🟨 Սահմանապահ զորքերը Կիրանց գյուղի հատվածում իրականացնում են ՀՀ պետական սահմանի պահպանությունը ստանձնելուն ուղղված նախապատրաստական աշխատանքներ:

▫️Կիրանց բնակավայրում հաշվառում չունեցող քաղաքացիների մուտքը բնակավայր ժամանակավորապես սահմանափակվել է։

ԱԱԾ

🟨 Մենք տեսնում ենք Հայաստանի և Ադրբեջանի միջև սահմանների որոշման գործընթացի առաջին դրական արդյունքները։

▫️Հույս կա, որ կարելի է խաղաղության պայմանագիր կնքել Ադրբեջանի և Հայաստանի միջև։

Իլհամ Ալիև

🟨 Իրանի նախագահին տեղափոխող ուղղաթիռը կոշտ վայրէջք է կատարել Ադրբեջանի հետ սահմանի` Ջուլֆա քաղաքի մոտ: Պատճառը, ըստ լուրերի, մառախուղն է եղել։

IRNA

Տեղեկություններ էին տարածվել, թե իբր նախագահին տեղափոխող ուղղաթիռը վթարի է ենթարկվել։

🟨 Առաջին կադրերը այն վայրից, որտեղ Իրանի նախագահի ուղղաթիռը կոշտ վայրէջք է կատարել:

UPD: Տարածված լուսանկարը արխիվային էր։

🟨 Իրանի ԱԳ նախարարը նույնպես գտնվել է ուղղաթիռում` երկրի նախագահի հետ:

Tasnim

🟨 Իրանի նախագահ Ռայիսիի հետ ամեն ինչ կարգին է, նրան տեղափոխող ավտոշարասյունը ուղևորվում է Թավրիզ։

Mehr

🟨 Դեպքի վայր են ուղարկվել փրկարարական խմբեր։

▫️Նախագահի ուղեկիցների հետ կապ է եղել, սակայն այն ավելի ուշ ընդհատվել է։

Իրանի ՆԳՆ նախարար Ահմադ Վահիդի

🟨 Իրանական Mehr գործակալությունը հրապարակումից հեռացրել է տեղեկությունը, որ Ռայիսիի հետ ամեն ինչ կարգին է, և նրա ավտոշարասյունը ուղևորվում է Թավրիզ:

🟨 Սարքավորումներով հագեցած ավելի քան 20 փրկարարական թիմեր, զինված ուժերի հատուկ նշանակության ուժեր, ներառյալ անօդաչու թռչող սարքեր և որոնողական շներ, ուղարկվել են դեպքի վայր՝ որոնողական գործողություններին օգնելու համար:

Irna

🟨 3 ուղղաթիռ ուղեկցում էին նախագահին, 2-ը վերադարձան Թավրիզ։

▫️ Այժմ խիտ մառախուղ է, որը շատ կարճ ժամանակով անհետանում է, ապա նոր ալիք է գալիս և այժմ մակարդակն այնքան բարձր է, որ տեսանելիությունը հասել է 10 մետրից ցածր։

Irna

🟨 Իրանի նախագահի ուղղաթիռի որոնողափրկարարական աշխատանքները շարունակվում են։

🟨 Առնվազն 40 փրկարարական խումբ է ներգրավված որոնողական աշխատանքներին։

🟨 Ռայիսիին տեղափոխող ուղղաթիռի վերջին լուսանկարը հանդիպումից հետո։

🟨 Իրանի կառավարության պատվիրակությունը՝ փոխնախագահի գլխավորությամբ, մեկնել է դեպքի վայր։

🟨 Tehran Times-ը հեռացրել է իր իսկ տարածած տեղեկատվությունը, թե Իրանի գերագույն հոգևոր առաջնորդ Ալի Խամենեի Անվտանգության խորհրդի արտակարգ նիստ է անցկացրել։

🟨 Իրանի նախագահի և ԱԳ նախարարի կյանքը վտանգված է։

Իրանցի պաշտոնյան՝ Reuters-ին

🟨 Որոնողափրկարարական խմբերից մեկը մոտեցել է դեպքի վայրին։

Իրանի Կարմիր մահիկի ընկերության ղեկավար

🟨 Կարմիր մահիկի օպերատիվ խմբերը շարունակում են աշխատանքը ուղղաթիռի հնարավոր վթարի վայրում։

🟨 Դժվարանցանելիությունը, թանձր մառախուղի ու անձրևի առկայությունը որոնողափրկարարական խմբերին թույլ չեն տալիս պարզել ուղղաթիռի ճշգրիտ վայրը։

IRNA

🟨 «Աղոթեք ինձ համար»․ Իրանի նախագահի պաշտոնական Instagram-ում նման գրառում է տեղադրվել։

🟨 Իրանի առողջապահության նախարարը ժամանել է դեպքի վայր՝ տուժածներին օգնությունը համակարգելու համար։

IRIB