տուն, ջրալցվել են 44 տուն, 2 հյուրանոց, 18 հասարակական և այլ նշանակության օբյեկտներ։

▫️Լոռու մարզում վնասների վերաբերյալ տվյալները ճշտվում են։

ՆԳՆ

ՄԱՆՐԱՄԱՍՆԵՐ

🟨 Արևելագետ Գուրգեն Մելիքյանը հանրահավաքում հայտարարել է, որ իրենց շարժման վարչապետի թեկնածուն Բագրատ արքեպիսկոպոս Գալստանյանն է։

▫️ Հանրահավաքում մարդիկ հնչեցնում են «Սրբազան վարչապետ» կարգախոսը։

🟨 Բագրատ արքեպիսկոպոս Գալստանյանը խնդրել է Վեհափառին` սառեցնել իր 30-ամյա հոգևոր ծառայությունը, քանի որ դա անհամատեղելի է վարչապետի թեկնածուի կարգավիճակի հետ։

🟨 🟧 Բագրատ արքեպիսկոպոս Գալստանյանը հայտարարել է, որ երթով շարժվելու է դեպի կառավարական տներ` հանդիպելու Նիկոլ Փաշինյանին։


Հ.Գ. Հիշեցնենք, որ վարչապետ Նիկոլ Փաշինյանը ներկայումս չի գտնվում կառավարական տանը, այլ Լոռու և Տավուշի աղետի գոտում է։

🟨 Առավոտյան ժամը 8-ին հրապարակներում, նախանշված վայրերում մեր պատասխանատու գործողություններով ստիպել հաշվի նստել ձեզ հետ։

Բագրատ արք. Գալստանյան

⬛ 🟨 Աղետի գոտում, նախնական տվյալներով, 2 զոհ և 2 անհետ կորած ունենք։

Գնել Սանոսյան

🟨 Դեմ եմ Ուկրաինային արևմտյան զինատեսակներով Ռուսաստանի տարածքին հարվածելու հնարավորություն տալուն։

Օլաֆ Շոլց

🟨 Տավուշի մարզում ծանոթացա Դիլիջան-Իջևան հատվածում հեղեղումների պատճառած վնասներին։ Իրականացվում են ամրաշինական աշխատանքներ։

Նիկոլ Փաշինյան

🟨 Դեբեդ գետի ավազանում դիտվել է ջրի մակարդակի որոշակի նվազում։ Աղստև գետի Իջևան դիտակետում ջրի մակարդակը առավոտյան դիտված մակարդակի համեմատ բարձրացել է։

▫️Վտանգավոր ջրի մակարդակները պահպանվում են Կիրանց գետի ավազանում։

ՄԱՆՐԱՄԱՍՆԵՐ

🟨 Արքեպիսկոպոս Բագրատ Գալստանյանը թողնում է հոգևոր կյանքը և զբաղվում աշխարհիկ գործով։ Մեկ բայց կա առայժմ. սառեցնել հոգևոր ծառայությունը: Ի՞նչ է սա նշանակում:

▫️Եվս մեկ բան՝ իսկ Կանադայի քաղաքացի լինելու հանգամանքը՞:

Թաթուլ Հակոբյան

ՄԱՆՐԱՄԱՍՆԵՐ