🟨 Իրանի ԱԳ նախարար Աբդոլլահիանը հայտարարել է, որ «3+3» հարթակի շրջանակներում Արարատ Միրզոյանի և Ջեյհուն Բայրամովի հանդիպումը խաղաղության ճանապարհին հերթական քայլն է։

▫️ Իրանի ԱԳ նախարարը հավանաբար նկատի է ունեցել նախարարների մասնակցությունը և ոչ ֆորմալ շփումները, քանի որ Radar Armenia-ի հետ զրույցում ՀՀ ԱԳՆ մամուլի խոսնակ Անի Բադալյանը հայտնել է. «Տեղի է ունեցել ոչ պաշտոնական շփում, ինչը սովորական է նման հարթակների համար»:

🟨 Ջո Բայդենը կրկին անհարմար դրության մեջ է հայտնվել` բրիֆինգի ժամանակ առաջինը մոտենալով ամբիոնին։

🟨 Իմ փաստաթղթերը գտնվում են ՌԴ-ում: Իմ ագրեմանի հաստատումը մերժելու լուրերը ապատեղեկատվություն են։

Գուրգեն Արսենյան

ՄԱՆՐԱՄԱՍՆԵՐ

🟨 Ինչպիսին է լինելու Հյուսիս-հարավ ճանապարհային միջանցքի ներդրումային ծրագրի Ագարակ-Քաջարան 32 կմ երկարությամբ ճանապարհահատվածը. շինարարության անիմացիոն հոլովակը։

🟨 ՌԴ Պետդումայի պատգամավորները որոշել են անորոշ ժամանակով հետաձգել ՀՀ քաղաքացիների՝ ձեռնարկատիրական և աշխատանքային գործունեություն իրականացնելիս ազգային վարորդական վկայականները ճանաչելու մասին օրինագծի քննարկումը։

ՌԴ Պետդումայի մամուլի ծառայություն

ՄԱՆՐԱՄԱՍՆԵՐ

🟨 Փաստացի այս օրինագծով նախատեսվում էր հավելյալ արտոնություններ տալ Հայաստանին` ի հեճուկս նրա, որ ՀՀ-ն որևէ քայլ չի արել ամրագրելու համար ռուսաց լեզվի կարգավիճակը։

▫️ Բելառուսի, Ղազախստանի և Ղրղզստանի ազգային վարորդական վկայականները ճանաչվում են ՌԴ-ում, քանի որ ռուսաց լեզուն ամրացված է նրանց սահմանադրությամբ։

ՌԴ պետդումայի խոսնակ Վյաչեսլավ Վոլոդին

🟨 Լավ հնարավորություն ունենք՝ մինչև տարեվերջ ամբողջացնելու Հայաստանի և Ադրբեջանի միջև խաղաղության համաձայնագիրը:

Ադրբեջանի նախագահի հատուկ ներկայացուցիչ

ՄԱՆՐԱՄԱՍՆԵՐ

🟨 Սուրեն Պապիկյանն այցելել է Ֆրանսիայի Սենատ, որտեղ մի շարք հանդիպումներ է ունեցել, որի ընթացքում քննարկվել են հայ-ֆրանսիական երկկողմ պաշտպանական համագործակցությանն առնչվող հարցեր:

ՄԱՆՐԱՄԱՍՆԵՐ

🟨 Հրդեհ Հրազդան ՋԷԿ-ում։ Հրդեհաշիջման աշխատանքները շարունակվում են, այրվում է մոտ 20 մ³ մազութապատ փայտ. տուժածներ չկան:

ՆԳՆ /©Radar Armenia

🟨 Չինաստանի ՊՆ Լի Շանֆուն պաշտոնանկ է արվել:

▫️ Ըստ զլմ-ների` նա հանրային դաշտից անհետացել էր դեռ նախորդ ամիս, և նրա նկատմամբ կոռուպցիոն գործով հետաքննություն էր ընթանում։

🟨 Ինքնաբացարկի արդյունքում Սուրեն Գրիգորյանի փոխարեն Երևանի ավագանու անդամի մանդատը կտրվի «ՔՊ» խմբակցությունից Լևոն Լևոնյանին, իսկ Սարգիս Մադաթյանի փոխարեն` «Հանրապետություն» խմբակցությունից Մհեր Բեջանյանին:

🟨 Նախագահ Վահագն Խաչատուրյանը աշխատանքային այցով ժամանել է Բելգիա՝ մասնակցելու Բրյուսելում հոկտեմբերի 25-26-ը կայանալիք «Global Gateway» համաժողովին:

ՄԱՆՐԱՄԱՍՆԵՐ

🟧 ԿԽՄԿ ներկայացուցիչները հոկտեմբերի 20-ին այցելել են Ադրբեջանում պահվող ԼՂ նախկին նախագահներին և մյուս պաշտոնյաներին։ Նրանց հնարավորություն է տրվել կապ հաստատել հարազատների հետ։

ԿԽՄԿ հայաստանյան ներկայացուցչություն / ©️ Radar Armenia

ՄԱՆՐԱՄԱՍՆԵՐ

🟨 Պետք է հնարավորինս արագ ամրապնդենք դիտորդական առաքելությունը, որպեսզի մշտադիտարկվի սահմանը ողջ երկայնքով՝ իրավիճակը կայունացնելու և ՀՀ տարածքի նկատմամբ Ադրբեջանի հնարավոր հարձակումները նույնականացնելու նպատակով։

Բունդեսթագի ԱՀ հանձնաժողովի նախագահ Միխայել Ռոթ

🟨 ՌԴ նախագահ Վլադիմիր Պուտինն ու Թուրքիայի նախագահ Ռեջեփ Էրդողանը հեռախոսազրույց են ունեցել. առանցքային թեման եղել է իսրայելա-պաղեստինյան հակամարտությունն ու իրավիճակը Մերձավոր արևելքում։ 

🟨 Ջեյհուն Բայրամովը և ՌԴ ԱԳՆ հատուկ ներկայացուցիչ Իգոր Խովաևը քննարկել են Հայաստանի հետ խաղաղության գործընթացի հեռանկարները, տարածաշրջանում վերջին զարգացումները և Թեհրանում կայացած հանդիպումը։

🟨 Ադրբեջանի խորհրդարանը նոր խումբ է ստեղծել, որը պետք է աջակցի կորսիկացի ժողովրդին`

▫️ վերականգնել ազգային ինքնությունը,
▫️ երաշխավորել հիմնարար իրավունքներն ու ազատությունը։

🟨 Նիկոլ Փաշինյանն ընդունել է ԱՄՆ պետքարտուղարի Հարավային Եվրոպայի և Եվրասիայի հարցերով փոխտեղակալ Ջոշուա Հակին:

▫️ Կողմերը քննարկել են տարածաշրջանային և Հայաստան-ԱՄՆ համագործակցության վերաբերյալ հարցեր։

ՄԱՆՐԱՄԱՍՆԵՐ

🟨 ՀՀ ԱԳՆ է կանչվել ՀՀ-ում ՌԴ դեսպան Սերգեյ Կոպիրկինը: Դեսպանին է հանձնվել համապատասխան բողոքի հայտագիր:

▫️Հոկտեմբերի 23-ին ՌԴ «‎Առաջին ալիք»-ի եթերում ՀՀ բարձրաստիճան պաշտոնյաների հասցեին հնչեցվել էին վիրավորական արտահայտություններ։

ՀՀ ԱԳՆ

ՄԱՆՐԱՄԱՍՆԵՐ

🟨 ՌԴ և Ադրբեջանի ԱԳ նախարարներ Սերգեյ Լավրովը և Ջեյհուն Բայրամովը հեռախոսազրույց են ունեցել։

▫️ Հաստատվել է եռակողմ համաձայնագրերի հիման վրա Ադրբեջանի և ՀՀ հարաբերությունների կարգավորմանն ուղղված ջանքերի ավելացման անհրաժեշտությունը։

ՌԴ ԱԳՆ

🟩 Կենտրոն վարչական շրջանի թիվ 15 մանկապարտեզը վերանորոգումից հետո իր դռներն է բացել 180 փոքրիկների առջև։

ՄԱՆՐԱՄԱՍՆԵՐ