🟨 Ալավերդու ամբողջ բնակչությունը տարհանելու մասին տեղեկությունները չեն համապատասխանում իրականությանը։

▫️Ավերածությունները հսկայական են, զոհերի մասին տեղեկատվությունը ճշտվում է։

▫️Խնդրում եմ խուճապ և չճշտված տեղեկություններ չտարածել։

ԱԺ պատգամավոր Արեն Մկրտչյան

🟨 Տարբեր ՀԿ-ներ, անհատներ փրկարարական խմբեր ձևավորելու կոչեր են անում:

▫️Այս պահին Փրկարար ծառայությունը և պետական մարմինները կատարում են անհրաժեշտ բոլոր գործողությունները:

ՏԿԵՆ

🟨 Երևանն այս պահին։

Գագիկ Սուրենյան

🟨 Բեռնափոխադրողներին հորդորում ենք Վրաստանից Հայաստան տեղափոխությունները հնարավորինս կազմակերպել «Նինոծմինդա-Բավրա» պետական սահմանի անցման կետով։

▫️«Գուգուտի-Գոգավան» անցման կետի վրացական կողմի թողունակությունը բավականին ցածր է, ինչն առկա իրավիճակում կարող է հանգեցնել մեծ հերթերի։

ՊԵԿ

🟨 Տեղատարափ անձրևից Լոռու և Տավուշի մարզերում Դեբեդ, Աղստև, Տաշիր գետերի վարարման հետևանքով առաջացած դեպքերի, պատահարների վերաբերյալ տեղեկատվություն ստանալու նպատակով 911 հեռախոսահամարը հայտարարվում է Թեժ գիծ։

ՆԳՆ

🟨 Նիկոլ Փաշինյանը՝ աղետի գոտում։

🟨 Ցավով հետևում եմ Լոռու մարզում առատ տեղումների հետևանքով ստեղծված իրավիճակին:

▫️Երևանը պատրաստ է մարդկային և տեխնիկական ռեսուրսներով հնարավորինս աջակցել նախարարությանը և մյուս պետական գերատեսչություններին, ինչպես նաև դժվար պահին առավելագույն չափով ձեռք մեկնել մեր հայրենակիցներին։

Երևանի քաղաքապետ Տիգրան Ավինյան

🟨 Մայիսի 26-ին դիտված ջրի ելքերը վերջին 65 տարիների ամենաբարձր արժեքներն են և երկրորդը դիտարկումների ողջ ժամանակահատվածում։

▫️Այս տարվա մայիսը աչքի է ընկնում առավել ակտիվ ցիկլոնային գործունեությամբ, որը հանրապետության ողջ տարածքում ուղեկցվում է ինտենսիվ անձրևներով, ուժեղ կարկտահարություններով և ցածր ջերմային ֆոնով։

▫️Այսօրվա դրությամբ հանրապետության ողջ տարածքում տեղումների քանակը գերազանցել է ամսական նորման և կազմում է նորմայի 180-230%-ը։

ՇՄՆ «Հայհիդրոմետ» ՊՈԱԿ

🟨 Ժամը 13.30-ի դրությամբ աղետից փրկվածների թիվը 20 է, որոնցից 3-ը՝ Դիլիջան, 17-ը՝ Նոյեմբերյան համայնքներում:

▫️Փրկարարները Սանահինի կամրջի մոտակայքից դուրս են բերել 1 դի (անձը չպարզված տղամարդ):

▫️Որոնողափրկարարական և անհետաձգելի վթարավերականգնողական աշխատանքները շարունակվում են։

ՆԳՆ

🟨 Լոռու մարզում ենք։ Աղետի հետևանքների վերացման ուղղությամբ ՆԳՆ-ն, ՏԿԵՆ-ը, մարզպետարանները, ՏԻՄ-երը և համապատասխան մյուս կառույցները իրականացնում են իրենց լիազորություններից բխող անհրաժեշտ միջոցառումներ։

Նիկոլ Փաշինյան

🟨 Վատ եղանակը հասել է նաև Վրաստան։

▫️Հորդառատ անձրևները հեղեղել են Մառնեուլին և Բոլնիսին, իսկ մի քանի գետեր դուրս են եկել ափերից։

▫️Վնասվել են կապերն ու ճանապարհային ենթակառուցվածքները, ջրի տակ են անցել գյուղատնտեսական նշանակության հողերն ու տների առաջին հարկերը։

🟨 Այսօրվա հավաքի մասնակիցներին և կազմակերպիչներին հորդորում ենք զերծ մնալ հասարակական կարգի խախտմանն ուղղված գործողություններից, հարգել համաքաղաքացիների իրավունքները և ենթարկվել հասարակական կարգի պահպանություն իրականացնող ոստիկանության ծառայողների օրինական պահանջներին:

ՆԳՆ ոստիկանություն

🟨 Հեղեղումների առաջացրած արտակարգ իրավիճակով պայմանավորված՝ փակ են Մ-4, Երևան-Սևան-Իջևան-ՀՀ սահման (Դիլիջանից մինչև Իջևան) և Մ-6, Վանաձոր (Մ-3 հատման կետ)-Ալավերդի-ՀՀ սահման (Վանաձորից Ալավերդի մինչև Բագրատաշենի անցակետ) ճանապարհատվածները։

Ճանապարհային դեպարտամենտ

ՄԱՆՐԱՄԱՍՆԵՐ

🟨 Նիկոլ Փաշինյանն այցելել է Ալավերդի, զրուցել հեղեղումների հետևանքով տուժած բնակչության հետ։

🟨 Լոռու և Տավուշի մարզերում տեղացած հորդառատ անձրևների հետևանքով տեղի ունեցած հեղեղումների արդյունքում ինտերնետ և հեռախոսային կապը գործում է խափանումներով, վնասվել են օպտիկական մալուխները և շարժական կապն ապահովող կայանները։

▫️Օպերատիվ կապի մեջ ենք կապի հայաստանյան օպերատորների հետ՝ աջակցելով առաջացած խոչընդոտների արագ լուծման աշխատանքներում:

ԲՏԱ նախարարություն

🟨 Ժամը 15:30-ի դրությամբ որոնողափրկարարական և անհետաձգելի վթարավերականգնողական աշխատանքները շարունակվում են։

▫️Արդյունքում Լոռու և Տավուշի մարզերում տարբեր բնակավայրերից տարհանվել է 190 մարդ, փրկարարները փրկել են 73 մարդու:

ՆԳՆ մամուլի խոսնակ Նարեկ Սարգսյան

🟨 Հանրապետության հրապարակում այսօր անցկացվում է Բագրատ արքեպիսկոպոս Գալստանյանի նախաձեռնած հանրահավաքը։

▫️Հրապարակը` 16:30-ի դրությամբ։

🟨 Հանձնարարել եմ սեղմ ժամկետում գնահատել աղետից տուժած բնակիչների հրատապ կարիքները, օպերատիվ կերպով հատկացնել անհրաժեշտ օգնություն, այնուհետև կիրականացնենք աղետի հետևանքների վերացման ծրագրեր:

Նիկոլ Փաշինյան

🟨 Չեղարկվել են Երևան - Թբիլիսի - Երևան ուղղություններով միջազգային գնացքները:

Վրաստանի հետ երկաթուղային կապն ընդհատվել է: Ուղևորները գիշերել են «Այրում» կայարանում, առավոտյան նրանց տրամադրվել են նախաճաշ և ավտոբուսներ՝ Երևան տեղափոխվելու համար:

Թե որքանով է վնասվել երկաթուղային գիծը, և երբ կվերականգնվի երթևեկությունը, պարզ կլինի միայն այն բանից հետո, երբ ջուրը կիջնի, և հնարավոր կլինի գնահատել ավերածությունների մասշտաբները:

«Հարավկովկասյան երկաթուղի» ՓԲԸ

🟨 Հանրապետության հրապարակը 17:00-ի դրությամբ։

🟨 Տավուշի մարզում փլուզվել է 1 բնակելի տուն, ջրալցվել են 44 տուն, 2 հյուրանոց, 18 հասարակական և այլ նշանակության օբյեկտներ։

▫️Լոռու մարզում վնասների վերաբերյալ տվյալները ճշտվում են։

ՆԳՆ

ՄԱՆՐԱՄԱՍՆԵՐ