🟨 Առաջին անգամ Հայաստանի և Ադրբեջանի միջև, չորս գյուղերի հատվածում, գոյություն կունենա սահմանազատված պետական սահման:

Վարչապետի աշխատակազմ/ ©️Արմենպրես

Նկարում` այսօրվա պայմանավորվածություններն արտահայտող քարտեզ է:

ՄԱՆՐԱՄԱՍՆԵՐ

🟥 Կողմերը պայմանավորվածություն են ձեռք բերել, որ սահմանազատման գործընթացում կառաջնորդվեն Ալմա Աթայի 1991թ. հռչակագրով:

▫️Կանոնակարգի հաստատումից հետո, կհամաձայնեցվի հերթականությունը և կշարունակվի սահմանի բոլոր մնացած հատվածների սահմանազատման գործընթացը՝ ներառյալ անկլավների և էքսկլավների հետ կապված հարցերը:

🟨 Զինված ուժերի ետքաշումն ու փոխարենը սահմանապահ զորքերի տեղակայումը տեղի է ունենալու կարճ, բայց ողջամիտ ժամանակահատվածում՝ առանց արհեստական ձգձգումների:

Վարչապետի աշխատակազմ / ©️ Արմենպրես

🟨 Հավատարիմ լինելով մեր տարածաշրջանում կայուն խաղաղությանը՝ հիմնված հիմնական սկզբունքների և համաձայնեցված փաստաթղթերի վրա՝ ներառյալ 1991թ․ Ալմա-Աթայի հռչակագիրը, ողջունում ենք G7-ի ԱԳՆ հանդիպմանը Հրվ․ Կովկասի վերաբերյալ հայտարարությունը:

Արարատ Միրզոյան

🟨 Լարսի ավտոճանապարհի Գուդաուրի-Կոբի հատվածում ձնահոսքի պատճառով Խաչի լեռնանցքը 2 ուղղություններով փակ է բոլոր տեսակի տրանսպորտային միջոցների համար։

🟨 Պնդումներն այն մասին, որ Շենգավիթի քննչական բաժնում քաղաքացին ենթարկվել է խոշտանգման, կեղծ են։

▫️Գ․Մ-ն «Հայփոստ»-ի գործով վկա է, քննությանը խոչընդոտելու նպատակով բաժնում անկանոն շարժումներ է կատարել, գլխի ճակատային մասով 3 անգամ հարվածել է աշխատասեղանին, ապա պատճառաբանելով, թե լավ չի զգում, խնդրել է բժիշկ կանչել։

Քննչական կոմիտե

ՄԱՆՐԱՄԱՍՆԵՐ

🟩 Մարմնամարզիկ Վահագն Դավթյանը հաղթող ճանաչվեց աշխարհի գավաթի խաղարկության 4-րդ փուլի օղակների վարժությունում և նվաճեց Փարիզի Օլիմպիական խաղերի ուղեգիր:

🟨 Հուսադրող լուրեր կան Հայաստանի և Ադրբեջանի սահմանային հանձնաժողովների աշխատանքի և սահմանազատման գործընթացի մեկնարկի վերաբերյալ:

▫️ԵՄ-ն լիովին աջակցում է բանակցային գործընթացին՝ համապարփակ և տևական կարգավորման նպատակով:

Տոյվո Կլաար

⬛️ 95 տարեկանում մահացել է ԵԱՀԿ ՄԽ ՌԴ առաջին համանախագահ Վլադիմիր Կազիմիրովը։

ՄԱՆՐԱՄԱՍՆԵՐ

🟨 Կեսօրից հետո առանձին շրջաններում սպասվում է կարճատև անձրև և ամպրոպ։

Եղանակը Երևանում ապրիլի 20-ին՝

🌖 Ցերեկ +27 +29
🌗 Երեկո +19 +21
🌘 Գիշեր +11 +13

ՄԱՆՐԱՄԱՍՆԵՐ

🟨 Ողջունում ենք հայտարարությունն, ըստ որի՝ Հայաստանն ու Ադրբեջանը համաձայնության են եկել 1991 թ. Ալմա Աթայի հռչակագիրը որպես սահմանների սահմանազատման հիմք ընդունել: Սա կարևոր քայլ է կայուն և արժանապատիվ խաղաղության համաձայնագրի կնքման ուղղությամբ:

Էնթոնի Բլինքեն

🟨 Անտոնիու Գուտերեշը ողջունում է Հայաստանի և Ադրբեջանի միջև պետական սահմանի դելիմիտացիայի պետական հանձնաժողովների միջև ձեռք բերված համաձայնությունը:

ՄԱԿ-ի ղեկավարի պաշտոնական ներկայացուցիչ Ստեֆան Դյուժարիկ

🟨 37-ամյա տղամարդը հրկիզել է իրեն Նյու Յորքի դատարանի շենքի մոտ, որտեղ Թրամփի գործով նիստ էր ընթանում: Պատճառը դեռ անհայտ է։ Նա մահացել է հիվանդանոցում:

🟨 Ըստ էության, առաջին անգամ Հայաստանը և Ադրբեջանը սեղանի շուրջ հարց են լուծել:

Նիկոլ Փաշինյան

🟨 Սա ձեռքբերում է և Ադրբեջանի համար, բայց ես ուզում եմ նաև ընդգծել, որ սա էական ձեռքբերում է Հայաստանի համար:

▫️ Հայաստանն ու Ադրբեջանը երկկողմանի ստորագրություններով հաստատեցին միմյանց տարածքային ամբողջականության ճանաչումը: Հաստատեցին, որ սահմանազատման գործընթացում ոչ թե նոր սահման է ստեղծվելու, այլ վերարտադրվելու է ԽՍՀՄ փլուզման պահին դե յուրե իրավական նշանակություն ունեցող սահմանը:

Նիկոլ Փաշինյան

🟨 Մենք պայմանավորվել ենք սահմանի այս հատվածի վերաբերյալ, բայց նաև հիմնարար սկզբունք ենք որդեգրել սահմանազատման հետագա ողջ գործընթացի համար, ինչը նշանակում է, որ արդեն ձեռք բերված պայմանավորվածությունների համաձայն կարող ենք նստել և բոլոր վիճահարույց հարցերը բանակցային սեղանի շուրջ լուծել։

Նիկոլ Փաշինյան

🟨 Կիրանցում և Ոսկեպարում ասել եմ, որ եթե հանկարծ սահմանազատման գործընթացում կպարզվի, որ ինչ-որ տների, հողամասերի հետ կապված խնդիր կա, մեր բոլոր քաղաքացիների իրավունքներին տեր կկանգնենք:

▫️Որտեղ անհրաժեշտ կլինեն այլ լուծումներ, նույն բնակավայրում նոր տներ կկառուցենք։

Նիկոլ Փաշինյան

🟨 ժողովուրդ ջան, ձեզ խաբող չկա, ձեր հետևից սև գործ անող չկա:

Վահե Ղազարյանը՝ ճանապարհ փակած կիրանցիներին

🟨 Ըստ էության՝ առաջնագիծ չունենք, ունենք սահման:

▫️Ռուսական հենակետերը [Տավուշի մարզում] հայտնվել են մի իրադրություն բերումով, այն, ինչ հիմա տեղի է ունենում իրադրության էական փոփոխություն է, և այն պետք է ազդեցություն ունենա բոլոր ուղղությունների վրա:

Նիկոլ Փաշինյան

🟨 Խաղաղության օրակարգի հարցում մեզ հաջողվել է 5 ամսում 2 շատ կարևոր իրադարձություն ունենալ:

▫️32 գերիների ազատ արձակումը:

▫️Հայաստանի և Ադրբեջանի միջև սահմանազատման վերաբերյալ ապրիլի 19-ին ձեռք բերված պայմանավորվածությունը:

Նիկոլ Փաշինյան

🟨 Թուրքիայի և Գերմանիայի ԱԳ նախարարությունները ողջունել են Հայաստանի և Ադրբեջանի միջև նախօրեին կայացած համաձայնությունը։