🟨 Այսօր մինչև 20:00-ն ներհամայնքային տրոլեյբուսային հ.1 և 9 երթուղիները կդադարեցնեն սպասարկումը, իսկ ավտոբուսային և միկրոավտոբուսային երթուղիները այլընտրանքային ճանապարհներով կիրականացնեն կանոնավոր ուղևորափոխադրում:

ՄԱՆՐԱՄԱՍՆԵՐ

🟨 Հրապարակվել են կադրեր, թե ինչպես են Սլովակիայի վարչապետ Ռոբերտ Ֆիցոյին թիկնապահները տանում դեպի մեքենա:

🟨 Հայաստանն ու Ադրբեջանը պայմանավորվել են, որ Ալմա-Աթայի հռչակագիրը պետք է երկու երկների միջև սահմանազատման հիմքը լինի:

▫️Սահմանազատման գործընթացը պետք է դառնա այն գործիքներից մեկը, որ Հայաստանին և Ադրբեջանին կսովորեցնի խաղաղ ապրել:

Նիկոլ Փաշինյան

🟨 Բաքվի դատարանը 5 ամսով երկարաձգել է Ադրբեջանում պահվող ԼՂ նախկին ղեկավարների կալանքը։

🟩 Հունիսի 1-ից անցում ենք կատարում նոր ժամային գրաֆիկի և Երևան քաղաքի բակային տարածքների արտաքին լուսավորությունը կանջատվի ժամը 02։00-ին։

«Երքաղլույս» ՓԲԸ

🟨 Դժբախտաբար, ոչ [նախկին նախագահներին չեմ հանդիպել]։ Նախկին վարչապետերի հետ եմ հանդիպել՝ Խոսրով Հարությունյանին, Վազգեն Մանուկյանին, Հրանտ Բագրատյանին։

Բագրատ արքեսպիկոպոս Գալստանյան

ՄԱՆՐԱՄԱՍՆԵՐ

🟨 Ռոբերտ Ֆիցոն գտնվում է կյանքի համար վտանգավոր վիճակում:

▫️Նրան ինքնաթիռով տեղափոխում են Բանսկա-Բիստրիցա հիվանդանոց, քանի որ երկրի մայրաքաղաք Բրատիսլավա տեղափոխելը չափազանց շատ ժամանակ կպահանջի։

Sky News

🟨 Ռոբերտ Ֆիցոն տեղափոխվել է Բանսկա-Բիստրիցա հիվանդանոց։

🟨 Միջոցառման կազմակերպման գործընթացի փոփոխություններով պայմանավորված՝ փողոցները փակ կմնան մինչև 22։00-ն։

ՀՀ ՆԳՆ

ՄԱՆՐԱՄԱՍՆԵՐ

🟨 Սլովակիայի վարչապետի դեմ մահափորձն իրականացրել է 71-ամյա գրող և գրական ակումբի հիմնադիր Յուրայ Ցինտուլան։

▫️Նա հայտարարել է, որ համաձայն չէ կառավարության քաղաքականության հետ։

🟨 Վրաստան այցելող զբոսաշրջիկների համար պարտադիր ապահովագրության հարցը քննարկվել է Վրաստանի գերատեսչությունների հետ:

▫️Օրենքի կիրարկման հստակ ժամանակացույց, հունիսի 1-ի ժամկետ հաստատված չեն, դիտարկվում են ավելի ուշ ժամկետներ:

ԱԳՆ խոսնակ

ՄԱՆՐԱՄԱՍՆԵՐ

🟨 Այսօր հարցազրույց տված անձը ՀՀ ԶՈւ-ին ծանոթ չէ, ՀՀ ԶՈւ-ում նման գեներալ-լեյտենանտ երբևէ չի եղել:

▫️Հորդորում ենք նախքան ինքնահռչակ անձանց հանրությանը որպես գեներալ-լեյտենանտի զինվորական կոչում ունեցող ներկայացնելը համապատասխան ճշտումներ կատարել:

ՀՀ ՊՆ

🟨 Այս օրերին Երևանը հյուրընկալում է ՎԶԵԲ-ի տարեկան համաժողովը:

▫️Մայրաքաղաքի համար առանձնակի կարևորություն ունեցող իրադարձություն է։ Երևանը կարևոր ու վստահելի գործընկեր է բանկի համար։

Տիգրան Ավինյան

ՄԱՆՐԱՄԱՍՆԵՐ

🟨 Սլովակիայի վարչապետ Ռոբերտ Ֆիցոյի վիրահատությունը բարեհաջող է անցել, նա կայուն վիճակում է և շփվում է բժիշկների հետ։

🟨 Հայաստանի և Ադրբեջանի սահմանին տեղի է ունեցել սահմանազատման հանձնաժողովների 9-րդ հանդիպումը՝ փոխվարչապետեր Մհեր Գրիգորյանի և Շահին Մուստաֆաևի նախագահությամբ:

ՀՀ ԱԳՆ

🟨 🟧 ԽՍՀՄ ԶՈւ ԳՇ 1976թ. տեղագրական քարտեզի համաձայն, որը հերթապահության ընթացակարգ է անցել 1979թ., համաձայնեցրել են անմիջականորեն Բաղանիս (ՀՀ) - Բաղանիս Այրում (ԱՀ), Ոսկեպար (ՀՀ) - Աշաղը Ասկիպարա (ԱՀ), Կիրանց (ՀՀ) - Խեյրումլի (ԱՀ) և Բերքաբեր (ՀՀ) - Կըզըլ Հաջիլի (ԱՀ) բնակավայրերի միջև սահմանագծի առանձին հատվածների համատեղ կազմված արձանագրություն-նկարագրությունը՝ ԽՍՀՄ փլուզման պահին գոյություն ունեցող իրավաբանորեն հիմնավորված միջհանրապետական սահմանին համապատասխանեցնելու նպատակով:

▫️Ստորագրվել է արձանագրություն: Պայմանավորվել են համաձայնեցնել հաջորդ հանդիպման ամսաթիվն ու վայրը:

ՀՀ ԱԳՆ

🟧 Կոորդինատները վերցված են 1976թ., վերը հիշատակված քարտեզներից: Հիմա արդեն քարտեզագիրները համաձայնեցրել են սյուների միջև սահմանների անցման գծերը, կրկին նույն քարտեզների հիման վրա: Այսինքն, այս հատվածներում սահմանային գծի վերարտադրումը ավարտվել է, համաձայնեցվել, ստորագրվել և այդ հատվածներում սահմանը համարվում է դելիմիտացված:

Վարչապետի աշխատակազմ

🟥 Դա, ըստ էության, ԽՍՀՄ փլուզման պահին դե յուրե իրավական հիմք ունեցող քարտեզն է:

▫️ՀՀ կառավարության համար սկզբունքային է եղել մոտեցումը, որ Հայաստանի և Ադրբեջանի միջև ոչ թե նոր սահման է ստեղծվում, այլ վերարտադրվում է ԽՍՀՄ փլուզման պահին դե յուրե գոյություն ունեցած սահմանը:

Վարչապետի աշխատակազմ

🟧 Կիրանցի 3 կոորդինատները տեղորոշվել են համակարգչային եղանակով, սյուները կտեղադրվեն ավելի ուշ:

▫️Մոտ 25 հա գյուղատնտեսական նշանակության հողեր, որոնք վերջին 33 տարում անհասանելի են եղել Կիրանցի համար, կվերադարձվեն գյուղին: Սահմանի նկարագրությունն այնպիսին է, ինչպիսին կա 1976թ. քարտեզով:

Վարչապետի աշխատակազմ

🟧 Ճանապարհի տեղափոխման խնդիր, այո, առաջանալու է, որը հնարավոր է իրականացնել 2-3 ամսում: Կհիմնանորոգվի նաև Հ-26 ավտոճանապարհից դեպի Աճարկուտ, ապա Կիրանց տանող ճանապարհը, որն այլընտրանքային է Կիրանցի համար:

▫️Կառավարությունը բոլոր գույքային հարցերի դեպքերում կփոխհատուցի քաղաքացիների կրած վնասները, ըստ նրանց նախընտրության գույքային կամ ֆինանսական եղանակով: Կառավարության ներկայացուցիչները առավոտից արդեն կգույքագրեն հնարավոր խնդիրները եւ կսկսեն քննարկումները Կիրանցի բնակիչների հետ։

Վարչապետի աշխատակազմ

🟥 🟩 Ոսկեպար-Բաղանիս հատվածի ամենազգայուն հարցերից մեկը կապված էր Ոսկեպարի Սբ. Աստվածածին եկեղեցու, մյուսը` Ոսկեպար-Բաղանիս ԽՍՀՄ ժամանակների ճանապարհի հետ:

▫️Երկու հարցն էլ լուծվել են լավագույն ձևով: Ճանապարհն ամբողջությամբ ՀՀ տարածքում է, եկեղեցին նույնպես, և սահմանագիծը գտնվում է թե՛ ճանապարհից, թե՛ եկեղեցուց բավականին հեռու: Բերքաբերում ոչ մի զգայուն իրավիճակ չկար և չկա:

Վարչապետի աշխատակազմ